"பேட்டிங்கில் சச்சினைப் போல பவுலிங்கில் ஜேம்ஸ் ஆண்டர்சன்..." கிளைன் மெக்ராத் புகழாரம்!!!

இங்கிலாந்து அணியின் மூத்த வேகப்பந்துவீச்சாளரான ஜேம்ஸ் ஆண்டர்சன் டெஸ்ட் போட்டிகளில் 600 விக்கெட்டுகளை வீழ்த்தி அதன் மூலம் இச்சாதனையைப் படைத்த முதல் வீரர் என்ற பெருமையையும் பெற்றார். அவருக்கு பல்வேறு நாடுகளைச் சேர்ந்த மூத்த வீரர்களும், சமகாலத்து வீரர்களும் வாழ்த்து தெரிவித்து வருகின்றனர். அந்த வகையில் ஆஸ்திரேலியா அணியின் முன்னாள் வேகப்பந்துவீச்சாளரான கிளைன் மெக்ராத் ஆண்டர்சனுக்கு வாழ்த்து தெரிவித்துள்ளார்.

அதில் அவர், ஆண்டர்சன் சச்சினைப் போல ஒரு சாதனை எல்லையை அடைந்துள்ளார். சச்சின் விளையாடிய போட்டிகளின் எண்ணிக்கையையும், அவர் டெஸ்ட் போட்டிகளில் குவித்த ரன்களையும் யாராலும் நெருங்க முடியாது. அது போல ஒரு சாதனையைத்தான் ஆண்டர்சன் பவுலிங்கில் செய்துள்ளார். அவரைப் போல பந்துகளை இரண்டு வகையிலும் யாராலும் சுழலச் செய்ய முடியாது. ஆண்டர்சனிடம் உள்ள திறமையைப் போல என்னிடம் இல்லை" என்றார்.

டெஸ்ட் கிரிக்கெட்டில் அதிக விக்கெட்டுகள் வீழ்த்தியவர்கள் வரிசையில் கிளைன் மெக்ராத் 563 விக்கெட்டுகளுடன் நான்காவது இடத்தில் உள்ளார் என்பது குறிப்பிடத்தக்கது.