Skip to main content

வார்னர் தகராறு.. ரபாடா நீக்கம்.. கேப்டன் ஸ்மித் விலகல்! - சர்ச்சைகளின் தொடர்

Published on 25/03/2018 | Edited on 25/03/2018

தென் ஆப்பிரிக்கா மற்றும் ஆஸ்திரேலியா அணிகள் மோதும் 4 டெஸ்ட் போட்டிகள் கொண்ட தொடர் தென் ஆப்பிரிக்காவில் நடைபெற்று வருகிறது. இந்தத் தொடரில் ஏற்கெனவே இரண்டு போட்டிகள் முடிந்துள்ள நிலையில், இரண்டு அணிகளும் தலா ஒரு போட்டியில் வெற்றிபெற்றுள்ளன. மூன்றாவது போட்டியின் நான்காவது நாள் ஆட்டம் நடைபெற்றுக் கொண்டிருக்கிறது. 

 

Aussie

 

ஜெண்டில்மேன் கேம் என்று சொல்லப்பட்டாலும், ஸ்லெட்ஜிங் என்று சொல்லப்படும் வம்புக்கிழுக்கும் முறை கிரிக்கெட்டில் இன்றும் கடைபிடிக்கப்படுவது வழக்கம். இந்தத் தொடரின் தொடக்கமே அதற்குப் பஞ்சமில்லாமல்தான் ஆரம்பித்தது. முதல் டெஸ்ட்டில் ஏபி டிவில்லியர்ஸ் மீது நாதன் லயன் பந்தைப் போட்டுவிட்டு ஓடும்போது, டேவிட் வார்னர் கடுமையான வார்த்தைகளால் பேசியது சலசலப்பை ஏற்படுத்தி இருந்த நிலையில், வார்னரும் டீகாக்கும் ட்ரெஸ்ஸிங் ரூம் செல்லும் வழியில் சண்டை போட்டுக் கொண்டனர். இந்த சண்டையில் டீகாக்கின் மீது அனுதாப அலைகள் வீசியபொழுது, தன்னை தனிப்பட்ட முறையில் டீகாக் விமர்சித்தார் என்ற உண்மையை ஊரறிய உடைத்தார் வார்னர்.

 

Aussie

 

இரண்டாவது டெஸ்ட் போட்டியில் அனல்பறக்கும் தன் பந்துவீச்சால் ஆஸி வீரர்களை துவம்சம் செய்த ககீசோ ரபாடா, அந்த அணியின் நட்சத்திர பேட்ஸ்மேன்கள் ஸ்மித் மற்றும் வார்னர் விக்கெட்டுகளை கைப்பற்றியபோது தோளுக்கு தோளாக சென்று உரசியதாக சர்ச்சைகள் கிளம்பின. ரபாடாவின் இந்த நடத்தை குறித்து கேள்வியெழுப்பிய ஐசிசி, இரண்டு போட்டிகளில் விளையாட தடைவிதிக்க முடிவு செய்தது. ஆனால், பின்னர் அந்த முடிவு மாற்றியமைக்கப்பட்டு, ரபாடா மன்னிக்கப்பட்டார். இந்த மன்னிப்பு ஏற்றுக்கொள்ள முடியாதது என்று ஆஸி கேப்டன் ஸ்மித் கருத்து தெரிவித்தார்.

 

Aussie

 

தற்போது, மூன்றாவது டெஸ்ட் நடந்துகொண்டிருக்கும் சூழலில், மூன்றாவது நாளான நேற்று ஆஸி. அணியைச் சேர்ந்த கேமரூன் பான்கிராஃப்ட், தன் கையில் இருந்த பந்தை உப்புத்தாள் போன்ற பொருளால் தேய்த்து சேதப்படுத்திய வீடியோ காட்சிகள் வெளியாகின. இந்த விவகாரம் தற்போது உச்சகட்டத்தை எட்டி, ஆஸி. கிரிக்கெட் வாரியமே தலையிடும் நிலைக்கு போய்விட்டது. இதனால், கேப்டன் ஸ்டீவன் ஸ்மித் மற்றும் துணை கேப்டன் டேவிட் வார்னர் ஆகியோர் பதவி விலகவேண்டிய சூழல் உருவாகியுள்ளது. ஆஸ்திரேலிய அணியின் கேப்டனாக விக்கெட் கீப்பர் டிம் பெய்ன் இனி வரும் போட்டிகளில் தொடர்வார் என்று அறிவிக்கப்பட்டுள்ளது. நாங்கள் தலைகுனிய வேண்டிய நிலை ஏற்பட்டுவிட்டது என்று ஆஸ்திரேலிய பிரதமர் மால்கம் டர்ன்புல் இதுகுறித்து கருத்து தெரிவித்திருக்கிறார். மேலும், நான்காவது டெஸ்ட் போட்டியில் விளையாட ஸ்டீவன் ஸ்மித்துக்கு தடைவிதித்து ஐசிசி உத்தரவிட்டுள்ளது. அதுமட்டுமின்றி, ஐபிஎல் போட்டிகளில் ராஜஸ்தான் ராயல்ஸ் அணியின் கேப்டனாக இருக்கும் ஸ்மித், இந்த சீசனில் கலந்துகொள்வாரா என்ற கேள்வியும் இப்போதே எழத் தொடங்கியுள்ளது.

 

Aussie

 

இந்தத் தொடர் முடிவதற்கு முன்பாகவே இத்தனை பிரச்சனைகளைக் கடந்துவர வேண்டியதாகிவிட்டது இரு அணி வீரர்களுக்கும். இன்னும் ஒரு போட்டி மீதமிருக்கும் நிலையில், யார்யார் தலையெல்லாம் பிரச்சனையில் சிக்கப்போகிறதோ. 

Next Story

கிரிக்கெட் கதைக்களத்தை கையிலெடுத்த ஜேசன் சஞ்சய்

Published on 28/03/2024 | Edited on 28/03/2024
jason sanjay movie update

விஜய், தற்போது வெங்கட் பிரபு இயக்கத்தில் தி கிரேட்டஸ்ட் ஆஃப் ஆல் டைம் படத்தில் நடித்து வருகிறார். இவரது மகனான ஜேசன் சஞ்சய், கனடா பல்கலைக்கழகத்தில் சினிமா துறை சம்பந்தமாகப் படித்து வந்தார். இவர் குறும்படம் இயக்கும் புகைப்படங்கள் முன்னதாக சமூக வலைத்தளங்களில் வெளியாகி வைரலானது. இயக்கம் மீது அவருக்கு ஆர்வம் இருப்பதாகச் சொல்லப்பட்டது. 

இதனைத் தொடர்ந்து கடந்த ஆண்டு ஆகஸ்ட் மாதம் ஜேசன் சஞ்சய் இயக்குநராக அறிமுகமாகவுள்ளதாக அறிவிப்பு வெளியானது.  இப்படத்தை லைகா தயாரிக்கிறது. இப்படத்தில் கவின், துல்கர் சல்மான் உள்ளிட்ட சில நடிகர்களின் பெயர் அடிப்பட்டது. ஆனால் அறிவிப்புக்கு பிறகு எந்த அப்டேட்டும் வெளியாகாமல் இருந்தது. 

பின்பு ஆரம்பகட்ட பணிகள் நடைபெற்று வந்ததாக சொல்லப்பட்டு வந்த நிலையில், தற்போது படம் குறித்த லேட்டஸ்ட் தகவல் ஒன்று வெளியாகியுள்ளது. அதன்படி கிரிக்கெட் கதைக்களத்தை கொண்டு இப்படம் உருவாகவுள்ளதாக கூறப்படுகிறது. சமீப காலமாக கிரிக்கெட்டை மையப்படுத்தி லால் சலாம், ப்ளூ ஸ்டார் உள்ளிட்ட படங்கள் வெளியாகின.

மேலும் டெஸ்ட் என்ற தலைப்பில் சசிகாந்த் இயக்கத்தில் ஒரு படம் உருவாகி வருகிறது.

Next Story

WPL : சாம்பியன் பட்டத்தை வென்ற பெங்களூரு அணி!

Published on 17/03/2024 | Edited on 17/03/2024
WPL : Bengaluru team won the title

இந்த ஆண்டுக்கான பெண்கள் பிரீமியர் லீக் கிரிக்கெட் போட்டி (W.P.L.) கடந்த பிப்ரவரி மாதம் 23 ஆம் தேதி (23.02.2024) தொடங்கியது. இது பெண்கள் பிரீமியர் லீக் கிரிக்கெட் போட்டியின் 2வது சீசன் ஆகும். இதற்கான இறுதிப் போட்டி டெல்லியில் உள்ள அருண் ஜெட்லி கிரிக்கெட் மைதானத்தில் இன்று (17.03.2024 நடைபெற்றது.

இந்த இறுதிப் போட்டியில் டெல்லி கேப்பிட்டல்ஸ் அணியும், பெங்களூரு ராயல் சேலஞ்சர்ஸ் அணியும் மோதின. டாஸ் வென்ற டெல்லி அணியின் கேப்டன் மெக் லானிங் முதலில் பேட்டிங்கை தேர்வு செய்தார். அதன்படி முதலில் ஆடிய டெல்லி அணி 18.3 ஓவர்களில் 113 ரன்களுக்கு ஆல் அவுட் ஆனது. பெங்களுரூ அணி சார்பில் ஷ்ரேயங்கா பாட்டில் 4 விக்கெட்களையும், மொலினஷ் 3 விக்கெட்களையும் எடுத்து அசத்தினர்.

அதன் பின்னர் 114 ரன்கள் எடுத்தால் வெற்றி என்ற இலக்குடன் பெங்களூரு அணி  களமிறங்கியது. இதனையடுத்து சிறப்பாக ஆடிய பெங்களூரு அணி 19.3 ஓவர்களில் 2 விக்கெட் இழப்புக்கு 115 ரன்கள் எடுத்து வெற்றி பெற்றது. இதன் மூலம் இறுதிப் போட்டியில் டெல்லி அணியை 8 விக்கெட் வித்தியாசத்தில் பெங்களூரு அணி வீழ்த்தியது. மகளிர் பிரீமியர் லீக் கிரிக்கெட் போட்டியின் 2வது சீசனில் பெங்களூரு அணி சாம்பியன் பட்டம் வென்றது.

மகளிர் பிரீமியர் லீக் கிரிக்கெட் போட்டியில் பெங்களூரு அணி சாம்பியன் பட்டம் வென்றதையடுத்து பெங்களூரு அணியின் கேப்டன் ஸ்ம்ரிதி மந்தனாவுக்கு, கிரிக்கெட் வீரர் விராட் கோலி வீடியோ காலில் தனது வாழ்த்துகளைத் தெரிவித்தார். அதேபோன்று கோப்பை வென்ற பெங்களூரு மகளிர் அணிக்கு சென்னை சூப்பர் கிங்ஸ் அணி சார்பில் எக்ஸ் சமூக வலைத்தளத்தில் வாழ்த்து தெரிவிக்கப்பட்டுள்ளது.