Skip to main content

மனதில் பெரிய ஜேம்ஸ்பாண்ட்னு நினைப்பு - கம்பீரை வம்பிழுத்த அப்ரிதி!

Published on 18/04/2020 | Edited on 18/04/2020

சில தினங்களுக்கு முன்பு சச்சினை அவுட் ஆக்கியது தொடர்பாக தவறான தகவல் கொடுத்து பாகிஸ்தான் முன்னாள் வேகப்பந்து வீச்சாளர் அக்தர் சர்ச்சையில் சிக்கிக்கொண்ட நிலையில், தற்போது பாகிஸ்தான் அணியின் முன்னாள் வீரர் ஷாகித் அப்ரிதி இந்திய அணியின் முன்னாள் வீரர் காம்பீர் தொடர்பாக ஒரு சர்ச்சையான கருத்தை தெரிவித்துள்ளார். கேம் சேஞ்சர் என்று அவர் வெளியிட்டுள்ள ஒரு புத்தகத்தில் கவுதம் கம்பீர் தொடர்பான அவதூறான கருத்துகள் இடம் பெற்றுள்ளன. 

  c



அதில், "கம்பீரிடம் எப்போதும் நல்ல எண்ணங்கள் இல்லை, எந்தவித தனித்துவமான குணநலன்களும் அவரிடம் இல்லை. அவரை போன்ற வீரர்கள் கிரிக்கெட்டில் எப்போதாவதுதான் வருவார்கள். அவரிடம் எந்த தனித்துவமான சாதனைகளும் இல்லை. ஆனால் மனதில் ஜேம்ஸ்பாண்ட், பிராட்மேன் போன்ற நினைப்பு அவருக்கு அதிகம் இருக்கும்" என்று தெரிவித்துள்ளார். இதற்கு பதில் அளித்துள்ள கம்பீர், " பொய் பேசுபவர்கள், ஆதிக்கம் செலுத்த விரும்புபவர்கள் மீது எனக்கு எப்போதும் திமிர் இருக்கும், அதைதவிர வேறு தீய எண்ணங்கள் எனக்கு எப்போதும் இருந்ததில்லை" என்று தெரிவித்துள்ளார்.

 

Next Story

"தம்பி நீ பிறப்பதற்கு முன்பே சதமடித்தவன் நான்...” இளம் வீரரிடம் சீறிய அஃப்ரிடி

Published on 01/12/2020 | Edited on 01/12/2020

 

Shahid Afridi

 

 

இலங்கையில் நடைபெற்று வரும் உள்ளூர் கிரிக்கெட் போட்டியில் இளம் வீரர் ஒருவரை பாகிஸ்தான் முன்னாள் வீரரான அஃப்ரிடி கண்டிக்கும் காட்சி இணையத்தில் வைரலாகி வருகிறது.

 

இலங்கையில் உள்ளூர் இருபது ஓவர் கிரிக்கெட் தொடர் லங்கன் பிரீமியர் லீக் எனும் பெயரில் நடைபெற்று வருகிறது. இத்தொடரில் இலங்கை வீரர்கள் மட்டுமின்றி பிறநாட்டு வீரர்களும் விளையாடி வருகின்றனர். நேற்று நடைபெற்ற லீக் போட்டியில் கண்டி டஸ்கர்ஸ் மற்றும் காலி கிளாடியேட்டர்ஸ் அணிகள் மோதின. இப்போட்டியில் அஃப்ரிடி தலைமையிலான காலி கிளாடியேட்டர்ஸ் அணி 25 ரன்கள் வித்தியாசத்தில் தோல்வியடைந்தது. போட்டியின் 18-ஆவது ஓவரின்போது காலி கிளாடியேட்டர்ஸ் வீரர் அமீருக்கும், கண்டி டஸ்கர்ஸ் அணிக்காக விளையாடி வரும் ஆப்கானிஸ்தானைச் சேர்ந்த இளம்வீரரான நவீன்-உல்-ஹக்கிற்கும் இடையே மோதல் வெடித்தது. பிற வீரர்கள் தலையீட்டு இருவரையும் சமாதானம் செய்து வைத்தனர். பின் போட்டியின் முடிவில் அனைத்து வீரர்களும் கைகுலுக்கிக் கொள்ளும்போது நவீன்-உல்-ஹக்கை காலி கிளாடியேட்டர்ஸ் அணியின் கேப்டனான அஃப்ரிடி கண்டித்தார்.

 

அவரிடம் அஃப்ரிடி, "தம்பி நீ பிறப்பதற்கு முன்பே சர்வதேச போட்டிகளில் நான் சதமடித்தவன் எனக் கூறியதாக கிரிக்கெட் வட்டாரங்கள் தெரிவிக்கின்றன.

 

 

Next Story

தோனி குடும்பத்தின் மீதான விமர்சனம்... கொதித்தெழுந்த அஃப்ரிடி!

Published on 12/10/2020 | Edited on 12/10/2020

 

Shahid Afridi

 

 

13-வது ஐபிஎல் தொடரில் தோனி தலைமையிலான சென்னை அணி தொடர் தோல்விகளால் தடுமாறி வருகிறது. 7 போட்டிகளில் விளையாடியுள்ள சென்னை அணி 2 வெற்றிகள், 5 தோல்விகள் கண்டு அணிகளுக்கான தரவரிசைப்பட்டியலில் 4 புள்ளிகளுடன் 7-வது இடத்தில் உள்ளது. சென்னை அணியின் தொடர் தோல்விகள் அணி நிர்வாகத்தை கவலையடையச் செய்துள்ளது. மேலும் சென்னை அணி ரசிகர்கள், வீரர்களின் நிலையற்ற ஆட்டம் குறித்தும், வீரர்கள் தேர்வு குறித்தும் தங்களது அதிருப்தியை வெளிப்படுத்தி வருகின்றனர். சில ரசிகர்கள் வீரர்களின் தனிப்பட்ட வாழ்க்கை குறித்தும் வரம்பு மீறிய விமர்சனத்தை முன்வைத்தனர். அந்தவகையில், தோனியின் மகள் குறித்து ஒருவர் சமூக வலைத்தளத்தில் தெரிவித்த கருத்து பெரும் சர்ச்சையானது. அதனையடுத்து, தோனியின் வீட்டிற்கு போலீஸ் பாதுகாப்பு போடப்பட்டது. அந்த நபரின் செயலை பலரும் கண்டித்து, தோனிக்கு ஆதரவாக கருத்து தெரிவித்து வருகின்றனர். இந்நிலையில், பாகிஸ்தான் அணியின் முன்னாள் வீரர் அஃப்ரிடி தோனிக்கு ஆதரவாக பேசியுள்ளார்.

 

அதில் அவர், "தோனி மற்றும் அவர் குடும்பத்தின் மீது என்ன வகையான விமர்சனங்கள் வைக்கப்படுகின்றன. இது முற்றிலும் தவறானது, இது நடந்திருக்கக்கூடாது. தோனி, இந்திய கிரிக்கெட்டை புதிய உயரத்திற்கு அழைத்து சென்றவர். தன்னுடன் விளையாடிய இளம் வீரர்கள், மூத்த வீரர்கள் என அனைவரையும் முன்னேற்றியவர். தோனி இத்தகைய விமர்சனங்களுக்கு உரியவர் அல்ல" என கூறினார்.