எட்க்பாஸ்டனில் நடைபெற்ற முதல் டெஸ்ட் கிரிக்கெட் போட்டியில் இந்திய அணி போராடித் தோற்றது. வரலாற்றில் முதன்முறையாக தனது ஆயிரமாவது டெஸ்ட் போட்டியில் விளையாடிய இங்கிலாந்து அணி, இந்தப் போட்டியில் வெற்றிபெற்று சாதனை பெற்றதோடு, எட்க்பாஸ்டன் மைதானம் தனது கோட்டை என்பதை மீண்டும் நிரூபித்திருக்கிறது.
இதற்கு முன்னர் இங்கிலாந்தில் சுற்றுப்பயணம் மேற்கொண்ட இந்திய அணியில், இடம்பெற்ற விராட் கோலி 10 டெஸ்ட் இன்னிங்ஸ்கள் (ஐந்து டெஸ்ட் போட்டிகள்) விளையாடி வெறும் 134 ரன்கள் மட்டுமே எடுத்திருந்தார். டெஸ்ட் கிரிக்கெட் போட்டிகளில் தொடர்ந்து முன்னிலை வகித்து வந்த அவர், இந்தத் தொடரிலும் சிறப்பாகவே ஆடினார். 149, 51 என இரண்டு இன்னிங்ஸ்களிலும் அவர் எடுத்த ரன்களால், டெஸ்ட் தரவரிசையிலும் தற்போது முதலிடத்தைப் பிடித்திருக்கிறார்.