முக்கிய வேகப்பந்து வீச்சாளர் விலகல் - இங்கிலாந்துக்கு பின்னடைவு!

இந்தியா - இங்கிலாந்து அணிகளுக்கு இடையேயான டெஸ்ட் தொடர், இங்கிலாந்தில் தற்போது நடைபெற்று வருகிறது. இந்த தொடரின் முதல் போட்டி மழையால் ட்ரா ஆன நிலையில், இரண்டாவது ஆட்டத்தில் இந்தியா இங்கிலாந்தை வீழ்த்தி அசத்தியது. இதற்கிடையே இந்த இரண்டாவது டெஸ்ட் போட்டியின்போது இங்கிலாந்து வேகப்பந்து வீச்சாளர் மார்க் வுட்டுக்கு வலது தோளில் காயம் ஏற்பட்டது.

இதனைத் தொடர்ந்து அவர், இந்தியா -இங்கிலாந்து அணிகளுக்கிடையேயான மூன்றாவது டெஸ்ட் போட்டியிலிருந்து விலகியுள்ளார். இரண்டாவது டெஸ்டில் ஐந்து விக்கெட்டுகளை மார்க் வுட் எடுத்திருந்தது குறிப்பிடத்தக்கது.

ஏற்கனவே இங்கிலாந்து அணியின் முக்கிய பந்து வீச்சாளர்களில் ஒருவரான ஸ்டூவர்ட் பிராட், காயம் காரணமாக இந்தியாவிற்கெதிரான தொடரிலிருந்து விலகியுள்ள நிலையில், தற்போது மார்க் வுட்டும் விலகியிருப்பது இங்கிலாந்து அணிக்கு பெரும் பின்னடைவை ஏற்படுத்தியுள்ளது.