Skip to main content

டெல்லி, மும்பை, பெங்களூர் - காயமடைந்த வீரர்களும் மாற்று வீரர்களும்!

Published on 31/03/2023 | Edited on 31/03/2023

 

Delhi, Mumbai Bangalore - Injured players and substitutes!

 

ஐபிஎல் தொடரின் 16 ஆவது சீசன் இன்று கோலாகலத்துடன் துவங்கியுள்ளது. போட்டிகளுக்கான டிக்கெட்டுகள் விற்பனை துவங்கப்படும் சில மணிநேரங்களிலேயே விற்றுத் தீர்ந்துவிடுகின்றன.

 

ஒவ்வொரு அணி நிர்வாகமும் தங்களது அணி வீரர்கள் பயிற்சி மேற்கொள்ளும் காணொளிகளை இணையத்தில் பதிவேற்றி ஐபிஎல்லுக்கான ஹைப் ஏற்றுகின்றன. அதே வேளையில் ஏலத்தின் போது எடுக்கப்பட்ட வீரர்கள் காயம் காரணமாக தொடரில் இருந்து விலகுவதும் மாற்று வீரர் அணியில் சேர்க்கப்படுவதுமான நிகழ்வுகளும் தொடர்கின்றன.

 

சென்னை அணியைப் பொறுத்தவரை கேப்டன் தோனிக்கு இது கடைசி ஐபிஎல்லாக இருக்கலாம் எனச் சொல்லப்படுகிறது. அதேசமயத்தில் அவர் இன்னும் 2 முதல் 3 சீசன்கள் விளையாடலாம் என்றும் முன்னாள் கிரிக்கெட் வீரர்கள் கூறுகின்றனர்.

 

இந்நிலையில், காயம் காரணமாக மும்பை இந்தியன்ஸ் அணியின் நட்சத்திர வீரர் பும்ரா விலகிய நிலையில் மாற்று வீரரை தேர்ந்தெடுப்பது குறித்தான ஆலோசனைகள் நடைபெற்றது. இந்நிலையில் வேகப்பந்து வீச்சாளர் சந்தீப் வாரியார் தேர்வு செய்யப்பட்டுள்ளார். சந்தீப் வாரியார் ரு.50 லட்சத்திற்கு அணியில் சேர்க்கப்பட்டுள்ளார். மும்பை இந்தியன்ஸ் அணி வரும் 2 ஆம் தேதி பெங்களூர் அணியை எதிர்கொள்கிறது.

 

அதேபோல் பெங்களூர் அணியிலும், இந்த ஐபிஎல் சீசனின் முதல் 7 போட்டிகளில் ஜோஷ் ஹேசில்வுட் விளையாடமாட்டார் என தகவல் வெளியாகியுள்ளது. காயத்திற்கு சிகிச்சை பெற்று வரும் அவர் ஏப்ரல் 13 ஆம் தேதிக்கு பிறகே இந்தியாவிற்கு வருவார் என தகவல் வெளியாகியுள்ளது. இந்தியா வந்தும், ஹேசில்வுட் பயிற்சி எடுத்துக்கொண்டு அணிக்கு திரும்ப ஒரு வார காலம் ஆகலாம் எனக் கூறப்படும் நிலையில் முதல் 7 போட்டியில் விளையாட மாட்டார் என தகவல் வெளியாகியுள்ளது. இதனால் பெங்களூர் அணிக்கு பின்னடைவாக பார்க்கப்படுகிறது.

 

டெல்லி அணியில் கடந்த சில மாதங்களுக்கு முன் விபத்தில் காயமடைந்த ரிஷப் பண்ட் தற்போது ஓய்வில் இருக்கும் நிலையில் அவருக்கு பதிலாக விக்கெட் கீப்பர் மற்றும் பேட்ஸ்மேனான அபிஷேக் போரல் சேர்க்கப்பட்டுள்ளார்.

 

 

 

 

Next Story

தோனிக்கு அறுவை சிகிச்சை?

Published on 01/06/2023 | Edited on 01/06/2023

 

Dhoni surgery? for knee injury

 

16 ஆவது ஐபிஎல் போட்டியில் சென்னை - குஜராத் அணிகளுக்கு இடையேயான இறுதிப் போட்டி முதல் நாளில் மழை காரணமாக நிறுத்தி வைக்கப்பட்ட நிலையில், மறுநாள் மீண்டும் தொடங்கியது. முதலில் பேட்டிங் செய்த குஜராத் அணி 20 ஓவர்களில் 4 விக்கெட்டுகளை இழந்து 214 ரன்கள் எடுத்திருந்தது. தொடர்ந்து களத்தில் இறங்கிய சென்னை அணி 15 ஓவர்களில் 5 விக்கெட்களை இழந்து 171 ரன்களை எடுத்து வெற்றி பெற்றது. வெற்றியின் மூலம் தோனி தலைமையிலான சென்னை அணி 5 ஆவது முறையாக கோப்பையை வென்றது.

 

14 ஐபிஎல் சீசன்களில் விளையாடியுள்ள சென்னை அணி 12 முறை ப்ளே ஆஃப் சுற்றுக்கு முன்னேறியுள்ளது. அதில் தோனி தலைமையில் 10 முறை இறுதிப் போட்டிக்குச் சென்று இந்த வெற்றியுடன் 5 முறை கோப்பையையும் கைப்பற்றியுள்ளது. ஐபிஎல் தொடரில் 250 போட்டிகள் விளையாடிய வீரர் என்ற பெருமையையும் தோனி பெற்றுள்ளார். அதில் 349 பவுண்டரிகளுடனும் 239 சிக்ஸர்களுடனும் மொத்தமாக 5,082 ரன்களைக் குவித்துள்ளார். 

 

தனது இடது முழங்கால் காயத்தால் அவதிப்பட்ட தோனி குஜராத் உடனான முதல் போட்டியில் விளையாட மாட்டார் எனச் சொல்லப்பட்டது. இது குறித்து அப்போது பேசிய சென்னை அணியின் பயிற்சியாளர் ஃப்ளம்மிங், “தோனி முழங்கால் காயத்திற்கு சிகிச்சை பெற்று வருகிறார். அவரது அசைவுகளில் அதை நீங்கள் கணலாம். அது அவருக்கு சிறு தடையாக உள்ளது. அவர் முழு உடல் தகுதியுடன் உள்ளார். அவர் தொடர் ஆரம்பிப்பதற்கு ஒரு மாதத்திற்கு முன்பாகவே வந்து பயிற்சியில் ஈடுபட்டு வருகிறார். அவர் சிறந்த விளையாட்டு வீரர். அதில் சந்தேகம் இல்லை. அவர் தனது காயத்தை மேனேஜ் செய்தபடி அணியை வழி நடத்துவார்” என்றார். இதன் பின்பே சென்னை ரசிகர்கள் பெருமூச்சு விட்டனர். சென்னை அணியின் முதல் போட்டியில் தோனி கலந்து கொண்டார். அப்போட்டியில் தோற்றாலும் தோனி விளையாடுகிறார் என்பதற்காகவே ரசிகர்கள் துள்ளிக் குதித்தனர்.

 

காலில் காயத்துடனே அனைத்து லீக் போட்டிகள், ப்ளே ஆஃப் போட்டிகள், இறுதிப் போட்டி என அனைத்து போட்டிகளிலும் அணியை சிறப்பாக வழிநடத்தி அணிக்கு கோப்பையை வென்று கொடுத்தார். ஆனாலும் இந்த சீசன் முழுவதும் தோனி ரன்களை எடுப்பதற்கு சிரமப்பட்டதை காண முடிந்தது. தன்னை அதிகம் ஓட வைக்க வேண்டாம் என வீரர்களிடம் சொல்லி இருப்பதாக தோனி ஒரு லீக் போட்டி முடிந்த பின் கூறியிருந்தார். லீக் போட்டி ஒன்று முடிந்த பின் தோனி காலை தாங்கித் தாங்கி நடந்து சென்றதும், சென்னையில் நடந்த கடைசி லீக் போட்டி முடிந்த பின் ரசிகர்களுக்கு நன்றி செலுத்த மைதானத்தை சுற்று வந்த போதும் காலில் முழங்கால் கேப் உடனே வலம் வந்தார். இத்தகைய புகைப்படங்களும் இணையத்தில் வேகமாகப் பகிரப்பட்டது. 

 

இந்நிலையில் மும்பையில் உள்ள கோகிலாபெண் மருத்துவமனையில் சில சோதனைகளுக்காக தோனி அனுமதிக்கப்பட இருக்கிறார் என்றும் முழங்கால் காயத்திற்கு முழுமையாக சிகிச்சை எடுத்துக்கொண்ட பின் அவர் வீடு திரும்புவார் எனத் தகவல்கள் தெரிவிக்கின்றன. பரிசோதனையின் போது அறுவை சிகிச்சை செய்ய வேண்டிய தேவை கண்டறியப்பட்டால் முழுமையான சிகிச்சை எடுத்துக்கொண்ட பின் வீடு திரும்புவார் என எதிர்பார்க்கப்படுகிறது.

 


 

Next Story

“மேன் வித் எ ப்ளான்” - தோனிக்கும் சென்னை அணிக்கும் முதல்வர் வாழ்த்து!

Published on 30/05/2023 | Edited on 30/05/2023

 

"Man with a Plan" Dhoni and the Chennai team congratulated by the Chief Minister!

 

16 ஆவது ஐபிஎல் போட்டியில் சென்னை - குஜராத் அணிகளுக்கு இடையேயான இறுதிப் போட்டி நேற்று முன்தினம் மழை காரணமாக நிறுத்தி வைக்கப்பட்ட நிலையில், நேற்று தொடங்கியது. முதலில் பேட்டிங் செய்த குஜராத் அணி 20 ஓவர்களில் 4 விக்கெட்டுகளை இழந்து 214 ரன்கள் எடுத்திருந்தது. தொடர்ந்து களத்தில் இறங்கிய சென்னை அணி 15 ஓவர்களில் 5 விக்கெட்களை இழந்து 171 ரன்களை எடுத்து வெற்றி பெற்றது. வெற்றியின் மூலம் சென்னை அணி 5 ஆவது முறையாக கோப்பையை வென்றது.

 

14 ஐபிஎல் சீசன்களில் விளையாடியுள்ள சென்னை அணி 12 முறை ப்ளே ஆஃப் சுற்றுக்கு முன்னேறியுள்ளது. அதில் தோனி தலைமையில் 10 முறை இறுதிப் போட்டிக்குச் சென்று நேற்றுடன் 5 முறை கோப்பையையும் கைப்பற்றியுள்ளது. ஐபிஎல் தொடரில் 250 போட்டிகள் விளையாடிய வீரர் என்ற பெருமையையும் தோனி பெற்றுள்ளார். அதில் 349 பவுண்டரிகளுடனும் 239 சிக்ஸர்களுடனும் மொத்தமாக 5,082 ரன்களைக் குவித்துள்ளார். 

 

இந்நிலையில் ஒவ்வொரு சூழலுக்கும் திட்டம் வகுத்து செயல்படும் தோனி தலைமையில் 5 ஆவது முறையாக கோப்பையை வென்றுள்ள சென்னை அணிக்கு வாழ்த்துகள் என முதலமைச்சர் மு.க.ஸ்டாலின் வாழ்த்து தெரிவித்துள்ளார். மேலும் இக்கட்டான சூழலில் தனது முகத்தில் பதற்றத்தை வெளிக்காட்டாத ஜடேஜா சென்னை அணிக்கான வரலாற்று வெற்றியை உறுதிப்படுத்தியுள்ளார் என முதலமைச்சர் மு.க. ஸ்டாலின் வாழ்த்து தெரிவித்துள்ளார்.