Skip to main content

சி.எஸ்.கேவுக்கு பின்னடைவு? - ஐபிஎல் தொடரில் தீபக் சஹார் விளையாடுவது சந்தேகம்!

Published on 24/02/2022 | Edited on 24/02/2022

 

deepak chahar

 

2022 ஆம் ஆண்டு ஐபிஎல் தொடரையொட்டி, அண்மையில் மெகா ஏலம் நடைபெற்றது. இதில் வேகபந்து வீச்சாளர் தீபக் சஹாரை சென்னை சூப்பர் கிங்ஸ் அணி, 14 கோடி ரூபாய்க்கு ஏலம் எடுத்தது. இஷான் கிஷனுக்கு அடுத்து இந்த மெகா ஏலத்தில் அதிக விலைக்கு ஏலம் எடுக்கப்பட்டவர் தீபக் சஹார்தான்.

 

இந்நிலையில் மேற்கு இந்திய தீவுகளுக்கு இடையேயான கடைசி இருபது ஓவர் போட்டியின்போது, காயமடைந்து பாதியில் வெளியேறினார். அதனைத் தொடர்ந்து இலங்கைக்கு எதிரான இருபது தொடரிலிருந்தும் சஹார் விலகினார். இந்தநிலையில் அவர் ஐபிஎல் போட்டிகளில் விளையாடுவது கேள்விக் குறியாகியுள்ளது. 

 

தீபக் சஹாரின் காயம் மோசமாக உள்ளதாகவும், அதனால் அவர் ஐபிஎல் தொடரில் இருந்து விலகலாம் எனவும் தகவலறிந்த வட்டாரங்கள் தெரிவித்துள்ளன. தீபக் சஹார் ஐபிஎல் தொடரிலிருந்து விலகினால், அது சென்னை சூப்பர் கிங்ஸ் அணிக்கு பெரும் பின்னடைவாக இருக்கும் என கருதப்படுகிறது.

 

 

 

Next Story

யாரும் எதிர்பார்க்காத ட்விஸ்ட்; சென்னையை வீழ்த்தி பெங்களூர் அணி அபார வெற்றி!

Published on 18/05/2024 | Edited on 19/05/2024
Royal challenger bangalore won the play off match

ஐபிஎல் 2024இன் 65ஆவது லீக் ஆட்டம் சென்னை சூப்பர் கிங்ஸ் மற்றும் பெங்களூரு அணிகளுக்கிடையே பெங்களூர் சின்னசாமி மைதானத்தில் இன்று (18-05-24) நடைபெற்றது. இதில், டாஸ் வென்ற சென்னை சூப்பர் கிங்ஸ் அணி, பந்து வீச்சை தேர்வு செய்தது. அதன்படி, பெங்களூர் அணி சார்பில் பேட்டிங் செய்த விராட் கோலி 29 பந்துகளில் 4 சிக்சர்களும், 3 பவுண்டரிகளும் அடித்து 47 ரன்கள் அடித்து அவுட்டானார். 

அடுத்து இறங்கிய டூ பிளஸ்சிஸ் 39 பந்துகளில் 3 சிக்சர்களும், 3 பவுண்டரிகளும் அடித்து 54 ரன்கள் அடித்து அவுட்டானார். இறுதியில் 20 ஓவர்களில் 5 விக்கெட்கள் இழப்புக்கு 218 ரன்கள் அடித்து பெங்களூர் அணி ஆட்டத்தை முடித்தது. இதனை தொடர்ந்து, சென்னை சூப்பர் கிங்ஸ் அணி சார்பில் பந்து வீசிய, தாகூர் 2 விக்கெட்டும், தேஷ்பாண்டே மற்றும் சாந்த்னர் தலா ஒரு விக்கெட்டும் எடுத்தனர்.

அடுத்து 219 ரன்கள் இலக்கை முன்வைத்து களமிறங்கிய சென்னை சூப்பர் கிங்ஸ் அணி சார்பில் பேட்டிங் செய்த ருத்துராக் எந்தவித ரன்களும் எடுக்காமல் அவுட்டானார். ரவிந்தீரா 37 பந்துகளில் 5 பவுண்டரிகள், 3 சிக்சர்கள் அடித்து 61 ரன்கள் அடித்து அவுட்டானார். மிக்ச்செல் 4 ரன்களும், சிவம் துபே 7 ரன்களும், சாந்த்னர் 3 ரன்களும் அடித்து அவுட்டானார்கள். மகேந்திர சிங் தோனி 13 பந்துகளில் 3 பவுண்டரிகள் 1 சிக்சர் அடித்து 25 ரன்கள் அடித்து அவுட்டானார். ரவீந்திர ஜடேஜா 22 பந்துகளில் 3 சிக்சர்கள், 3 பவுண்டரிகள் அடித்து 42 ரன்கள்  அடித்து மைதானத்தில் இருந்தார்.  இறுதியாக சென்னை சூப்பர் கிங்ஸ் அணி 20 ஓவருக்கு 7 விக்கெட் இழப்புக்கு 191 ரன்கள் எடுத்து பெங்களூர் அணியிடம் தோல்வி அடைந்தது. 

சென்னை சூப்பர் கிங்ஸ் அணியை எதிர்த்து பந்து வீசிய மேக்ஸ்வெல், சிராஜ், தயால், கீரின், லாக்கி பெர்குசன் ஆகியோர் தலா 1 விக்கெட்டுகளை எடுத்தனர். இதன் மூலம், சென்னை சூப்பர் கிங்ஸ் அணியை வீழ்த்தி பெங்களூர் அணி அபாரமாக வெற்றி பெற்றது.

Next Story

ரசிகர்களுக்கு சஸ்பென்ஸ் வைத்த சி.எஸ்.கே!

Published on 12/05/2024 | Edited on 12/05/2024
CSK kept the fans in suspense

உலக அளவில் புகழ்பெற்ற கிரிக்கெட் தொடரான ஐ.பி.எல். டி20 தொடர் கடந்த 2008 ஆம் ஆண்டு முதல் நடைபெற்று வருகிறது. இதன் 17 ஆவது சீசன் இந்த ஆண்டு (2024) மார்ச் மாதம் தொடங்கி நடைபெற்று வருகிறது. இத்தகைய சூழலில் சென்னை சேப்பாக்கம் ஸ்டேடியத்தில் இன்று (12.05.2024) நடைபெற உள்ள ஆட்டத்தில் சென்னை சூப்பர் கிங்ஸ் - ராஜஸ்தான் ராயல்ஸ் அணிகள் மோதுகின்றன. அரையிறுதி போட்டிக்குச் செல்ல சென்னை அணிக்கு இந்த இந்த ஆட்டம் முக்கியமான ஒன்று ஆகும். இதனால் ரசிகர்கள் இடையே பலத்த எதிர்பார்ப்பு நிலவுகிறது.

இந்நிலையில் இன்று நடைபெற உள்ள போட்டிக்கு பின்னர் சென்னை சூப்பர் கிங்ஸ் அணியின் ரசிகர்களை ஸ்டேடியத்தில் சிறிது நேரம் காத்திருக்கும்படி சென்னை சூப்பர் கிங்ஸ் அணியின் நிர்வாகம் சார்பில் தெரிவிக்கப்பட்டுள்ளது. சென்னை அணியின் ரசிகர்களுக்கு ஸ்பெஷலான ஒன்று இருக்கிறது எனவும் சிஎஸ்கே அணி தனது எக்ஸ் சமூக வலைத்தளத்தில் பதிவிடப்பட்டுள்ளது. சென்னையில் நடைபெறும் கடைசி லீக் போட்டி என்பது குறிப்பிடத்தக்கது.

அதே சமயம் இன்றைய போட்டி முடிந்ததும் ஐபிஎல் கிரிக்கெட் தொடரில் இருந்து ஓய்வு அறிவிப்பை தோணி அறிவிக்க வாய்ப்பு இருபதாக ரசிகர்கள் கவலை தெரிவித்துள்ளனர்.  அதே சமயத்தில் சென்னையில் கடைசி  மேட்ச் நடந்து முடியும் பொழுது அனைத்து பார்வையாளர்களுக்கும் டீ சர்ட், பந்துகள் தரப்படுவது வழக்கம். அதேபோல் அனைவருக்கும் மைதானத்தை சுற்றி வந்து டாடா காட்டிவிட்டு நன்றி சொல்வதும் வழக்கம். இதனால் கூட ரசிகர்களை ஸ்டேடியத்தில் காத்திருக்க சிஎஸ்கே நிர்வாகம் கூறியிருக்கலாம் என்று ரசிகர்களால் யூகிக்கப்படுகிறது.