Skip to main content

உலகக் கோப்பை கிரிக்கெட்; பாகிஸ்தான் ரசிகர்களுக்கு எதிரான சர்ச்சை விளம்பரம்!

Published on 14/10/2023 | Edited on 14/10/2023

 

Controversy advertisement against Pakistani fans

 

4 ஆண்டுகளுக்கு ஒருமுறை நடைபெறும் ஐ.சி.சி. ஒருநாள் உலகக் கோப்பை கிரிக்கெட் போட்டி அக்டோபர் 5 ஆம் தேதி தொடங்கி நடைபெற்று வருகிறது. நவம்பர் 19 ஆம் தேதி வரை நடைபெறும் இத்தொடரில் இந்தியா, பாகிஸ்தான், இலங்கை உள்ளிட்ட 10 நாடுகளைச் சேர்ந்த கிரிக்கெட் அணிகள் பங்கேற்கின்றன.

 

அந்த வகையில், உலகக் கோப்பை கிரிக்கெட் 2023ன், 12வது லீக் ஆட்டம் இன்று குஜராத் மாநிலம், அகமதாபாத்தில் உள்ள நரேந்திர மோடி மைதானத்தில் நடைபெற்று வருகிறது. இந்தப் போட்டியில் இந்தியா - பாகிஸ்தான் அணிகள் மோதுகின்றன. இது வரை இரு அணிகளும் உலகக் கோப்பை போட்டியில் ஏழு முறை நேருக்கு நேர் மோதி விளையாடிக் கொண்டிருக்கிறது. 

 

இந்த நிலையில், இந்தியா - பாகிஸ்தான் அணிகள் இடையேயான போட்டியை கருத்தில் கொண்டு ‘மேக் மை ட்ரிப்’ என்ற தனியார் நிறுவனம் வெளியிட்டுள்ள விளம்பரம் சர்ச்சையை ஏற்படுத்தியுள்ளது. இந்த நிறுவனம், வெளிநாட்டு அல்லது வெளியூர் பயணம், ஹோட்டல், பேருந்து, ரயில் உள்ளிட்ட பல சேவைகளின் டிக்கெட்டுகளை ஆன்லைன் மூலம் முன்பதிவு செய்யும் நிறுவனம் ஆகும். 

 

இந்நிலையில், மேக் மை ட்ரிப் வெளியிட்டுள்ள விளம்பரப் பதிவில், ‘பாகிஸ்தான் ரசிகர்களுக்கு ஒரு திறந்த அழைப்பு. இந்தியா - பாகிஸ்தான் அணிகள் போட்டியிடும் இந்த விளையாட்டில் பாகிஸ்தான் அணி 10 விக்கெட்டுகள் அல்லது 200 ரன்கள் வித்தியாசத்தில் தோல்வியுற்றால் 50 சதவீதம் வரை தள்ளுபடி பெறலாம். அதேபோல், 6 விக்கெட்டுகள் அல்லது 100 ரன்கள் வித்தியாசத்தில் தோல்வியுற்றால் 30 சதவீதம் வரை தள்ளுபடி பெறலாம். 3 விக்கெட்டுகள் அல்லது 50 ரன்கள் வித்தியாசத்தில் பாகிஸ்தான் அணி தோல்வியடைந்தால் 10 சதவீதம் வரை தள்ளுபடி பெறலாம்’ என அந்த விளம்பர நிறுவனம் தெரிவித்திருக்கிறது. இது தொடர்பான விளம்பரப் புகைப்படம் சமூக வலைத்தளங்களில் வெளியாகி சர்ச்சையைக் கிளப்பியுள்ளது. மேலும், இத்தகைய விளம்பரத்தை வெளியிட்ட இந்த நிறுவனத்திற்கு எதிராகப் பலரும் தங்களது கருத்துக்களைத் தெரிவித்து வருகின்றனர். 

 

 

சார்ந்த செய்திகள்

 

Next Story

திரிணாமுல் காங்கிரஸ் தொடர்ந்த வழக்கு; பாஜகவுக்கு உயர்நீதிமன்றம் அதிரடி உத்தரவு!

Published on 20/05/2024 | Edited on 20/05/2024
Case filed by Trinamool Congress; High Court action order for BJP

நாடு முழுவதும் ஏழு கட்டங்களாக மக்களவைத் தேர்தல் நடைபெற்று வருகிறது. அதன்படி, முதற்கட்டமாக ஏப்ரல் 19ஆம் தேதியும், இரண்டாம் கட்டமாக ஏப்ரல் 26ஆம் தேதியும், மூன்றாம் கட்டமாக மே 7ஆம் தேதியும், நான்காம் கட்டமாக ஏப்ரல் 13ஆம் தேதியும் தேர்தல் நடைபெற்று முடிந்தது. அதனைத் தொடர்ந்து, நடைபெறும் அடுத்தகட்ட தேர்தலை எதிர்கொண்டு காங்கிரஸ், பா.ஜ.க உள்ளிட்ட கட்சிகள் தீவிர தேர்தல் பிரச்சாரத்தில் ஈடுபட்டு வருகின்றன. அந்த வகையில் 5 ஆம் கட்ட வாக்குப்பதிவு இன்று (20.05.2024) காலை 07.00 மணிக்குத் தொடங்கி நடைபெற்று வருகிறது.

இதனையொட்டி தேர்தல் நடத்தை விதிமுறைகள் அமலுக்கு வந்துள்ளதால், வாக்காளர்களுக்கு பணம் மற்றும் பரிசுப் பொருட்கள் கொடுப்பதைத் தடுக்கும் வகையில் தேர்தல் பறக்கும் படையினர் தீவிர கண்காணிப்பு பணியில் ஈடுபட்டு வருகின்றனர். அதன் ஒரு பகுதியாக அரசியல் கட்சித் தலைவர்கள், எம்பிக்கள், அமைச்சர்கள், முன்னாள் அமைச்சர்கள் மற்றும் வேட்பாளர்களின் வாகனங்களில் பறக்கும் படையினர் தீவிரமாக சோதனை நடத்தி வருகின்றனர். 

Case filed by Trinamool Congress; High Court action order for BJP

இதற்கிடையே தேர்தல் நடத்தை விதிகளை மீறி திரிணாமுல் காங்கிரஸ் குறித்து பாஜக சார்பில் அவதூறு விளம்பரங்கள் வெளியிடுவதாக கூறி கொல்கத்தா உயர்நீதிமன்றத்தில் வழக்கு தொடரப்பட்டிருந்தது. இந்நிலையில் இந்த வழக்கு நீதிபதி சப்யசாசி பட்டாச்சார்யா அமர்வில் இன்று (20.05.2024) விசாரணைக்கு வந்தது. அப்போது நீதிபதி, “ஜூன் 4 வரை தேர்தல் நடத்தை விதிகளை மீறி திரிணாமுல் காங்கிரஸ் குறித்து பாஜக விளம்பரங்கள் வெளியிடக்கூடாது. தேர்தல் நடத்தை விதிகளை மீறும் வகையில் பாஜகவின் விளம்பரங்கள் உள்ளன.

பாஜகவுக்கு எதிரான புகார் மீது தேர்தல் ஆணையம் எடுத்துள்ள நடவடிக்கைகள் போதுமானதல்ல. விளம்பரம் என்ற போர்வையில் பாஜகவை எதிர்த்து போட்டியிடுபவர்கள் மீது அவதூறு புகார்கள் கூறப்பட்டுள்ளன. தேர்தல் விளம்பரங்களின் உண்மைத் தன்மையை உறுதிசெய்யாமல் பத்திரிகைகள் பிரசுரிக்கக்கூடாது. இந்திய பத்திரிகை கவுன்சிலின் வழிகாட்டு நெறிமுறைகளுக்கு ஏற்ப பத்திரிகைகள் செயல்பட வேண்டும்” எனத் தெரிவித்துள்ளார். 

Next Story

‘இறந்துபோன மகளுக்குத் திருமணம்’ - மூடநம்பிக்கையில் மூழ்கிப்போன வினோத விளம்பரம்!

Published on 13/05/2024 | Edited on 13/05/2024
A strange advertisement steeped in superstition in karnataka

கர்நாடகா மாநிலம், கடலோர மாவட்டங்களில் ஒரு குறிப்பிட்ட சமூகத்தினர் வசிக்கும் மக்களிடம், இறந்து போனவர்களின் ஆத்மாக்களை சாந்திபடுத்தும் வகையில் அவர்களுக்கு திருமணம் செய்து வைக்கும் ‘குலே மடிமே’ என்ற வினோத வழக்கம் இருக்கிறது. இந்த வினோத வழக்கம் அண்மையில் உள்ளூர் நாளிதழிலில் விளம்பரம் மூலம் வெளியிடப்பட்டு பெரும் விவாத பொருளாக மாறியுள்ளது. 

கர்நாடகா மாநிலம், தட்சிண கன்னடாவில் உள்ள புத்தூரைச் சேர்ந்த ஒரு குடும்பத்தினர், 30 ஆண்டுகளுக்கு முன்பு இறந்து போன தனது பெண் குழந்தைக்கு வரண் தேடி உள்ளூர் நாளிதழில் விளம்பரம் கொடுத்தனர். அந்த விளம்பரத்தில், ‘குலால் ஜாதி மற்றும் பங்கேரா (கோத்ரா) ஒரு பெண்ணுக்கு, ஆண் குழந்தை தேவை. குழந்தை சுமார் 30 ஆண்டுகளுக்கு முன்பு இறந்து விட்டது. 30 ஆண்டுகளுக்கு முன்பு இறந்த அதே சாதியைச் சேர்ந்த வேறு பாரியைச் சேர்ந்த பையன் இருந்தால், குடும்பம் பிரேதா மதுவே செய்யத் தயாராக இருந்தால், அவர்கள் தொடர்பு கொள்ளலாம், என்று ஒரு தொலைபேசி எண்ணுடன்’ இணைத்து விளம்பரம் கொடுக்கப்பட்டது. 

திருமணம் ஆகாமல் இறந்து போனவர்களின் ஆசைகளை நிறைவேற்றும் வகையில் இந்தச் சம்பிரதாயம் அந்தப் பகுதிகளில் தொடர்ந்து நடைபெற்று வருவதாகக் கூறப்படுகிறது. உள்ளூர் பத்திரிகையில் வெளியிடப்பட்ட இந்த விளம்பரத்தை ஒருவர் தனது சமூக வலைதளத்தில் பதிவிட்டுள்ளார். இது பெரும் விவாத பொருளாக மாறியுள்ளது.

இது குறித்து விளம்பரம் கொடுத்த குடும்பத்தினர் கூறுகையில், ‘விளம்பரத்தை வைக்கும்போது, ​​நாங்கள் கேலி, கிண்டல்கள் செய்யப்படுவோம் என்று நாங்கள் கவலைப்பட்டோம், ஆனால் ஆச்சரியப்படும் விதமாக, இறந்து போன தனது மகளுடனான திருமணத்திற்கு 50 பேர் விருப்பம் தெரிவித்துள்ளனர். விரைவில் திருமணம் நடைபெறவுள்ளது’ எனத் தெரிவித்துள்ளதாக கூறப்படுகிறது.