Skip to main content

2020 ஐபிஎல்... வெளியானது மொத்த பவுண்டரிகள், சிக்ஸர்கள், விக்கெட்டுகள் விவரம்

Published on 11/11/2020 | Edited on 11/11/2020

 

ipl

 

 

மார்ச் மாதம் நடைபெற இருந்த 13-ஆவது ஐபிஎல் தொடரானது கரோனா காரணமாக ஒத்தி வைக்கப்பட்டது. பின், கரோனா பாதிப்பு குறைவான ஐக்கிய அரபு அமீரகத்தில் நடத்த திட்டமிட்டு, அது குறித்தான அறிவிப்பை பிசிசிஐ வெளியிட்டது. அதன்படி, செப்டம்பர் 19-ம் தேதி தொடங்கிய முதல் போட்டியில் சென்னை மற்றும் மும்பை அணிகள் மோதின. மொத்தம் 60 போட்டிகள் கொண்ட இத்தொடரில் 56 போட்டிகள் லீக் போட்டிகள், 4 போட்டிகள் ஃபிளேஆப் சுற்று போட்டிகள் ஆகும்.

 

நடப்பு ஐபிஎல் தொடரில் 60 போட்டிகளில், மொத்தம் 1582 பவுண்டரிகள் அடிக்கப்பட்டுள்ளன. அதிக பவுண்டரிகள் அடித்த வீரர்கள் பட்டியலில் டெல்லி அணி வீரர் ஷிகர் தவான் 67 பவுண்டரிகளுடன் முதலிடத்தில் உள்ளார். 

 

நடப்பு ஐபிஎல் தொடரில் விளாசப்பட்டுள்ள மொத்த சிக்ஸர்களின் எண்ணிக்கை 734 ஆகும். அதிக சிக்ஸர்கள் அடித்த வீரர்களின் பட்டியலில் மும்பை அணி வீரர் இஷான் கிஷான் 30 சிக்ஸர்களுடன் முதலிடத்தில் உள்ளார்.

 

நடப்பு ஐபிஎல் தொடரில் அடிக்கப்பட்ட சதங்களின் மொத்த எண்ணிக்கை 5 ஆகும். அரை சதங்களின் எண்ணிக்கை 110 ஆகும்.

 

நடப்பு ஐபிஎல் தொடரில் வீழ்த்தப்பட்டுள்ள மொத்த விக்கெட்டுகளின் எண்ணிக்கை 668 ஆகும். அதிக விக்கெட்டுகள் வீழ்த்தியவர்கள் பட்டியலில் டெல்லி அணி வீரர் ரபாடா 30 விக்கெட்டுகளுடன் முதல் இடத்தில் உள்ளார்.

 

நடப்பு ஐபிஎல் தொடரில் பேட்ஸ்மேன்களால் அடிக்கப்பட்ட மொத்த ரன்கள் 19,352 ஆகும். அதிக ரன்கள் எடுத்த வீரர்கள் வரிசையில் பஞ்சாப் அணி வீரர் கே.எல்.ராகுல் 670 ரன்களுடன் முதலிடத்தில் உள்ளார்.

 

 

Next Story

எந்த தேதியில் மீண்டும் தொடங்குகிறது ஐபிஎல்?; இறுதி போட்டி எப்போது? - வெளியான புதிய தகவல்!

Published on 07/06/2021 | Edited on 07/06/2021

 

ipl 2021

 

இந்தியாவில் கரோனா பாதிப்பு மோசமடைந்திருந்த நிலையில், ஐபிஎல் போட்டிகள் சில நகரங்களில் தொடர்ந்து நடைபெற்றுவந்தன. இந்தத் தொடரில் பங்கேற்றிருந்த வீரர்கள் கரோனா பாதுகாப்பு வளையத்திற்குள் வைக்கப்பட்டிருந்தனர். அவர்களுக்கு கடுமையான கட்டுப்பாடுகளும் விதிக்கப்பட்டிருந்தன. ஆனாலும் சில அணி வீரர்களுக்கும், அணி உறுப்பினர்களுக்கும் கரோனா தொற்று ஏற்பட்டது. இதனைத்தொடர்ந்து ஐபிஎல் தள்ளிவைக்கப்பட்டது.

 

இதனைத்தொடர்ந்து, தள்ளி வைக்கப்பட்ட ஐபிஎல் போட்டிகள், கடந்த ஆண்டைப் போலவே ஐக்கிய அரபு அமீரகத்தில் செப்டம்பர் - அக்டோபர் மாதத்தில் நடைபெறுமென இந்திய கிரிக்கெட் வாரியம், அண்மையில் நடைபெற்ற சிறப்பு பொதுக்குழு கூட்டத்திற்குப் பிறகு அறிவித்தது.

 

இந்தநிலையில், தள்ளிவைக்கப்பட்ட ஐபிஎல் போட்டிகள் மீண்டும் செப்டம்பர் 19ஆம் தேதி தொடங்குமென்றும், அக்டோபர் 15ஆம் தேதி தொடரின் இறுதிப்போட்டி நடைபெறும் எனவும் இந்திய கிரிக்கெட் வாரிய வட்டாரங்கள் தெரிவித்துள்ளன. விரைவில் இதுதொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. 

 

 

Next Story

விராட் கோலி உடனான மோதல் குறித்து சூர்யகுமார் யாதவ் விளக்கம்!

Published on 21/11/2020 | Edited on 21/11/2020

 

Suryakumar Yadav

 

 

பெங்களூரு அணிக்கு எதிரான போட்டியின் போது விராட் கோலிக்கும் தனக்குமிடையே நடந்தது என்ன என்பது குறித்து சூர்யகுமார் யாதவ் விளக்கம் அளித்துள்ளார்.

 

அமீரகத்தில் நடைபெற்ற 13-ஆவது ஐபிஎல் தொடரின் 48-ஆவது லீக் போட்டியில் மும்பை மற்றும் பெங்களூரு அணிகள் மோதின. இப்போட்டியில், மும்பை அணி 5 விக்கெட்டுகள் வித்தியாசத்தில் வெற்றி பெற்றது. நிலைத்து நின்று அசத்தலான ஆட்டத்தை வெளிப்படுத்திய மும்பை அணி வீரரான சூர்யகுமார் யாதவ் 43 பந்துகளில் 79 ரன்கள் குவித்தார்.

 

மும்பை அணி வீரர் சூர்யகுமார் யாதவ் களத்தில் நிற்கும் போது பெங்களூரு அணியின் கேப்டனான விராட் கோலி அவரை சீண்டும் விதமாக நடந்துகொண்டார். இந்திய அணிக்காக இதுவரை ஒரு போட்டியில் கூட விளையாடாத ஒருவரிடம், இந்திய அணியின் கேப்டன் இப்படியா நடந்து கொள்வது என்று கடுமையான விமர்சனங்கள் எழுந்தன. இந்நிலையில், இதுகுறித்து சூர்யகுமார் யாதவ் முதல்முறையாக மனம் திறந்துள்ளார்.

 

இது குறித்து அவர் பேசுகையில், "அது களத்தில் உச்சகட்ட தருணம். எனக்கும் அவருக்கும் இடையே அதற்கு முன்பு எதுவும் நடக்கவில்லை. இந்த விஷயம் எப்படி இவ்வளவு தூரம் கவனிக்கப்பட்டது என்பது எனக்கே ஆச்சரியமாக உள்ளது. விராட் கோலி அனைத்து போட்டிகளிலும் உற்சாகத்துடன் இருப்பதை பார்த்திருக்கிறேன். மும்பை அணிக்கு எதிரான போட்டி மட்டும் விதிவிலக்கல்ல. அது பெங்களூரு அணிக்கு மிக முக்கியமான போட்டி. போட்டிக்குப் பிறகு இயல்பாகத்தான் இருந்தார். நன்றாக விளையாண்டீர்கள் என்று அனைவரிடமும் கூறினார். இது சிறிய தருணம் மட்டும்தான். அந்த சூழ்நிலையில் எதிரணியில் முக்கியமான வீரர் யார் என்பது அவருக்கு தெரியும்" எனக் கூறினார்.