இந்திய கிரிக்கெட் அணியில், தன்னை கவர்ந்த வீரர் யார் என்பது குறித்து பிரையன் லாரா பகிர்ந்துகொண்டுள்ளார்.
மும்பையில் நடைபெற்ற சாலை பாதுகாப்பு கிரிக்கெட் தொடரில் பங்கேற்ற பிரையன் லாரா, பத்திரிக்கை ஒன்றுக்கு அளித்த பேட்டியில், இந்திய அணியில் அவருக்கு மிகவும் பிடித்த வீரர் யார் என கேள்வி எழுப்பட்டது. அதற்கு பதிலளித்த லாரா, "விராட் கோலிதான் இப்போதைக்கு உலகின் சிறந்த பேட்ஸ்மேன் என்றாலும் எனக்கு கே.எல்.ராகுல் பேட்டிங்தான் பிடித்தது. ராகுலின் பேட்டிங் ஒரு தனி ‘கிளாஸ் ரகம்’, எனக்கு இப்போது பிடித்த பேட்ஸ்மேன் ராகுல்தான். நான் விரும்பி பார்ப்பது அவரது பேட்டிங்கை தான். கிரிக்கெட்டின் சிறந்த பொழுதுபோக்கு பேட்ஸ்மேன் அவர். அவர் ஏன் டெஸ்ட் அணியில் இல்லை என்பது எனக்கு ஆச்சரியமாகவே உள்ளது. அனைத்து வகையான போட்டிகளிலும் விளையாடும் திறன் அவரிடம் இருக்கிறது. எந்த ஒரு இந்திய அணியாக இருந்தாலும் கோலிக்கு அடுத்த பெயராக ராகுல் இருக்க வேண்டும்" என தெரிவித்தார்.
