Skip to main content

கடைசி பந்தில் பவுண்டரி; பஞ்சாப் த்ரில் வெற்றி

Published on 30/04/2023 | Edited on 01/05/2023

 

A boundary off the last ball; Punjab Thrill win

 

சென்னை சேப்பாக்கத்தில் நடந்த ஐபிஎல் போட்டியில் இன்று பஞ்சாப் கிங்ஸ் அணி த்ரில் வெற்றி பெற்றது.

 

நடப்பு ஐபிஎல் சீசனின் 41 ஆவது லீக் போட்டி சென்னை சேப்பாக்கம் மைதானத்தில் இன்று நடைபெற்றது. இதில் சென்னை சூப்பர் கிங்ஸ் மற்றும் பஞ்சாப் கிங்ஸ் அணிகள் மோதின. இன்றைய போட்டியில் சென்னை அணியை நான்கு விக்கெட் வித்தியாசத்தில் பஞ்சாப் அணி வீழ்த்தியது. முதலில் விளையாடிய சென்னை அணி 20 ஓவர் முடிவில் நான்கு விக்கெட் இழப்புக்கு 200 ரன்கள் எடுத்தது. 19.5 ஓவரில் 198 ரன்கள் எடுத்திருந்த நிலையில் பஞ்சாப் அணி கடைசி பந்தில் 3 ரன்கள் எடுத்ததன் மூலமாக 201 ரன்கள் எடுத்து வெற்றி பெற்றது.

 

சென்னை அணியில் அதிகபட்சமாக கான்வே 92 ரன்களும், ருத்ராஜ் கெய்க்வாட் 37 ரன்களும், ஷிவம் துபே 28 ரன்கள் எடுத்தனர். பஞ்சாப் அணியில் பிரப்சிம்ரான் சிங் 42 ரன்களும், லிவிங்ஸ்டன் 40 ரன்களும், சாம் கரண் 20 ரன்களும், ஷிகர் தவான் 28 ரன்கள் எடுத்தனர். சென்னை அணியில் அதிகபட்சமாக துஷார் தேஷ்பாண்டே மூன்று விக்கட்டுகளும், ஜடேஜா இரண்டு விக்கெட்களும் வீழ்த்தினர். பஞ்சாப் அணியில் அர்தீப் சிங், சாம் கரண், ராகுல் சாஹர், சிக்கந்தர் ரஸா தலா ஒரு விக்கெட்டுகள் வீழ்த்தினர்.

 

 

 

சார்ந்த செய்திகள்

 

Next Story

குடியாத்தம் கிரிக்கெட் பிரீமியர் லீக்; ‘ஐபிஎல்’க்கு டஃப் கொடுக்கும் ‘ஜிசிபிஎல்’

Published on 24/06/2024 | Edited on 24/06/2024
Just like the IPL, the GCPL is an auction for players

உலக புகழ் பெற்ற ஐபிஎல் கிரிக்கெட் அணிகள்  போல் வேலூர் மாவட்டம் குடியாத்தத்தில், குடியாத்தம் கிரிக்கெட் பிரீமியர் லீக் ( ஜி சி பி எல் ) எனப் பெயரிட்டு கிரிக்கெட் அணிகள் தொடங்கப்பட்டு, 14 அணிகள் ஏலம் எடுக்கப்பட்டு போட்டிகள் நடைபெற்று பரிசுகள் வழங்கப்பட்டது. இறுதி போட்டியில் பல்வேறு துறை பிரபலங்கள் கலந்து கொண்டனர்.

Just like the IPL, the GCPL is an auction for players

இதனிடையே சீசன் 2 போட்டிகளுக்காண அணிகள் வீரர்களை ஏலம் எடுக்கும் நிகழ்ச்சி குடியாத்தம் அருகே உள்ள தனியார் மகளிர் கல்லூரியில் நடைபெற்றது. ஐபிஎல் போட்டிக்கு அணிகள் ஏலம் எடுப்பதைப் போன்று 16 அணிகள் உருவாக்கப்பட்டது. இந்த அணிகளுக்கு வீரர்கள் ஏலம் விடுகின்றனர். இதற்காக வேலூர் மாவட்டத்தைச் சேர்ந்த 350 விளையாட்டு வீரர்கள் பதிவு செய்துள்ளனர். கிரிக்கெட் வீரர்களை தேர்வு செய்ய ஒரு அணிக்கு முப்பதாயிரம் பாயிண்ட்டுகள் வழங்கப்பட்டுள்ள நிலையில் வீரர்கள் தேர்வு செய்யும் நிகழ்ச்சி நடைபெற்றது. 

Just like the IPL, the GCPL is an auction for players

இது குறித்து ஜிசிபிஎல் ஒருங்கிணைப்பாளர் சதிஷ் கூறும் போது,  மாநிலத்தின் கடைக்கோடி நகரமான குடியாத்தம் நகரம் மற்றும் சுற்றுவட்டார கிராமப் பகுதிகளில் இருந்து திறமை வாய்ந்த விளையாட்டு வீரர்களை வெளி உலகத்திற்கு எடுத்துச் செல்லவே இந்த ஜிசிபிஎல் அமைப்பு உருவாக்கப்பட்டது. முதல் சீசனில் நடைபெற்ற விளையாட்டுகளில் பங்கேற்ற சித்து என்ற மாணவன் தற்போது மாநில அளவிலான அண்டர் 19 லீக் போட்டிக்கு தேர்வு ஆகி உள்ளதாகவும் எந்த விதமான வியாபார நோக்கமும் இல்லாமல் கிரிக்கெட் விளையாட்டு வீரர்களின் திறமைகளை வெளி கொள்வதற்காகவே இந்தப் போட்டி நடத்தப்படுவதாகவும் தெரிவித்தார். ஏலம் முடித்து விரைவில் போட்டிகள் தொடங்க உள்ளது.

Next Story

“மோடியால் பிரதமர் அலுவலகத்துக்குக் கண்ணிய குறைவு” - மன்மோகன் சிங் தாக்கு

Published on 30/05/2024 | Edited on 30/05/2024
Manmohan Singh criticized Modi has dishonored the Prime Minister's office"

ஆறு கட்டத் தேர்தல் முடிந்த நிலையில், நாளை மறுநாள் (01-05-24) இறுதிக்கட்ட தேர்தல் நடைபெறவிருக்கிறது. அந்த வகையில், உத்தரப் பிரதேசம், பஞ்சாப், ஒடிசா உள்ளிட்ட 57 தொகுதிகளில் ஏழாம் கட்டத் தேர்தல் நடைபெறவிருக்கிறது. இதற்கான தேர்தல் பிரச்சாரம் இன்று மாலை 5 மணிக்கு முடிவடைந்தது. 

இந்த நிலையில், பஞ்சாப் மாநிலத்தில் நடைபெறும் இறுதிக்கட்டத் தேர்தலையொட்டி பஞ்சாப் வாக்காளர்களுக்கு முன்னாள் பிரதமர் மன்மோகன் சிங் கடிதம் எழுதியுள்ளார். அதில் அவர், “ஒரு குறிப்பிட்ட சமூகத்தைக் குறிவைத்து வெறுக்கத்தக்க பேச்சுக்களால் பிரதமர் அலுவலகத்தின் கண்ணியத்தை மோடி குறைத்துள்ளார். பிரதமர் மோடி இயல்பில் முற்றிலும் பிளவுபடுத்தும் மிக மோசமான வெறுப்பு பேச்சுகளில் ஈடுபட்டுள்ளார். அவர் என்னிடம் சில பொய்யான அறிக்கைகளையும் காரணம் காட்டியுள்ளார். நான் என் வாழ்நாளில் ஒரு சமூகத்தை மற்ற சமூகத்திலிருந்து தனித்து காட்டியதில்லை. 

விவசாயிகளின் தேசிய சராசரி மாத வருமானம் நாளொன்றுக்கு ரூ.27 மட்டுமே. அதே சமயம் ஒரு விவசாயியின் சராசரி கடன் ரூ.27,000 ஆகும். எரிபொருள் மற்றும் உரங்கள் உட்பட உள்ளீடுகளின் ஜி.எஸ்.டியுடன் இணைந்து அதிக விலையாக உள்ளது. கடந்த 10 ஆண்டுகளில், நாட்டின் பொருளாதாரம் கற்பனை செய்ய முடியாத கொந்தளிப்பைக் கண்டுள்ளது. பணமதிப்பிழப்பு பேரழிவு, குறைபாடுள்ள ஜிஎஸ்டி மற்றும் கோவிட் -19 தொற்றுநோய்களின் போது வலிமிகுந்த தவறான நிர்வாகம் ஆகியவை ஒரு மோசமான சூழ்நிலையை விளைவித்துள்ளன. 

பெரும்பாலும் பஞ்சாபைச் சேர்ந்த 750 விவசாயிகள், டெல்லியின் எல்லையில் இடைவிடாமல் பல மாதங்களாகக் காத்திருந்து இறந்தனர். லத்திகளும், ரப்பர் தோட்டாக்களும் போதாது என்பது போல், நாடாளுமன்றத்தின் அரங்கத்தில் இருந்து பிரதமர் எங்கள் விவசாயிகளை ஒட்டுண்ணிகள் என்று வாய்மொழியாகத் தாக்கினார். அவர்களுடைய ஒரே கோரிக்கை, அவர்களைக் கலந்தாலோசிக்காமல் அவர்கள் மீது சுமத்தப்பட்ட மூன்று விவசாயச் சட்டங்களைத் திரும்பப் பெற வேண்டும் என்பதுதான். கடந்த பத்து ஆண்டுகளில், பஞ்சாப், பஞ்சாபிகள் மற்றும் பஞ்சாபியர்களை ஜாதி வெறியாக்குவதில் பா.ஜ.க அரசு எந்தக் கல்லையும் விட்டு வைக்கவில்லை” என்று தெரிவித்தார்.