Skip to main content

ஆசிய கோப்பை 2023: நடப்பு சாம்பியனை வீழ்த்தி வெற்றி பெறுமா இந்தியா?

Published on 17/09/2023 | Edited on 17/09/2023

 

Asia Cup 2023 Will India beat defending champions and win

 

ஆசிய கோப்பை 2023 கிரிக்கெட் போட்டிகள் இலங்கை மற்றும் பாகிஸ்தானில் கடந்த ஆகஸ்ட் 30 தொடங்கி நடைபெற்று வருகிறது. இந்தியா, பாகிஸ்தான், இலங்கை, வங்காளதேசம், ஆப்கானிஸ்தான், நேபாளம் ஆகிய 6 அணிகள் பங்கேற்ற இத்தொடரில் லீக் சுற்றின் முடிவில் சூப்பர் 4 சுற்றுக்கு இந்தியா, பாகிஸ்தான், இலங்கை, வங்காளதேசம் அணிகள் தகுதி பெற்றன.

 

சூப்பர் 4 சுற்றில் பாகிஸ்தான் மற்றும் இலங்கையை வீழ்த்தி இந்தியா முதல் அணியாக இறுதிப்போட்டிக்கு தகுதிபெற்ற நிலையில், இரண்டாவதாக இறுதிப்போட்டிக்கு தகுதிபெறும் அணி யார் என்பதை நிர்ணயிக்கும் போட்டி கடந்த 14 ஆம் தேதி இலங்கை - பாகிஸ்தான் இடையே நடைபெற்றது. போட்டி சமனில் முடிந்த நிலையில், DLS முறைப்படி இலங்கை இறுதிப்போட்டிக்கு தகுதிபெற்றது. ஆசிய கோப்பையில் இந்திய அணி அதிகபட்சமாக 7 முறை சாம்பியன் பட்டம் பெற்றுள்ளது. இலங்கை 6 முறை வென்றுள்ளது. இவ்விரு அணிகளுக்கிடையே நடந்த இறுதிப்போட்டிகளில் இந்தியா 5 முறையும், இலங்கை 3 முறையும் வென்றுள்ளது.

 

இந்திய அணியின் பேட்டிங், பவுலிங் என இரண்டும் வலுப்பெற்றுள்ளது. இந்திய அணியின் பேட்டிங்கில் முக்கிய வீரர்களான ரோஹித், கோலி, கில், ராகுல் ஆகியோர் ஃபார்முக்கு திரும்பி இருப்பதாலும், பவுலிங்கில் பும்ரா, குல்தீப் கலக்கி வருவதாலும் இந்திய அணிக்கே வெற்றிபெற அதிக வாய்ப்புகள் இருப்பதாக கருதப்படுகிறது. இருப்பினும் சொந்த மண் மற்றும் இளம் வீரர் வெல்லாலகேவின் மாயாஜாலப் பந்து வீச்சு கொடுத்த நம்பிக்கையில் இலங்கை அணியும் புதிய உத்வேகத்துடன் களம் இறங்குகிறது. வங்கதேச அணிக்கு எதிராக கடந்த போட்டியில் சிறப்பாக விளையாடிய அக்சர் படேல் காயம் காரணமாக விளையாடமாட்டார் என அறிவிக்கப்பட்டுள்ளது.

 

நடப்பு சாம்பியனான இலங்கையை வீழ்த்தி ஆசிய கோப்பையில் அதிக முறை சாம்பியன் பட்டம் பெற்ற அணி என்ற வரலாற்றைத் தக்கவைத்துக்கொள்ள இந்தியாவும், நடப்பு சாம்பியன் என்ற பெருமையைத் தக்கவைத்துக்கொள்ளவும், இறுதிப்போட்டியில் வெற்றி பெற்று அதிக முறை சாம்பியன் என்ற இந்திய அணியின் சாதனையை சமன் செய்யவும் போராடும் என்பதால் போட்டியில் விறுவிறுப்புக்கு பஞ்சமிருக்காது. உலகக்கோப்பை - 2023 தொடருக்கு முன் நடக்கும் போட்டி என்பதால் வெற்றியுடன் முடிக்க இரு அணிகளும் முனைப்பு காட்டும் என்பதில் சந்தேகமில்லை. இதற்கிடையே இவ்விரு அணிகளும் ஆசிய கோப்பை 2023ன் இறுதி போட்டியில் விளையாடவுள்ளது. இந்த ஆட்டம் பிரேமதாசா ஸ்டேடியத்தில் இன்று தொடங்குகிறது. 

 


 

 

Next Story

IND vs ZIM : டி20 தொடரை வென்று இந்தியா அசத்தல்!

Published on 13/07/2024 | Edited on 13/07/2024
IND vs ZIM India won the T20 series and won it

கேப்டன் சுப்மன் கில் தமையிலான இந்திய அணி ஜிம்பாப்வேவிற்கு சுற்றுப்பயணம் மேற்கொண்டுள்ளது. இதனையொட்டி இந்தியா - ஜிம்பாப்வே அணிகளுக்கு இடையே 5 போட்டிகள் டி20 தொடர் நடைபெற்று வருகிறது. அதன்படி கடந்த 6 ஆம் தேதி (06.07.2024) நடைபெற்ற முதல் போட்டியில் இந்திய அணி தோல்வியடைந்தது. இதனையடுத்து 7 ஆம் தேதி (07.07.2024) நடைபெற்ற இரண்டாவது போட்டியில் இந்திய அணி 100 ரன்கள் வித்தியாசத்தில் அபார வெற்றி பெற்றது. இதன் மூலம் 5 போட்டிகள் கொண்ட தொடரை 1-1 என இந்தியா அணி சமன் செய்திருந்தது.

அதனைத் தொடர்ந்து இந்தியா - ஜிம்பாப்வே அணிகளுக்கு இடையேயான மூன்றாவது டி20 போட்டி கடந்த 10 ஆம் தேதி (10.07.2024) நடைபெற்றது. இதில் இந்திய அணி 23 ரன்கள் வித்தியாசத்தில் வெற்றி பெற்றது. இதன் மூலம் 5 போட்டிகள் கொண்ட தொடரில் 2-1 என்ற கணக்கில் இந்தியா முன்னிலை வகித்தது. அதே சமயம் இந்தப் போட்டியில் இந்திய அணி வென்றதன் மூலம் டி20 கிரிக்கெட்டில் 150 வெற்றிகளை ஈட்டிய முதல் அணி என்ற சிறப்பையும் இந்தியா பெற்றது. 

IND vs ZIM India won the T20 series and won it

இத்தகைய சூழலில் தான் இந்தத் தொடரின் 4வது போட்டி இன்று (13.07.2024) நடைபெற்றது. இந்தப் போட்டியில் டாஸ் வென்ற இந்திய அணி முதலில் பந்துவீச்சை தேர்வு செய்தது. அதன்படி முதலில் களமிறங்கிய ஜிம்பாப்பே அணி 20 ஓவர்கள் முடிவில் 7 விக்கெட்களை இழந்து 152 ரன்களை மட்டுமே எடுத்தது. இதன் மூலம் இந்திய அணிக்கு ஜிம்பாப்வே அணி 153 ரன்களை இலக்காக நிர்ணயித்தது. இந்நிலையில் 153 ரன்கள் எடுத்தால் வெற்றி என்ற இலக்குடன் இந்திய அணி களமிறங்கியது. இந்திய அணி சார்பில் தொடக்க வீரர்களாக யஷஸ்வி ஜெய்ஸ்வால் மற்றும் சுப்மன் கில் ஆகிய இருவரும் களமிறங்கினர். இவர்கள் இருவரும் அதிரடியான பேட்டிங்கை வெளிப்படுத்தினர்.

அந்த வகையில் இறுதி வரை விக்கெட்டையே பறிகொடுக்காமல் ஜெய்ஸ்வால் 93 ரன்களும், சுப்மன் கில் 58 ரன்களும் எடுத்து அசத்தினர். இறுதியாக 15.2 ஓவர்களில் விக்கெட் இழப்பின்றி 156 ரன்கள் எடுத்து இந்திய அணி வெற்றி பெற்றது. இதன் மூலம் ஜிம்பாப்வே அணியை 10 விக்கெட்டுகள் வித்தியாசத்தில் இந்திய அணி வீழ்த்தியது இந்த வெற்றியின் மூலம் 5 போட்டிகள் கொண்ட டி20 தொடரை 3 - 1 என்ற கணக்கில் இந்திய அணி கைப்பற்றியுள்ளது. ஜிம்பாப்வே அணிக்கு எதிரான 4வது டி20 போட்டியின் மூலம் சர்வதேச கிரிக்கெட்டில் துஷார் தேஷ்பாண்டே அறிமுகமானது குறிப்பிடத்தக்கது. 

Next Story

IND vs ZIM : இந்திய அணிக்கு 153 ரன்கள் இலக்கு!

Published on 13/07/2024 | Edited on 13/07/2024
IND vs ZIM : 153 runs target for Indian team

கேப்டன் சுப்மன் கில் தமையிலான இந்திய அணி ஜிம்பாப்வேவிற்கு சுற்றுப்பயணம் மேற்கொண்டுள்ளது. இதனையொட்டி இந்தியா - ஜிம்பாப்வே அணிகளுக்கு இடையே 5 போட்டிகள் டி20 தொடர் நடைபெற்று வருகிறது. அதன்படி கடந்த 6 ஆம் தேதி (06.07.2024) நடைபெற்ற முதல் போட்டியில் இந்திய அணி தோல்வியடைந்தது. இதனையடுத்து 7 ஆம் தேதி (07.07.2024) நடைபெற்ற இரண்டாவது போட்டியில் இந்திய அணி 100 ரன்கள் வித்தியாசத்தில் அபார வெற்றி பெற்றது. இதன் மூலம் 5 போட்டிகள் கொண்ட தொடரை 1-1 என இந்தியா அணி சமன் செய்திருந்தது.

அதனைத் தொடர்ந்து இந்தியா - ஜிம்பாப்வே அணிகளுக்கு இடையேயான மூன்றாவது டி20 போட்டி கடந்த 10 ஆம் தேதி (10.07.2024) நடைபெற்றது இதில் இந்திய அணி 23 ரன்கள் வித்தியாசத்தில் வெற்றி பெற்றது. இதன் மூலம் 5 போட்டிகள் கொண்ட தொடரில் 2-1 என்ற கணக்கில் இந்தியா முன்னிலை வகிக்கிறது. அதே சமயம் இந்தப் போட்டியில் இந்திய அணி வென்றதன் மூலம் டி20 கிரிக்கெட்டில் 150 வெற்றிகளை ஈட்டிய முதல் அணி என்ற சிறப்பையும் இந்தியா பெற்றது.

இந்நிலையில் இந்தத் தொடரின் 4வது போட்டி இன்று (13.07.2024) நடைபெற்று வருகிறது. அதன்படி இந்தப் போட்டியில் டாஸ் வென்ற இந்திய அணி முதலில் பந்துவீச்சை தேர்வு செய்தது. அதன்படி முதலில் களமிறங்கிய ஜிம்பாப்பே அணி 20 ஓவர்கள் முடிவில் 7 விக்கெட்களை இழந்து 152 ரன்களை மட்டுமே எடுத்தது. இதன் மூலம் இந்திய அணிக்கு ஜிம்பாப்வே அணி 153 ரன்களை இலக்காக நிர்ணயித்துள்ளது. இதனையடுத்து 153 ரன்கள் எடுத்தால் வெற்றி என்ற இலக்குடன் இந்திய அணி களமிறங்க உள்ளது. ஜிம்பாப்வே அணிக்கு எதிரான 4 வது டி20 போட்டியின் மூலம் சர்வதேச கிரிக்கெட்டில் துஷார் தேஷ்பாண்டே அறிமுகமானது குறிப்பிடத்தக்கது.