Skip to main content

இல்லறம் நல்லறமாக மாற என்ன செய்ய வேண்டும்?

Published on 23/03/2020 | Edited on 23/03/2020

அரிது அரிது மானிடராய் பிறத்தல் அரிது. அதனினும் பெரிது இல்லற நல்வாழ்வை ஏற்று நல்லறம் செய்தல்.  இல் வாழ்க்கை எல்லா அறங்களையும் செய்யும் நிலையை தருவதால் இல்லறம் எனப் படுகிறது.  அறங்களை கூற வந்த வள்ளுவர் இல் வாழ்க்கையை முதல் அதிகாரமாக வைத்திருக்கிறார்.  அற  வழியில் இல் வாழ்க்கை நடத்துவதை விட சிறந்த அறம் வேறு எதுவும் இல்லை. பிறர் பழி சுமக்காது அற  வழியில் பொருள் ஈட்டி  அதன் மூலம் பெற்றதை பகுத்துண்டு வாழ்வதே சிறந்த வாழ்க்கை. பிற உயிர்கள் இடத்தில் அன்பும் , இல்லாதவர்க்கு கொடுக்கும் அறமும் பெற்று இருக்கும் இல் வாழ்வே பயனுள்ள வாழ்வு. தானும் அறநெறி தவறாது வாழ்ந்து  மற்றவரையும் அறவழியில் வாழ வைக்கும் இல்வாழ்க்கை தவ வாழ்க்கையை விட சிறந்தது. 
 

தக



துறவறத்தில் இருப்பவர், பசியால் வாடுபவர், ஆதரவற்றோருக்கு இல்லறத்தான் துணையாவான் . முன்னோர்கள், தெய்வம், விருந்தினர், சுற்றத்தார், தனது குடும்பத்தார், அனைவரையும் போற்றுவது இல்லறத்தான் கடமை. இத்தகைய இல்வாழ்வு வாழ்பவன் மற்ற யாவரினும் மேம்பட்டவன். அறநெறியுடன்  வாழ்ந்து மற்றவர்களுக்கு பயனுள்ள வாழ்வு வாழ்பவர்கள் தெய்வமாக போற்றி மதிக்கப்படுபவர்கள். அன்பும் அறனும் கொண்டிருத்தல் வேண்டும். பாவங்களுக்கு  அஞ்சி நல்ல வழியில் பொருள் சேர்க்க வேண்டும். இல்லாதவருடன் பகுத்துண்டு வாழ வேண்டும். சுற்றம் போற்ற வேண்டும்.
 

Next Story

கணவனின் தொடர் தொல்லை; காலை வெட்டிய மனைவி கைது

Published on 01/09/2023 | Edited on 01/09/2023

 

Continued action by the husband; Arrested wife who decided in anger

 

நீலகிரி மாவட்டம் பந்தலூரில் தினமும் மது அருந்திவிட்டு கணவன் தகராறு செய்ததால், மனைவி கணவனின் காலை வெட்டிய சம்பவம் பரபரப்பை ஏற்படுத்தி இருக்கிறது. இது தொடர்பாக தாக்குதலில் ஈடுபட்ட மனைவியை போலீசார் கைது செய்துள்ளனர்.

 

நீலகிரி மாவட்டம் பந்தலூர் வட்டத்திற்கு உட்பட்டது எருமாடு கிராமம். இந்த கிராமத்தின் பள்ளியரா எனும் பகுதியைச் சேர்ந்தவர்கள் குமரன் - சாரதா தம்பதியினர். இவர்களுக்கு சுஜாதா, சுனிதா, பிரியா, சிவானந்தம் என்ற நான்கு குழந்தைகள் உள்ளனர். இந்நிலையில் கணவர் குமரன் தினந்தோறும் மது குடித்துவிட்டு மனைவி சாரதாவிடம் தகராற்றில் ஈடுபடுவதை வாடிக்கையாக கொண்டிருந்தார்.

 

நேற்று முன்தினம் இரவு வழக்கம் போல் மது குடித்துவிட்டு மனைவியிடம் குமரன் வாக்குவாதத்தில் ஈடுபட்டுள்ளார். இதனால் ஆத்திரமடைந்த சாரதா, வீட்டிலிருந்த கத்தியை எடுத்து வந்து கணவனின் காலை வெட்டியுள்ளார். அடுத்த நாள் அதிகாலை பார்த்த பொழுது கணவர் ரத்த வெள்ளத்தில் சடலமாகக் கிடந்துள்ளார். கால் பகுதியில் நரம்பு துண்டிக்கப்பட்டதால் உடலில் இருந்த ரத்தம் அனைத்தும் வெளியேறி அவர் உயிரிழந்தது தெரியவந்தது. அக்கம் பக்கத்தில் இருந்தவர்கள் உடனடியாக காவல்துறையினருக்குத் தகவல் கொடுத்த நிலையில். சம்பவ இடத்திற்கு வந்த தேவாலா காவல்துறையினர் உயிரிழந்த குமரனின் உடலை மீட்டு பிரேதப் பரிசோதனைக்கு அனுப்பி வைத்ததோடு, உயிரிழப்புக்கு காரணமான மனைவி சாரதாவை கைது செய்தனர்.

 

 

Next Story

குடும்பத்துடன் குலதெய்வ கோவிலுக்குச் சென்று திரும்பியவர்களுக்கு நேர்ந்த சோகம்

Published on 12/06/2023 | Edited on 12/06/2023

 

coimbatore family return pudukkottai temple karur incident 

 

கோவை மாவட்டம், கிணத்துக்கடவு பகுதியைச் சேர்ந்த கமல் இருதயராஜ் குடும்பத்தினர் மற்றும் பொள்ளாச்சி பகுதியைச் சேர்ந்த செக்ஃபோன்சன் குடும்பத்தினர் என பத்துக்கும் மேற்பட்டவர்கள் சிறிய ரக சரக்கு வாகனத்தில் புதுக்கோட்டையில் உள்ள குலதெய்வ கோவிலுக்குச் சென்று வழிபாடு செய்துள்ளனர். பின்னர் வழிபாட்டை முடித்துவிட்டு அதிகாலை நேரத்தில் கோவைக்குச் சென்று கொண்டிருந்தனர். அப்போது கோவையில் இருந்து திருச்சிக்கு தார் ஏற்றிச் சென்ற மற்றொரு கனரக வாகனமும் வந்து கொண்டிருந்தது.

 

இந்நிலையில் கரூர் மாவட்டம் தென்னிலை பகுதியில் இரண்டு வாகனமும் நேருக்கு நேர் மோதி விபத்து நிகழ்ந்துள்ளது. இதில் மூன்று பேர் சம்பவ இடத்தில் உயிரிழந்தனர். மேலும் விபத்தில் சிக்கியவர்கள் படுகாயங்களுடன் மீட்கப்பட்டு கரூர் அரசு மருத்துவக் கல்லூரி மருத்துவமனையிலும், தனியார் மருத்துவமனையிலும் அனுமதிக்கப்பட்டனர். இதில் தனியார் மருத்துவமனையில் அனுமதிக்கப்பட்ட நபர் சிகிச்சை பலனின்றி உயிரிழந்ததால் பலி எண்ணிக்கை நான்காக அதிகரித்துள்ளது. இறந்தவர்களின் உடலை மீட்டு பிரேதப் பரிசோதனைக்காக கரூர் அரசு மருத்துவக் கல்லூரி மருத்துவமனைக்கு அனுப்பி வைத்த தென்னிலை போலீசார், விபத்து குறித்து விசாரணை மேற்கொண்டு வருகின்றனர். அதிகாலை நேரத்தில் விபத்து ஏற்பட்டதால் அப்பகுதியில் சுமார் ஒரு மணி நேரமாகப் போக்குவரத்து பாதிப்பு ஏற்பட்டது.

 

முதற்கட்ட விசாரணையில் கோவை கிணத்துக்கடவு பகுதியைச் சேர்ந்த கமல் இருதயராஜ் மனைவி முத்துலட்சுமி (வயது 38), பொள்ளாச்சி பகுதியைச் சேர்ந்த செக்ஃபோன்சன் மனைவி நதியா (வயது 37) உள்ளிட்ட நான்கு பேர் உயிரிழந்தனர். இந்த விபத்தில் சிக்கி உயிரிழந்த முத்துலட்சுமியின் குழந்தைகள் பாலச்சந்திரன் (வயது 12), கோவர்தனி (வயது10), மேலும் பன்னீர்செல்வம், ரூபன், வெங்கடேஷ், ரஜினி உள்ளிட்ட 7 பேர் தீவிர சிகிச்சை பிரிவில் மருத்துவமனையில் சிகிச்சை பெற்று வருவதாகவும் தகவல் கிடைத்துள்ளது. விபத்து குறித்து காவல்துறை அளித்த தகவலின் பேரில், உறவினர்கள் மருத்துவமனைக்கு வரவுள்ளனர். அதன் பிறகு முழு விவரம் தெரியவரும் என காவல்துறையினர் தெரிவித்தனர்.