Skip to main content

“ஸ்நேக் டயட் எடுக்க மருத்துவ பரிசோதனை அவசியம்” - விளக்குகிறார் ஊட்டச்சத்து நிபுணர் கிருத்திகா

Published on 03/03/2023 | Edited on 03/03/2023

 

 “Medical examination is necessary to take snake diet” - explains nutritionist Krithika

 

உடனடியாக உடல் எடையைக் குறைக்க உதவும் ஸ்நேக் டயட் முறையில் உள்ள பின் விளைவுகள் குறித்து விளக்கம் அளிக்கிறார் ஊட்டச்சத்து நிபுணர் கிருத்திகா.

 

ஸ்நேக் டயட் முறையைப் பின்பற்றுவதால் உடலின் எடை குறையும். ஆனால் அதனால் எதிர்மறையான பின்விளைவுகள் ஏற்படாது. இந்த முறையைப் பின்பற்றிய பிறகு உடல் இன்னும் பளிச்சென்று, இளமையாக ஆனது தான் என்னுடைய தனிப்பட்ட அனுபவம். சாப்பிடாமல் இருக்கும்போது உடல் கொஞ்சம் வலுவிழந்து போயிருக்கும். ஆனால் இந்த டயட் முறையைப் பின்பற்றி முடிக்கும்போது உங்களுக்கு நேர்மறையான விளைவுகள் தான் ஏற்படும்.

 

எந்த உடல் எடை குறைப்பு டயட்டாக இருந்தாலும் அவற்றுள் பிரச்சனைகள் இருக்கின்றன. ஸ்நேக் டயட் முறையைப் பொறுத்தவரை முழுமையான மருத்துவ ஆலோசனையோடு தான் பின்பற்ற வேண்டும். இல்லையென்றால் ஊட்டச்சத்து குறைபாடு ஏற்பட்டுவிடும். ஆரோக்கியமாக இருப்பவர்கள் இந்த டயட் முறையைப் பின்பற்றுவதால் எந்தப் பிரச்சனையும் இல்லை. ஆனால் சரியான மருத்துவ பரிசோதனை செய்துகொள்ளாமல், ஏற்கனவே நோயால் பாதிக்கப்பட்டவர்கள் இந்த டயட்டை எடுத்துக்கொள்ளும்போது பிரச்சனைகள் ஏற்படுகின்றன.

 

பல்வேறு விதமான டயட்டுகள் அறிவியல் ரீதியாக நிரூபிக்கப்பட்டு வந்தவை தான். இவை குறித்த முழுமையான புரிதல் நம் நாட்டில் இல்லை. மருத்துவ பரிசோதனைக்குப் பிறகு, மருத்துவரின் ஆலோசனைக்குப் பிறகு குறிப்பிட்ட டயட் முறையைப் பின்பற்றுவது நல்லது. ஸ்நேக் டயட் முறையில் முதல் மூன்று நாட்கள் சில பின்விளைவுகள் ஏற்படலாம். ஒரு நாளைக்கு இரண்டு லிட்டர் தண்ணீர் குடிக்க வேண்டும். மருத்துவத் துறையில் இருப்பதால் என் உடல்நிலை பற்றி எனக்கு நன்கு தெரியும். மற்றவர்கள் சற்று கவனமாக இருக்க வேண்டும்.

 

இந்த முறையில், சாப்பிடுவதை நிறுத்தும்போது கொஞ்சம் கொஞ்சமாக நிறுத்த வேண்டும். அதன் பிறகு உங்களுக்குள் ஒரு நம்பிக்கை உருவாகும். உடல் எடையைக் குறைப்பதற்கு மட்டும்தான் இந்த ஸ்நேக் டயட் முறை பயன்படும். எடை குறைந்த பிறகு அதைத் தொடர்ந்து நிலை நிறுத்துவதற்கான டயட்டுகளை எடுத்துக்கொள்ள வேண்டும். கவனமாகச் செய்யும்போது இதுவும் ஒரு பாதுகாப்பான நடைமுறைதான். 

 

 

 

Next Story

வாழ்க்கை முறையில் ரத்த அழுத்தம் வராமல் எப்படித் தடுப்பது? - மருத்துவர் ராஜேந்திரன் விளக்கம்

Published on 23/07/2024 | Edited on 23/07/2024
Dr. Rajendran explained prevent blood pressure

ரத்த அழுத்தத்தை வாரமல் தடுக்க அன்றாட வாழ்க்கை முறையை எப்படி கையாளலாம் என்பது பற்றி ஓய்வு பெற்ற அரசு மருத்துவமனை மருத்துவர் ராஜேந்திரன் நம்மிடம் விளக்குகிறார். 

அன்றாட வாழ்க்கையில் நாம் செய்ய வேண்டிய காரியங்களை முன்கூட்டியே பிளான் பண்ணி லிஸ்ட் போட்டு அதுக்கேற்றார் போல் செய்தால் அந்த விஷயத்தை முழுமையாக நிறைவேற்ற முடியாவிட்டாலும், ரத்த அழுத்தம் வராமல் பார்த்துக்கலாம். உடற்பயிற்சி, தேவையான அளவு தூக்கம் மிக மிக முக்கியம். இதை செய்யும் போது நமது மூளை புத்துணர்ச்சிக்குள்ளாகிறது. தூக்கம் வரவில்லையென்றால், தூக்க மாத்திரையை தேடாமல் நல்ல புத்தகங்களை படியுங்கள். தூக்க மாத்திரைகளை உட்கொண்டால், அது அடிக்சன் ஆகிவிடும். அதனால், கூடுமான வரையிலும் தூக்க மாத்திரைகளை தவிர்ப்பது நல்லது. நடைபயிற்சி, மூளை பயிற்சி, யோகா, தியானம், நல்ல புத்தகங்களை படிக்கும் போது தான் மூளைக்கு ஓய்வு கொடுக்கும். 

காலையில் இருந்து மாலை வரை தொடர்ச்சியாக ஒருவர் வேலை செய்துவிட்டு அதிலிருந்து விடுபட நல்ல இசையை கேட்கலாம், நல்ல புத்தகங்களை படிக்கலாம்,  வீட்டுக்கு தேவையான பொருட்களை வாங்கலாம். காலையில் இருந்து மாலை வரை வேலை செய்த மூளையினுடைய அந்த பகுதிக்கு இதன் மூலம் ஓய்வு கொடுக்கனும். இதுதான் உண்மையான ஓய்வு. அதைவிட்டு, தூக்க மாத்திரைகளை உட்கொண்டு தூங்கிட்டு இருந்தால், உடன் சோர்வு நீங்குவது என்பது கஷ்டமா இருக்கும். கடுமையாக வேலை பார்த்துவிட்டு சோர்வாக இருந்து தூங்க நினைக்கும் போது, டிவியில் பிடித்த நிகழ்ச்சியை பார்த்தால் உடனே உங்கள் தூக்கம் எல்லாம் காணாமல் போவதை நீங்கள் உணர்ந்திருக்கிறீர்கள். இதற்கு காரணம் என்னவென்றால், இதுவரை ஸ்ரெயின் ஆகிகொண்டிருந்த மூளையினுடைய அந்த பகுதி ஸ்விட்ச் ஃஆப் பண்ணியிருக்கிறோம். அதற்கு பதிலாக, இன்னொரு பகுதியை ஸ்விட்ச் ஆன் பண்ணி வச்சிருக்கிறோம். இப்படி செய்யும் போது உடலும், மனசும் மனநிறைவாக இருக்கும். இப்படி, உடலுக்கும் உள்ளத்துக்கும் பயிற்சிகள் கொடுக்கும் போது கண்டிப்பாக அந்த மன அழுத்தத்தை குறைக்கலாம். 

அடுத்ததாக உணவு வகைகள் என்பது மிக மிக முக்கியமானவை. அதிகளவு ரத்த அழுத்த நோயாளிகள்,  அவர்களுடைய மருத்துவர்கள் அறிவுறுத்தலின்படி உணவு பழக்கத்தை மாற்றிக்கொள்ளலாம். எண்ணெய் வகைகள், கொழுப்பு சத்து பொருட்கள், அதிகளவு உப்பு ஆகிய உணவுகளை குறைத்துக்கொள்ள வேண்டும். எப்போதெல்லாம் உப்பு வகையான உணவுகளை அதிகமாக சாப்பிடுகிறோமோ அப்போதெல்லாம் தண்ணீர் அதிகமாக குடிப்போம். அந்த உப்பும், தண்ணீரும் சேரும் போது ரத்த அளவு அதிகமாகி ரத்த அழுத்தம் அதிகமாகுவதற்கான வாய்ப்புதான் அதிகம். எனவே, இது போன்ற உணவு பொருட்களை குறைத்து சாப்பிட வேண்டும். நொறுக்கு தீனி உணவை கொஞ்ச கொஞ்சமாக குறைத்துவிட்டு ஒரேடியாக நிறுத்த வேண்டும்.

அசைவ உணவுகளை சாப்பிடலாம். ஆனால், அந்த உணவுகளில் கொழுப்பு  சத்து உள்ள பகுதிகளை அதிகமாக சாப்பிடக் கூடாது. எண்ணெய்யில் போட்டு பொறித்த மீன் வறுவல், சிக்கன் பிரை, கருவாடு உள்ளிட்ட உணவுகளை தவிர்க்க வேண்டும். சுலபமாக ஜீரணம் ஆகும் உணவுகளை சாப்பிடலாம். நடு ராத்திரியில் சாப்பிடும் பழக்கத்தை தவிர்க்க வேண்டும். இன்றைக்கு 25, 30 வயது இளைஞர்களுக்கு கூட ரத்த அழுத்தம் வருகிறது. இதற்கு அவர்களுடைய வேலையினுடைய சூழ்நிலைதான் காரணம். எனவே ஆகாரம், போதுமான அளவு தூக்கம், உடற்பயிற்சி, டென்சன் இல்லாத வாழ்க்கை இதையெல்லாம் செய்தாலே, அதிகளவு ரத்த அழுத்தத்தை மிதமான அளவில் குறைக்கலாம். மிதமான ரத்த அழுத்த அளவை இல்லாமல் கூட செய்யலாம். 

Next Story

டிப்ரஷன், உடன் பருமனை உண்டாக்குமா? - ஊட்டச்சத்து நிபுணர் கிருத்திகா தரண் விளக்கம்

Published on 23/07/2024 | Edited on 23/07/2024
Kirthika explained about depression and obesity

அதிகளவு மனச்சோர்வினால் ஏற்படும் உடல் பருமன் மாற்றங்கள் குறித்து ஊட்டச்சத்து நிபுணர் கிருத்திகா தரண் நம்மிடம் விளக்குகிறார்.

நமது சாப்பாட்டுக்கும், நாம் பேசுவதற்கு கூட சம்பந்தம் இருக்கு. ராத்திரி நல்லா தூங்கி, காலையில் எழுந்து, தண்ணீர் குடித்து, வாக்கிங் போய் டாய்லெட்லாம் போனாதான் மனசும் சுத்தமா இருக்கும். நம்முடைய அறிவாற்றலுக்கு, விட்டமின் போன்ற நிறைய சத்துக்கள் தேவை. நாம் அறிவா இருப்பதற்கே நாம் நல்லா சாப்பிட வேண்டும். இல்லையென்றால், குடல் நமது மனசையும் பாதிக்கும், சிந்திக்கும் திறனையும் பாதிக்கும், அறிவாற்றல் என எல்லாவற்றையும் பாதிக்கும். நாம் சாப்பிடுற சாப்பாட்டுக்கும், நாம் சிந்திக்கும் திறனுக்கும், நமது மனசுக்கும் ரொம்ப ரொம்ப சம்பந்தம் இருக்கு. 

மனச்சோர்வு, மன அழுத்தம், மனப்பதற்றம் இவையெல்லாம் வேறு வேறு தான். மனச்சோர்வு என்பது காலையில் எழுவது முதல் எந்த வேலையும் செய்ய பிடிக்காது. ஒரு நிமிடம் நன்றாக இருப்பார்கள், அடுத்த நிமிடம் நல்லா இருக்க மாட்டாங்க. மனப் பதற்றம் என்றால், பேனிக் அட்டாக் மாதிரி திடீரென மயக்கம் போட்டு விழுவார்கள், ஒரு மாதிரி படபடப்பாக இருப்பார்கள். அவர்களுக்கு சோர்வும் இருக்கும், அதே சமயம் பதற்றமும் இருக்கும். குண்டாக இருப்பதற்கும், மனச்சோர்வுக்கும் சம்பந்தம் இருக்கா? என ஆராய்ச்சி செய்கிறார்கள். அதில், குண்டாக இருப்பவர்களுக்கு 40 இருந்து 60 சதவீதம் வரை மனச்சோர்வும், மனப்பதற்றமும் இருக்கிறது எனச் சொல்கிறது. அதே போல், மனச்சோர்வில் இருப்பவர்களை டெஸ்ட் செய்த போது 40 இருந்து 60 சதவீதம் வரை குண்டாக இருக்கிறார்கள் எனக் காட்டுகிறது. 

உடல் பருமனாக இருப்பவர்களை டையட் கொடுத்து உடம்பை இழைக்க வைப்போம், மனசை சரிசெய்யவே மாட்டோம். அதனால், மனசு பிரச்சனையால் மனச்சோர்வு அதிகமாகி சாப்பிட ஆரம்பித்து மீண்டும் உடல் பருமனாக ஆவார்கள். ஒருவேளை, அவர்களுக்கு மனச்சோர்வு இருப்பதை தெரிந்து மனசை சரிசெய்து உணவு பழக்கத்தை சரி செய்ய மாட்டோம். அதனால், நல்லா சாப்பிடாமல், உடற்பயிற்சி இல்லாமல் மகிழ்ச்சியாக இருக்கனும் என்றால் கண்டிப்பாக அது நடக்காது. நம்மை நாம் மாத்திக்காமல் மனசு சரி ஆகாது. எனவே, மனச்சோர்வையும், உணவு பழக்கத்தையும் இரண்டையுமே சரி செய்யனும். 

என்னிடம் 120 கிலோ கொண்ட ஒருத்தர் வந்தார். அவரது அம்மா, கூட பிறந்தவர்கள், அனைவர் வீட்டிலும் சிக்கல். இது போன்ற மனச்சிக்கல், மனப்பதற்றத்தினால் 120 கிலோ வரை உடல் பருமனாகி விட்டார். கொஞ்சமாகதான் சாப்பிடுகிறேன் எப்படி உடல் பருமன் ஆனேன் என தெரியவில்லை என அவர் கூறுகிறார். அவருடைய ஸ்ட்ரெஸ் ஹார்மோன்ஸ் குடலை பாதித்திருக்கிறது. குடல், எதையோ தூண்டி சரியா சாப்பிடாமல் இருந்திருக்கிறார். அவருக்கு கவுன்சிலிங் பண்ணும் போது அவருக்கு இதுயெல்லாம் புரிகிறது. இது மாதிரி நிறைய சம்பவங்கள் இருக்கிறது. 

ஒருத்தர் பயங்கரமான அல்சர் பிரச்சனையில் வந்தார். அவர் வாழ்க்கையில் எந்த பிரச்சனையும் கிடையாது. எல்லா விஷயத்தையும் சரியாக செய்வார். கோடி கணக்கில் சம்பாதித்துவிட்டார். ஆனால், ஒரு மனப்பதற்றத்திலே இருக்கிறார். வாக்கிங், யோகா, உடற்பயிற்சி, உணவு பழக்கம் என நான் சொன்ன அனைத்தையும் சரியாக செய்கிறார். ஆனால், அவருக்கு உடம்பு சரி ஆகவில்லை. என்ன பிரச்சனை என்று பார்த்தால், அவர் பயங்கர ஃபெர்பக்சன். அவர் ஃபெர்பக்சனாக இருப்பதில் பிரச்சனையில்லை. ஆனால், அதை மற்றவர்களிடமும் எதிர்பார்க்கிறார். அது கொஞ்சம் தவறும் போது கூட அவரால் பதற்றத்தை கையாள முடியவில்லை. எல்லாத்தையும் பேலன்ஸாக இருங்கள் என அவருக்கு கவுன்சிலிங் கொடுத்தோம்.