Skip to main content

அசைவத்தில் மீன் என்றால்  ஓகே ….

Published on 04/02/2019 | Edited on 04/02/2019

கொஞ்ச நாட்களுக்கு முன்பு அணைத்து ஊடகங்கள் மற்றும் பத்திரிக்கைகளில் பெரிதும் பேசப் பட்டது அசைவ உணவுகளில் கலப்பிடம் செய்கிறார்கள் அதாவது மட்டனில் நாய் கறியும் ,சிக்கனில் பூனைக் கறியும் கலப்பதாக செய்திகள் வந்தது .இதனால் மக்கள் அனைவரும் இறைச்சி கடைகளிலும் ,அசைவ உணவு ஹோட்டலிலும் மக்கள் செல்வது பெரும் அளவுக்கு குறைந்தது.இருந்தாலும் அசைவ உணவு பிரியர்களுக்கு அசைவ உணவில் என்ன சாப்பிடலாம் என்று யோசித்த போது மீனை விரும்பி சாப்பிட்டார்கள்.மீன் சாப்பிடுவதால் சுவையாகவும் மற்றும் ஆரோக்கியமாகவும் இருந்தது .அப்படி என்ன தான் மற்ற  மாமிசங்களுக்கும், மீனுக்கும் வேறுபாடு உள்ளது என்று பார்க்கலாம். அதாவது, மாமிசங்களில் இருந்து எடுத்துக் கொள்ளப்படும் கொழுப்பு அமிலங்கள், உடலுக்கு கெடுதலை விளைவிக்கக் கூடியது.  ஆனால், மீன்களில் உள்ள கொழுப்பு அமிலங்கள் நன்மை விளைவிக்கக் கூடியது.  அதாவது, மனித உடலின் வெப்பத்தை விட அதிக வெப்பம் உள்ள விலங்குகளின் கொழுப்பு கெடுதலை விளைவிக்கக் கூடியது எனவும், மனிதஉடலின் வெப்பத்தை விட குறைவான வெப்பம் உள்ள விலங்குகளின் கொழுப்பு நன்மை விளைவிக்கும் என்றும் கூறலாம்.
 

fish food



மாடு, பன்றி அல்லது பறவையின் வெப்பநிலை சாதாரணமாக 101.3 டிகிரி முதல் 104 டிகிரி பாரன்ஹீட் வரை இருக்கும்.  இது மனித உடல் வெப்பநிலை (98.6 டிகிரி பாரன்ஹீட்)யை விட அதிகம்.  கோழியின் வெப்பநிலை அதைவிட அதிகமாக 106.7 டிகிரி பாரன்ஹீட்டாக உள்ளது.  விலங்குகளின் கொழுப்பின் வெப்பநிலை, அதன் உடல் வெப்பநிலைக்கு இணையாகவே இருக்கும்.  எனவே, இந்த விலங்குகளின் வெப்பநிலை, குறைந்த வெப்பநிலை கொண்ட மனிதர்களின் உடலுக்குள் செல்லும்போது, அவை மிகவும் கடுமையானதாக மாறிவிடும்.  இவை ரத்தத்தை தடிமனாக்கிவிடும்.  தடிமனான ரத்தத்தின் ஓட்டம் பாதிக்கப்படும்.  இதனால், ரத்த நாளங்களில் ரத்தம் நின்றுவிடுவதுடன் உறைந்தும் விடும்.
மறுபுறம், மீன்கள் குளுமையான உடலமைப்பு கொண்டவை.  இயல்பான நிலையில், அதன் வெப்பநிலை, மனித உடல் வெப்பநிலையை விட குறைவாகவே இருக்கும்.  மனித உடலுக்குள் மீன் உணவு சென்றால் என்ன மாற்றம் ஏற்படும்?  கொழுப்பை வாணலியில் போட்டு வனக்குவது போல, கொழுப்பு உருகி திரவமாக மாறிவிடும்.  மீன்களில் உள்ள எண்ணெய், மனித ரத்தக் குழாயில் நுழையும்போது, ரத்தம் திரவமாக மாறும், ரத்தத்தில் உள்ள மோசமான கொழுப்புகளின் அளவு குறையும். அசைவ உணவு பிரியர்களில் மீனுக்கு எப்போதும் ஒரு ஈர்ப்பு இருக்கத் தான் செய்கிறது .
 

 

Next Story

அணை மீன்களுக்கு வந்த ஆபத்து; அச்சத்தில் கிராம மக்கள்

Published on 20/05/2024 | Edited on 20/05/2024
dead floating dam fish; Villagers in fear

அண்மையில் சில நாட்களுக்கு முன்பு மேட்டூர் அணை நீர்த்தேக்கத்தில் இறந்தும், மயங்கிய நிலையிலும் மீன்கள் கரை ஒதுங்கியது அந்தப் பகுதி மக்களுக்கு அச்சத்தை ஏற்படுத்தி இருந்தது. நீர்வரத்து இல்லாததால் மேட்டூர் அணையின் நீர்மட்டம் 50 அடியாக குறைந்துள்ள நிலையில் மீன்கள் இறந்து கரை ஒதுங்குவது கோடை வெயிலின் தாக்கமா அல்லது ஆக்சிஜன் பற்றாக்குறை காரணமாக மீன்கள் உயிரிழக்கின்றனவா அல்லது வேதிப் பொருட்கள் கலந்து அதன் மூலம் ஏற்பட்ட பக்க விளைவு காரணமாக மீன்கள் உயிரிழக்கின்றனவா? என்பது குறித்து அதிகாரிகள் ஆய்வு செய்தனர்.

இந்நிலையில் கிருஷ்ணகிரியில் அமைந்துள்ள கே.ஆர்.பி அணையிலும் அதேபோல மீன்கள் கொத்துக் கொத்தாக இறந்து கிடப்பது அந்தப்பகுதி மக்களிடையே பரபரப்பை ஏற்படுத்தி இருக்கிறது. இதன் மூலம் துர்நாற்றம் வீசுவதால் பல்வேறு நோய் பரவும் அபாயங்கள் ஏற்பட வாய்ப்புள்ளதாகவும் அந்தப்பகுதி மக்கள் அச்சம் தெரிவித்துள்ளனர். குறிப்பிட்ட கே.ஆர்.பி அணையில் ஒப்பந்த முறைப்படி மீன்கள் வளர்க்கப்பட்டு பிடித்து விற்பனை செய்யப்பட்டு வருகிறது. தற்போது அணையின் நீர் மட்டம் வறட்சியின் காரணமாக 38 அடிக்கு கீழ் சென்றுள்ளது. தொடர்ந்து தென்பெண்ணை மற்றும் பெங்களூர் நீர்ப்பிடிப்பு பகுதிகளில் பெய்த மழை காரணமாக கடந்த சில நாட்களாக கே.ஆர்.பி அணைக்கு நீர்வரத்து அதிகரித்திருந்தது. 

இந்த சூழலில் அணையில் உள்ள அனைத்து மீன்களும் செத்து குவியல் குவியிலாக மிதப்பது பரபரப்பை ஏற்படுத்தி உள்ளது. பெங்களூரு பகுதியில் உள்ள தொழிற்சாலைகளின் ரசாயனங்கள் அணையில் திறந்து விடப்படுவதாக குற்றச்சாட்டு முன்னதாக எழுந்திருந்தது. ஏற்கெனவே ஓசூர் கெலவரப்பள்ளி அணையில் நுரை பொங்கிய நீர் ஓடியது தொடர்பான செய்திகள் வெளியாகியிருந்தது. தற்பொழுது அந்த நீர் தென்பெண்ணை ஆற்றின் வழியாக கே.ஆர்.பி அணைக்கு வந்ததால் ஏற்பட்ட ரசாயன மாற்றம்தான் மீன்கள் குவியலாக செத்து மிதக்க காரணமாக இருக்கலாம் எனச் சந்தேகம் எழுந்துள்ளது.

Next Story

திருச்செந்தூர் கடலில் குளிக்க தடை!

Published on 19/05/2024 | Edited on 19/05/2024
Bathing in Tiruchendur sea prohibited
கோப்புப்படம்

திருச்செந்தூர் கடலில் குளிக்க தடை விதிக்கப்பட்டுள்ளதால் பக்தர்கள் மிகுந்த ஏமாற்றம் அடைந்துள்ளனர்.

தூத்துக்குடி மாவட்டத்தில் அமைந்துள்ள திருச்செந்தூர் முருகன் கோயிலுக்கு வரும் பக்தர்கள் அங்குள்ள கடற்கரையில் புனித நீராடிவிட்டு தரிசனம் செய்ய செல்வது வழக்கம். இந்நிலையில் திருச்செந்தூர் கோயில் கடலில் அதிகப்படியான ஜெல்லி மீன்கள் உலா வருகின்றன, இதனால் கடலில் குளிக்க பக்தர்களுக்கு தடைவிதிக்கப்பட்டுள்ளது. இது குறித்து கடல் பாதுகாப்பு குழுவினரும், காவல்துறையினரும் கடலில் குளிக்கும் பக்தர்களை அறிவுரை கூறி அப்புறப்படுத்தி வருகின்றனர்.

கோடை விடுமுறை, வைகாசி முகூர்த்த நாள் மற்றும் ஞாயிற்றுக்கிழமை என்பதாலும் திருச்செந்தூர் கோயிலில் அதிகப்படியான பக்தர்கள் குவிந்துள்ளனர். இத்தகைய சூழலில் கடலில் புனித நீராட தடை விதித்துள்ளதால் பக்தர்கள் மிகவும் ஏமாற்றம் அடைந்துள்ளனர். முன்னதாக வைகாசி முகூர்த்த நாளை முன்னிட்டு திருச்செந்தூர் முருகன் கோயிலில் 100க்கும் மேற்பட்ட திருமணங்கள் இன்று (19.05.2024) நடைபெற்றது குறிப்பிடத்தக்கது.