Skip to main content

உடல் பருமன் குழந்தையின்மையை ஏற்படுத்துமா? - விவரிக்கிறார் கருவுறுதல் நிபுணர் டாக்டர். தாட்சாயினி

Published on 16/03/2023 | Edited on 16/03/2023

 

Does obesity cause infertility?

 

குழந்தையின்மை பிரச்சனை என்பது பலரும் சந்திக்கக் கூடிய ஒன்று. அதற்கான காரணங்கள் குறித்தும் தீர்வுகள் குறித்தும் கருவுறுதல் நிபுணர் டாக்டர் தாட்சாயினி விவரிக்கிறார்.

 

குழந்தையின்மை என்பது பெண்களால் மட்டும் ஏற்படுவது அல்ல என்பதை நாம் தொடர்ந்து சொல்லி வருகிறோம். இருபாலருக்கும் அதில் சமமான பங்கு உள்ளது. பெண்கள் பருவம் அடைவது என்பது பொதுவாக 12 வயது முதல் 15 வயதுக்குள் நடக்கக் கூடியது. ஆனால் தற்போது பல்வேறு காரணங்களால் 10 வயதிலேயே பருவம் அடைவதும் நிகழ்கிறது. அந்தக் குழந்தைகள் அதிக உடல் பருமனோடு இருக்கின்றனர். இதற்கு உணவுப் பழக்கங்களும் காரணமாக இருக்கலாம்.

 

அப்படி உடல் பருமனோடு வளரும் குழந்தைகள் திருமணம் முடிந்த பிறகு குழந்தையின்மை பிரச்சனைக்கு ஆளாக நேரிடுகிறது. பிறக்கும்போதே சரியான கர்ப்பப்பை வளர்ச்சி இல்லாமல் இருப்பது போன்ற காரணங்களும் இருக்கலாம். இதனால் தாமதமாகப் பருவம் அடைதலும் நிகழலாம். இவர்களுக்கு நிச்சயம் சிகிச்சை தேவைப்படும். கர்ப்பப்பையின் வடிவம் மாறினாலும் பிரச்சனை ஏற்படும். சினைப்பையில் உள்ள நீர் கட்டிகளாலும் மாதவிடாயில் பிரச்சனை ஏற்படுகிறது.

 

இவர்களுக்கு ஆண் ஹார்மோன் அதிகம் இருப்பதால் முகத்தில் அதிக அளவிலான முடி உள்ளிட்ட பல்வேறு பிரச்சனைகள் ஏற்படுகின்றன. சினைப்பையில் ரத்தக் கட்டிகள் ஏற்படுவதும் முக்கியமான பிரச்சனை. பெண்ணின் மாதவிடாய் வரலாற்றை ஆராய்ந்து பார்ப்பதன் மூலம் பிரச்சனை என்ன என்பதைக் கண்டறிய முடியும். ரத்தப் பரிசோதனை மிக முக்கியமானது. இதன் மூலம் எந்த வகையான சிகிச்சை அவர்களுக்குத் தேவை என்பதை மருத்துவர்களால் முடிவு செய்ய முடியும்.

 

 

 

Next Story

வெப்ப அலை முன்னெச்சரிக்கை; ஓ.ஆர்.எஸ் கொடுக்க ஏற்பாடு

Published on 26/04/2024 | Edited on 26/04/2024
nn

கோடை காலம் தொடங்கிய நிலையில் தமிழகத்தில் வெப்ப அலைக்கான எச்சரிக்கைகளை வானிலை ஆய்வு மையம் அறிவித்துள்ளது. சில நாட்களாகவே தமிழகத்தில் வெயில் செஞ்சுரி அடித்து வருகிறது. இந்தநிலையில் வெட்ப அலை காரணமாக மக்களுக்கு நீர்ச்சத்து இழப்பு ஏற்படுவதை தடுப்பதற்கு ஓ.ஆர்.எஸ் கரைசல் வழங்க பொது சுகாதாரத்துறை உத்தரவிட்டுள்ளது. அனைத்து ஆரம்ப சுகாதார நிலையங்களிலும் போதிய அளவில் ஓ.ஆர்.எஸ் கரைசல் பாக்கெட்டுகள் இருப்பில் வைக்கும்படி உத்தரவு பிறப்பிக்கப்பட்டுள்ளது.

அரசு ஆரம்ப சுகாதார நிலையங்களில் பொதுமக்கள் தாங்களாகவே சென்று இந்த ஓ.ஆர்.எஸ் கரைசலைப் பெற்றுக் கொள்ளலாம் எனவும் கூறப்பட்டுள்ளது. குறிப்பாக விவசாயக் கூலித் தொழிலாளிகள், கட்டுமான தொழிலாளர்கள், சாலையோர வியாபாரிகள் ஆகியோருக்கு இந்தக் கரைசலை விநியோகிக்கவும் முடிவு செய்யப்பட்டுள்ளது.

Next Story

குழந்தையின்மைக்கு இந்த முத்திரை தீர்வா? - சித்த முத்திரை மருத்துவர் சாலை ஜெய கல்பனா விளக்கம்!

Published on 01/03/2024 | Edited on 01/03/2024
Infertility - dr salai jaya kalpana Mudra 

குழந்தையின்மை, பிசிஓடி போன்ற பிரச்சனைகளுக்கு முத்திரைகளின் மூலம் தீர்வு காண முடியும் என சித்த முத்திரை மருத்துவர் சாலை ஜெய கல்பனா விளக்கம் அளிக்கிறார்.

பி.சி.ஓ.எஸ் என்று சொல்லக்கூடியது 'பாலிசிஸ்டிக் ஓவரியன் சின்ரோம்'. பொதுவாக சின்ரோம் என்று சொன்னால் நிறைய குறைபாடுகளை கொண்டிருக்கும். ஹார்மோன்ஸ் சரியின்மை, குழந்தை கருத்தரித்தலில் பிரச்சனை, முகத்தில் முடி முளைத்தல்,  தூக்கமின்மை, மாதவிலக்கு முறையின்மை என்று பல குறைபாடுகளை சேர்த்துச் சொல்வது. இந்த பிரச்சனைக்கு பிராண முத்திரை, அபான முத்திரை செய்யலாம். 

அபான முத்திரையை வெறும் வயிற்றில் கட்டை விரல் நுனியுடன், சுண்டு விரல் மற்றும் மோதிர விரலின் நுனியை சேர்த்து வைத்துக் கொள்ள வேண்டும். மற்ற இரு விரல்கள் நீட்டி உள்ளங்கை மேல் நோக்கி இருக்க வேண்டும். இதைத் தொடர்ந்து செய்து வரும்போது, குழந்தையின்மை, காரணம் இல்லாமல் குழந்தைப்பேறு தள்ளிப் போவது, பி.சி.ஓ.டி தொந்தரவு, குறிப்பாக கருப்பை குழாயில் அடைப்பு இருந்து அதற்கு தொடர்ந்து சிகிச்சை எடுத்தும் பலன் இல்லாமல் இருப்பவர்கள் மூன்று மாதம் செய்யும்போது கண்டிப்பாக தீர்வு காணலாம். 

Mudra

நிறைய பேர் சினைமுட்டை வெளிவந்து அது முதிர்ச்சி அடைய மாற்றி மாற்றி ஹார்மோனல் ஊசி போட்டுக் கொள்வர். அப்படி இருக்கும்போது, இந்த முத்திரையை செய்வதன் மூலம் மட்டுமே இயற்கையாக அந்த சூழல் உடலில் நடக்கும். கழிவு நீக்க முத்திரையில் ஆரம்பித்து, பஞ்சபூத முத்திரையில் சமப்படுத்தி, தசவாயுக்களில் இருக்கும் ஐந்து வாயுக்களுக்கான முத்திரையில் இருக்கும் பிராண முத்திரை, அபான முத்திரைகளை செய்து வரும்போது முழுமையாக இந்த பி.சி.ஓ.டி, குழந்தையின்மை போன்ற தொந்தரவுகளுக்கு  தீர்வு காணலாம்.

அடுத்து பெண்களுக்கு, பி.சி.ஓ.டி க்கு நிகராக இருந்து வருவது தைராய்டு பிரச்சனை. இதில் குறிப்பாக ஹைபோ தைராய்டுக்கு முதல் அறிகுறியாக மாதவிலக்கு பிரச்சனை. ஏற்கனவே பி.சி.ஓ.டி இருப்பவர்குளுக்கு எடை அதிகரிப்பு, உடல் சோர்வு, மனச் சோர்வு, தோல் வறட்சி, தலை முடி வறட்சியாக காணப்படும். இதற்கெல்லாம் சூரிய முத்திரை நல்ல தீர்வு கொடுக்கும். மோதிர விரலை மடக்கி கட்டை விரலின் அடிப்பகுதியில் வைத்து கட்டை விரலால் அழுத்த வேண்டும். மத்த விரல்கள் நீட்டி இருக்க வேண்டும். இதை இரண்டு கைகளிலும், இரண்டு வேளையிலும் 10 முதல் 20 நிமிடம் வரை செய்யவேண்டும். உடல் வெப்பம் அதிகம் இருப்பவர்களும், தொந்தரவு இல்லாதவர்களும், வெப்ப மண்டலங்களில் வசிப்பவர்களும், கோடை காலத்திலும் செய்யக்கூடாது. மேலும் செய்யும்போது நீர்க்கடுப்பு வந்தாலோ, கல்லடைப்பு பிரச்சனை ஏற்கனவே இருந்து எடுத்தவர்களோ, அதற்கான அறிகுறி தென்பட்டாலோ உடனடியாக இந்த முத்திரையை விட்டு விட வேண்டும். செய்து முடித்தவுடன் கண்டிப்பாக தண்ணீர் பருக வேண்டும். இதிலே குரல் தொந்தரவும் இருப்பவர்கள் சங்கு முத்திரை செய்து வரலாம்.   

முத்ரா

ஒரு கை உள்ளங்கையில் மற்றொரு கையின் கட்டை விரலை வைத்து மற்ற விரல்களால் கட்டை விரலை மூடிவிட்டு, மீதி நான்கு விரல்களின் நுனியை கட்டை விரலின் நுனி மீது தொட வேண்டும். இந்த முத்திரை சங்கு வடிவம் போல் இருக்கும். சங்கின் தன்மை, சங்கின் நாதம், சங்கின் ஒலி இவை அனைத்தும் நம் உடலின் நரம்பு மண்டலங்களை சுத்திகரிக்கும் தன்மை இதற்கு உண்டு. குரலை சார்ந்து இருக்கும் பேச்சாளர்கள், ஆசிரியர்கள், பாடகர்கள், தைராய்டு நோயினால் ஏற்பட்டிருக்கும் குரல் தொந்தரவுக்கு இந்த முத்திரை கொண்டு நிச்சயமாக தீர்வு காணலாம். மேலும் இதன் மூலமாக பாசிட்டிவ் எனெர்ஜியை நன்கு பெறலாம்.