Skip to main content

39 ஆண்டுகளாக காதலிக்கு சாக்லேட் கொடுக்கும் காதலர்!

Published on 14/02/2018 | Edited on 15/02/2018
ron

காதலர் தினம் ஒவ்வொரு ஆண்டும் பிப்ரவரி 14 ஆம் தேதி  உலகம் முழுவதும் கொண்டாடப்பட்டு வருகிறது. அன்று பல காதல்கள் துளிர்க்கும், சில காதல்கள் உதிரும். ஆனால் காதலித்து கரம் பிடித்தவர்கள் இருவருக்கும் இடையில் ஏற்பட்ட  அந்த அற்புதம் நிகழ்ந்த நாளை நினைவுகூர்ந்து ஒரு அழகான உரையாடலும், பரிசு பரிமாற்றமும் இருக்கும். இதனை எத்தனை பேர் பின்பற்றுவார்கள் என்பது தெரியாது.  

ron

ஆனால்  நியூமெக்ஸிக்கோவைச்  சேர்ந்த  ரான் மற்றும் டோனா காதல் தம்பதி இணைந்து 39வது காதலர் தினத்தை ஆரம்பத்தில் இருந்த அதே காதலோடு கொண்டாடி வருகின்றனர். ஜனவரி 1979ஆம் ஆண்டு ஆல்புகெர்க்கியில் ஒரு இன்ஸுரன்ஸ் அதிகாரியாக ஒரு வீட்டு கதவைத் தட்டிய போது ஒரு பெண் கதவைத் திறந்தார். அந்தப் பெண்தான்  டோனா. அத்தருணம் இருவரின் எண்ண ஓட்டமும் ஒன்றாக மாறியது. அதன் பின் இருவரும் காதலர் தினம் அன்று சந்தித்து பேசியபோது ரான், "உனக்கு சாக்லேட் பிடிக்குமா?" என்று கேட்க, "ஆம், எனக்கு டார்க் சாக்லேட் மற்றும்  பஃப்பெட்ஸ் கேண்டி என்றால் ரொம்ப பிடிக்கும்" என்று சொன்னவுடன் அன்று முதல் 39 ஆண்டுகளாக காதலர் தினத்தன்று டார்க்  சாக்லேட்டை அதே கடையில் வாங்கி டோனாவிற்கு  பரிசளித்து வருகிறார் ரான். 

2014ஆம் ஆண்டு டோனாவிற்கு டிமென்ஷியாவினால் பாதிக்கப்பட்டு இருந்தபொழுது அவர் மருத்துவமனையில் சேர்க்கப்பட்டார். அங்கு தன் காதலி இருந்த நிலையை கண்டு வருந்தினார் ரான் . "2015 ஆம் ஆண்டு  அவள் மீண்டும் வீட்டிற்கு வந்தாள். ஆனால் அவளால் எழுத முடியவில்லை, பேச முடியவில்லை, அவளால் அன்று கழிவறைக்கூட செல்லமுடியவில்லை. அது தான் என் வாழ்வில் சோகமான நாளாக இருந்தது" என்கிறார் ரான் . இது பற்றி டோனா கூறியபோது, "என்னைப் பாதுகாப்பவர் இவர். நான் இவரை திருமணம் செய்து பல ஆண்டுகள் ஆனாலும் இன்றும் அவரை நான் காதலிக்கிறேன்" என்கிறார். 

இதுமட்டுமல்லாமல் தற்போது இந்த காதலர் தினத்திற்கு ரான் டோனாவுக்கு  பரிசு வாங்கி அளிக்கும் வீடியோ வைரலாகி வருகிறது.

 

Next Story

காதல் தோல்வி; இளைஞர் எடுத்த விபரீத முடிவு!

Published on 04/05/2024 | Edited on 04/05/2024
young man lost his life due to love failure

திருச்சி தென்னூர் அண்டகொண்டான் பகுதியைச் சேர்ந்தவர் விஸ்வநாதன் (வயது 27). இவர் தனியார் செல்போன் நிறுவனத்தில் ஊழியராக வேலை பார்த்து வந்தார். இந்நிலையில் விஸ்வநாதன் ஒரு பெண்ணை காதலித்து வந்ததாக கூறப்படுகிறது.

இந்நிலையில் அந்த பெண்ணின் பெற்றோர் விஸ்வநாதனுக்கு திருமணம் செய்து கொடுக்க மறுத்து விட்டதாக கூறப்படுகிறது. இதன் காரணமாக மன உளைச்சலில் காணப்பட்ட விஸ்வநாதன் நேற்று வீட்டின் அருகில் உள்ள தென்னூர் மீனாட்சி அம்மன் தோப்பில் கொட்டகையில் தூக்கு மாட்டி தற்கொலை செய்து கொண்டார்.

இதனை பார்த்த அக்கம்பக்கத்தில் உள்ளவர்கள் உடனடியாக தில்லைநகர் போலீசாருக்கு தகவல் தெரிவித்தனர். தகவல் அறிந்த தில்லைநகர் போலீசார் சம்பவ இடத்துக்கு விரைந்து சென்று தூக்கில் பிணமாக தொங்கிய விஸ்வநாதன் உடலைக் கைப்பற்றி பிரேத பரிசோதனைக்காக திருச்சி அரசு மருத்துவமனைக்கு அனுப்பி வைத்தனர். இந்த சம்பவம் குறித்து தில்லைநகர் போலீசார் வழக்கு பதிவு செய்து விசாரணை நடத்தி வருகின்றனர்.

Next Story

வீட்டை விட்டு வெளியேறிய காதல் ஜோடி; தாயைக் கம்பத்தில் கட்டி வைத்து தாக்கிய கொடூரம்!

Published on 04/05/2024 | Edited on 04/05/2024
tied the mother to a pole as the romantic couple left the house

கர்நாடக மாநிலம் ஹாவேரி மாவட்டம் அரேமல்லாபுர கிராமத்தைச் சேர்ந்தவர் அனுமவ்வா. இவரது மகன் மஞ்சுநாத். இருவரும் தனியாக வசித்து வரும் நிலையில் மகன் மஞ்சுநாத் அதே கிராமத்தில் வசிக்கும் வேறு ஒரு சமூகத்தைச் சேர்ந்த பெண்ணைக் காதலித்து வந்துள்ளார். இவர்களின் காதலுக்கு பெண் வீட்டார் தரப்பிலிருந்து எதிர்ப்பு கிளம்பியதாக கூறப்படுகிறது.

இந்த நிலையில் மஞ்சுநாத்தும் அந்தப் பெண்ணும் வீட்டை விட்டு வெளியேறி உள்ளனர். இந்தத் தகவல் பெண்ணின் தந்தை சந்திரப்பாவுக்கு தெரிய வர உடனடியாக தனது உறவினர்களுடன் அனுமவ்வாவின் வீட்டிற்கு சென்றுள்ளார். அங்கு தகராறில் ஈடுபட்ட சந்திரப்பா அனுமவ்வா வை பிடித்து சரமாரியாக தாக்கியுள்ளார். பின்பு அங்குள்ள மின்கம்பத்தில் அனுமவ்வாவைக் கட்டி வைத்து சந்திரப்பா மற்றும் அவரது உறவினர்கள் கண்மூடித்தனமாக தாக்கியுள்ளனர். இதில் அவருக்கு பலத்த காயம் ஏற்பட்டுள்ளது.

இதனைத் தொடர்ந்து அப்பகுதிமக்கள் அனுமவ்வாவை மீட்டு  மருத்துவமனையில் சிசிச்சைக்காக அனுமதித்தனர். இதையடுத்து அனுமவ்வா குடுபத்தார் சந்திரப்பா மீது புகார் கொடுக்க, பதிலுக்கு தன் மகளை மஞ்சுநாத் கடத்தியதாக சந்திரப்பாவும் புகார் கொடுத்துள்ளார். இந்த இரு புகார்களை பதிவு செய்துகொண்ட போலீசார், தனித்தனியே விசாரணை நடத்தி வருகின்றனர்.

இதனிடயே, அனுமவ்வா மின் கம்பத்தில் கட்டிவைத்து தாக்கப்பட்ட சம்பவம் சமூக வலைத்தளங்களில் வேகமாக பரவி பெரும் பரபரப்பை ஏற்படுத்தியது. இதனையடுத்து அனுமவ்வாவை மின்கம்பத்தில் கட்டி வைத்து தாக்கியவர் மீது உடனடியாக நடவடிக்கை எடுக்க வேண்டும் என மாவட்ட எஸ்பி அஞ்சுக்குமார் உத்தரவு பிரபித்தார். அதன்பேரில் சந்திரப்பா  மற்றும் அவரது உறவினர்கள் மூன்று பேரையும் கைது செய்து போலீசார் விசாரணை நடத்தி வருகின்றனர்.