Skip to main content

சவுதியில் இனி ஆண்கள் அனுமதியின்றி பெண்கள் தொழில் தொடங்கலாம்!

Published on 19/02/2018 | Edited on 19/02/2018

உலகின் மிகப்பெரிய இஸ்லாமிய நாடுகளில் ஒன்றான சவுதி அரேபியாவில், பெண்களுக்கு பல விதமான கட்டுப்பாடுகள் விதிக்கப்பட்டுள்ளன. மற்ற நாடுகளில் பெண்களுக்கு இயல்பாக வழங்கப்படும் சலுகைகள் பலுவும், அங்குள்ள பெண்களுக்கு வழங்கப்படுவதில்லை. 

 

Saudi

 

ஆனால், அந்நாட்டு அரசின் சமீபத்திய நடவடிக்கைகள் மூலம், பல்வேறு கட்டுப்பாடுகளை தளர்த்தி வருவது அனைவரிடத்தும் பாராட்டுகளைப் பெற்றுள்ளது. அந்த வகையில், எந்தத் தொழில் தொடங்கினாலும் ஆண்களின் அனுமதி வேண்டும் என்ற கட்டாயத்தில் இனி கிடையாது என்ற தகவல் பலரிடத்திலும் மகிழ்ச்சியை ஏற்படுத்தியுள்ளது.

 

அதன்படி, கடந்த வியாழக்கிழமை அந்நாட்டின் நிதி மற்றும் முதலீட்டு அமைச்சகம் வெளியிட்டுள்ள செய்திக்குறிப்பில், ‘பெண்கள் அவர்களது சொந்தத் தொழில்களைத் தொடங்கவும், இ-சேவை மூலம் ஆதாயங்களைப் பெறவும் காப்பாளர்களிடம் இருந்து எந்தவிதமான அனுமதியையும் பெறத் தேவையில்லை’ என தெரிவிக்கப்பட்டுள்ளது.

 

முன்னர், ஒரு பெண் அங்கு சொந்தமாக தொழில் தொடங்கவோ, வேறு சில சேவைகளைப் பெறவோ, அவரது தந்தை, கணவர் அல்லது சகோதரரின் அனுமதியைப் பெற்றிருக்க வேண்டிய கட்டாயம் இருந்தது. சவுதி இளவரசர் முகமது பின் சல்மானின் ‘விஷன் 2030’-இன் இலக்கான வேலைச்சூழலில் பெண்களை 22 சதவீதத்தில் இருந்து மூன்றில் ஒரு பங்காக உயர்த்துவதன் முதல் படி இதுவென்று சொல்லப்படுகிறது.

சார்ந்த செய்திகள்

Next Story

நடவு பணிக்காகச் சென்ற 22 பெண்கள்; டிராக்டர் கவிழ்ந்து விபத்து

Published on 16/02/2024 | Edited on 16/02/2024
18 people were injured when tractor in which the women  overturned

ராணிப்பேட்டை மாவட்டம் அரக்கோணம் அடுத்த மூதூர் கிராமத்திலிருந்து 22 பெண்கள் நெல் நாற்று நடவு பணிக்காக திருவள்ளூர் மாவட்டம் கனகம்மாசத்திரம் அருகே உள்ள முத்துகொண்டாபுரம் கிராமத்திற்குச் சென்று கொண்டிருந்தனர். டிராக்டரை முத்துகொண்டாபுரத்தைச் சேர்ந்த சரவணன் (29) என்பவர் ஓட்டிச் சென்றார்.

அரக்கோணம் அடுத்த ஆணைப்பாக்கத்தில் இருந்து கோணலம் செல்லும் சாலையில் கன்னியம்மன் கோயில் அருகில் செல்லும்போது அங்குள்ள வளைவில் டிராக்டரை திருப்பும் போது நிலை தடுமாறி கால்வாயில் கவிழ்ந்தது. பக்கத்தில் சேறும் சகதியும் இருந்ததால் பெண்கள் அதில் விழுந்தனர். இதன் காரணமாக கை கால்களில் பலத்த காயங்களுடன் பெண்கள் உயிர்த் தப்பினர். இல்லாவிடில் பெரும் அசம்பாவித சம்பவங்கள் ஏற்பட்டிருக்கும்.

இதுகுறித்து அரக்கோணம் கிராமிய காவல்துறைக்கு தகவல் தெரிவிக்கப்பட்டது. போலீசார் 108 ஆம்புலன்ஸில் 18 பேரையும் மீட்டு முதலுதவி சிகிச்சைக்காக மூதூர் அரசு ஆரம்ப சுகாதார நிலையத்துக்கு அனுப்பி வைத்தனர். பின்னர் அங்கிருந்து அரக்கோணம் அரசு மருத்துவமனைக்கு கொண்டு சென்றனர். அங்கு டாக்டர்கள் தீவிர சிகிச்சை அளித்து 4 பேரை திருவள்ளூர் அரசு மருத்துவமனைக்கும், 14 பேர் அரக்கோணம் அரசு மருத்துவமனையிலும் சிகிச்சை பெற்று வருகின்றனர்.  

விபத்து குறித்து டிராக்டர் டிரைவர் சரவணனிடம் கிராமிய காவல்துறையினர் விசாரணை நடத்தி வருகின்றனர். இந்த விபத்தில் மூதுரைச் சேர்ந்த ஜெயலட்சுமி, வள்ளியம்மாள், முத்தம்மாள், கோடீஸ்வரி, ரேவதி, பூங்கொடி, வசந்தம்மாள், பொன்னியம்மாள், கிரிஜா, சந்திரம்மாள், சித்ரா, இந்திரா உட்பட 18 பேர் காயம் அடைந்தனர்.

Next Story

பல லட்சம் மோசடி; பணம் கொடுத்து ஏமாந்தவர்களை மிரட்டும் பெண்?

Published on 24/01/2024 | Edited on 24/01/2024
Petition to take action against the woman who cheated several lakhs

ஈரோடு எஸ்.பி அலுவலகத்திற்கு இன்று ஈரோடு, காசிபாளையம், காந்திஜி ரோடு பகுதியை சேர்ந்த கிருஷ்ணவேணி என்பவர் தனது குடும்பத்தாருடன் வந்து மனு கொடுத்தார். அதில் அவர் கூறியிருப்பதாவது, நான் எனது கணவர் செல்வத்துடன் வசித்து வருகிறேன். இந்நிலையில், நானும் எங்கள் பகுதியைச் சேர்ந்த 10-க்கும் மேற்பட்டவர்கள் எங்கள் பகுதியை சேர்ந்த ஒரு பெண்ணிடம் ஒரு லட்சம் ரூபாய் ஏல சீட்டு சேர்ந்து பணம் கட்டி வந்தோம். இந்நிலையில், அந்தப் பெண் எங்களிடம் பணம் இருந்தால் கொடுங்கள். அதிக வட்டி தருகிறேன் என்று ஆசை வார்த்தை கூறினார்.

ad

இதனை நம்பி நான் எனக்கு சொந்தமான இடத்தை அடமானம் வைத்து கடந்த வருடம் மே மாதம் 17ஆம் தேதி அவரிடம் ரூ. 4 லட்சத்து 80 ஆயிரம் கொடுத்தேன். அந்தத் தொகையை பெற்றுக் கொண்ட அவர், இதுவரைக்கும் அந்த பணத்துக்கு வட்டி கொடுக்கவில்லை. நான் பலமுறை அவரிடம் கேட்டதற்கு வட்டியும் தர முடியாது, பணமும் தர முடியாது உன்னால் என்ன செய்ய முடியுமோ செய் என்று கூறி எனக்கு கொலை மிரட்டல் விடுத்தார்.

மேலும் அவர் இதைப்போல் பலரிடமும் பணம் வாங்கி மோசடியில் ஈடுபட்டுள்ளார். என் தொகை 4,80,000 போக பலரிடம் ரூ.19 லட்சம் மோசடியில் ஈடுபட்டுள்ளார். எனவே அவர் மீது சட்டப்படி நடவடிக்கை எடுத்து எங்களுக்கு வர வேண்டிய பணத்தை பெற்றுத்தர நடவடிக்கை எடுக்க வேண்டும்.” இவ்வாறு அவர் அதில் கூறியுள்ளார்.