Skip to main content

'ஊழியர்களுக்கு தனி... ஓட்டுநர்களுக்கு தனி' மன்னிப்பு கேட்ட உபேர் நிறுவனம்!

Published on 12/12/2019 | Edited on 12/12/2019

உபேர் நிறுவனத்தின் தலைமை அமெரிக்க அலுவலகத்தில் ஊழியர்களுக்கு ஒரு தனி கழிப்பறையும் அங்கு பணிபுரியும் டிரைவர்களுக்கு ஒரு தனி கழிப்பறையும் ஏற்பாடு செய்யப்பட்டுள்ளது. ஒரு பெண் வாகன ஓட்டுனர். இதனை புகைப்படம் எடுத்து அதனை தனது டுவிட்டர் பக்கத்தில் வெளியிட்டார். ஆண்கள், பெண்கள் என்று தான் தனித்தனியாக கழிப்பறை வைக்கப்பட்டிருக்கும். ஆனால் சமூகத்தில் இரண்டு வகுப்புகளாக ஊழியர்களை பிரித்து தனித்தனி கழிவறையை அமைக்கப்பட்டிருப்பது நியாயமா? என அந்தப் பெண் வாகன ஓட்டுநர் அந்த பதிவில் கேள்வி எழுப்பியுள்ளார்.

 

f



பொதுமக்கள் மட்டுமின்றி அமெரிக்க எம்பி ஒருவரும் உபேர் நிறுவனத்தின் இந்த நடவடிக்கைக்கு கடும் கண்டனம் தெரிவித்துள்ளார். இதனை அடுத்து உபேர் நிறுவனம் பகிரங்கமாக மன்னிப்பு கோரியது. இந்த நடைமுறையை தங்களது தங்கள் நிறுவனம் ஏற்றுக்கொள்ளாது என்றும் இந்த நடைமுறை உடனடியாக மாற்றப்படும் என்றும் இது தங்கள் கவனத்திற்கு மீறிய செயலாக நடந்து விட்டதாகவும் உபேர் நிறுவனம் பதிலளித்துள்ளது. 

 

சார்ந்த செய்திகள்

Next Story

வாட்ஸ் அப் மூலமே வாகனத்தை புக் செய்யலாம் - இந்தியாவில் அறிமுகமாகும் புதிய சேவை!

Published on 02/12/2021 | Edited on 02/12/2021

 

uber

 

ஓலா, உபேர் ஆகிய தளங்கள் மூலம் வாகனங்களை புக் செய்து பயணிப்போரின் எண்ணிக்கை அதிகரித்து வரும் நிலையில், உபேர் நிறுவனம் வாட்ஸ்அப் மூலமாகவே வாகனத்தை புக் செய்யும் வசதியை அறிமுப்படுத்தவுள்ளது. இதன்மூலம் இனி வாட்ஸ்அப் எண்ணுக்கு குறுஞ்செய்தி அனுப்புவதன் மூலமே வாகனத்தை புக் செய்யலாம்.

 

இந்த வசதி முதலில், சோதனை முயற்சியாக லக்னோவில் தொடங்கப்படுகிறது. அதன்பின்னர் மற்ற நகரங்களுக்கும் விரிவு செய்யப்படவுள்ளது. இந்த சேவை அமலுக்கு வரும்போது வாகனங்களை புக் செய்ய செயலிகளை பதிவிறக்கம் செய்ய வேண்டிய அவசியம் இருக்காது.

 

வாகனம் எப்போது வந்து சேரும், ஓட்டுனரின் பெயர், அவரது எண் போன்றவற்றையும் வாட்ஸ்அப் மூலமே அறியலாம் என அறிவிக்கப்பட்டுள்ளது. மேலும் செயலி மூலமாக வாகனங்களை புக் செய்யபவர்கள் பெறும் பாதுகாப்பு அம்சங்கள் மற்றும் காப்பீட்டுப் பாதுகாப்புகளை வாட்ஸ்அப் மூலம் புக் செய்பவர்களும் பெறுவார்கள் எனவும் அறிவிக்கப்பட்டுள்ளது.

 


 

Next Story

வாடகை கார் நிறுவனங்களுக்கான புதிய விதிமுறைகள்... கவனிக்கவேண்டிய அம்சங்கள்...

Published on 28/11/2020 | Edited on 28/11/2020

 

new rules for cab companies in india

 

 

வாடகை கார் நிறுவனங்களான ஓலா, உபர் போன்ற நிறுவனங்களை முறைப்படுத்தும் நோக்கில் புதிய விதிமுறைகள் சிலவற்றை மத்திய அரசு அறிவித்துள்ளது. 

 

வாடகை கார்களை இயக்கம் பெருநிறுவனங்கள் சவாரி கட்டணம், ஓட்டுநர்களுக்கான ஊதிய தொகை உள்ளிட்டவற்றை பெரும்பாலும் தாங்களே முடிவு செய்து வந்தன. இவற்றை ஒழுங்குபடுத்த மத்திய அரசு நடவடிக்கை எடுக்க வேண்டும் எனத் தொடர்ந்து கோரிக்கைகள் எழுந்து வந்தன. இந்நிலையில், மத்திய சாலை மற்றும் நெடுஞ்சாலைத்துறை அமைச்சகம் மோட்டார் வாகன நிறுவனங்களுக்கான வழிகாட்டு நெறிமுறைகளை நேற்று வெளியிட்டுள்ளது. 

 

அதன்படி, வாடிக்கையாளர்களுக்கு குறைந்தபட்சம் 3 கிலோமீட்டருக்கான கட்டணத்தை அடிப்படை கட்டணமாக இந்நிறுவனங்கள் வசூலித்துக்கொள்ளலாம். இதுதவிர, அதிக சவாரிகள் உள்ள நேரத்தில் வசூலிக்கப்படும் கூடுதல் கட்டணத்தை 1.5 மடங்கு வரை உயர்த்திக்கொள்ளலாம் எனவும், சவாரிகள் குறைவான மற்ற நேரங்களில் அடிப்படை கட்டணத்திலிருந்து 50 சதவீதம் வரை இந்த கட்டணங்களைக் குறைத்துக்கொள்ளலாம் எனவும் அறிவிக்கப்பட்டுள்ளது. இதுதவிர இந்நிறுவனங்கள் அதிகபட்சம் 20% கமிஷன் மட்டுமே எடுத்துக்கொண்ட மீதத்தொகை 80சதவீதத்தை ஓட்டுநருக்கு வழங்கவேண்டும் எனக் கூறப்பட்டுள்ளது. மேலும், பெருநிறுவனங்களால் இயக்கப்படும் வாகனங்களுக்கான வசதிகள் மற்றும் விழிப்புணர்வு திட்டங்களுக்காக மாநில அரசு 2% தொகையை வசூலித்துக்கொள்ளலாம் எனக் கூறப்பட்டுள்ளது.  

 

இதுதவிர, இதுபோன்ற நிறுவனங்களில் ஓட்டுநராக இணைவதற்கு, சரியான அடையாள அட்டை, செல்லுபடியாகும் ஓட்டுநர் உரிமம், KYC உடன் கூடிய வங்கிக் கணக்கு அல்லது ஜன் தன் கணக்கு ஆகியவற்றை ஓட்டுநர் வைத்திருக்க வேண்டும். கூடுதலாக, ஓட்டுநருக்குக் குறைந்தபட்சம் இரண்டு வருட ஓட்டுநர் அனுபவம் இருக்க வேண்டும். அவ்வாறு அனுபவம் இல்லாத ஓட்டுநரை பணிக்குச் சேர்ப்பதானால், அவர்களுக்கு அந்நிறுவனங்கள் ஓட்டுநருக்கு 15 நாட்கள் பயிற்சி கொடுக்க வேண்டும். அதன்பின்னர், ஓட்டுநர் மீதான  வரலாறு, காவல்துறை சரிபார்ப்பு ஆகியவை செய்யப்பட வேண்டும் எனக் கூறப்பட்டுள்ளது. 

 

பயணிகள் பாதுகாப்பை உறுதிப்படுத்தும் வகையில், கார் ஓட்டுநர் நிர்ணயிக்கப்பட்ட பாதையில் செல்லவில்லையென்றால் அந்நிறுவனங்கள் கட்டுப்பாட்டு அறைக்குத் தகவல் செல்வதுடன், அவர்கள் உடனடியாக ஓட்டுநரைத் தொடர்புகொள்ள வேண்டும் எனவும் அறிவுறுத்தப்பட்டுள்ளது. அதேபோல, சக பயணிகளுடன் கட்டணத்தைப் பகிர்ந்து கொள்ளும் (ஷேர் டாக்ஸி) முறையில், பெண் ஒருவர் பயணிக்க வேண்டுமானால், அவர் பெண்கள் மட்டுமே பயணிக்கும் வாகனத்தில் மட்டுமே பயணிக்க முடியும். மேலும், அவ்வாறு ஷேர் டாக்ஸியில் முன்பதிவு செய்தவர்கள் தங்கள் பயணத்தை ரத்து செய்தால், கட்டணத்திலிருந்து 10 சதவீதத்தை வசூலிக்க ஓட்டுநர்களுக்கு உரிமை உண்டு.