Skip to main content

மாடர்னா தடுப்பூசி பாட்டில்களில் உலோகத் துகள்கள்? .. தடுப்பூசி செலுத்திக்கொண்ட இரண்டு பேர் பலி!

Published on 28/08/2021 | Edited on 28/08/2021

 

moderna

 

உலகம் முழுவதும் கரோனா தடுப்பூசிகள் மக்களுக்கு செலுத்தப்பட்டு வருகின்றன. ஜப்பான் நாட்டிலும் பைசர், மாடர்னா உள்ளிட்ட சில தடுப்பூசிகள் மக்களுக்குச் செலுத்தப்பட்டு வருகிறது. இந்தநிலையில் ஸ்பெயினிலிருந்து ஜப்பான் நாட்டிற்கு மூன்று பேட்ச்களாக (BATCH) மாடர்னா தடுப்பூசி பாட்டில்கள் வந்தன. அதில் ஒரு பேட்ச்சில் இருந்த தடுப்பூசி பாட்டில்கள் சிலவற்றில் துகள்கள் கலந்திருப்பதாக புகார் எழுந்தது.

 

இதனையடுத்து மூன்று பேட்ச்களிலும் இருந்த தடுப்பூசிகளைச் செலுத்துவதை ஜப்பான் அரசு, கடந்த வியாழக்கிழமை நிறுத்தியது. மேலும் தடுப்பூசிப் பாட்டில்களில் கலந்திருந்தது உலோக துகள்களாக இருக்கலாம் என ஜப்பானின் சுகாதாரத்துறை அமைச்சகம் சந்தேகிப்பதாக தகவல் வெளியானது.

 

இதற்கிடையே தடுப்பூசி பாட்டில்களில் துகள்கள் கலந்திருப்பதாக எழுந்த புகார்கள் குறித்து ஐரோப்பிய யூனியனின் மருந்து கட்டுப்பாட்டாளரான ஐரோப்பிய மருந்துகள் முகமை விசாரணை நடத்தி வருகிறது. அதேபோல் ஸ்பெயின் நாட்டில் மாடர்னா தடுப்பூசி மருந்தை தயாரிக்கும் ரோவி நிறுவனம் இதுகுறித்து விசாரணையை தொடங்கியுள்ளது.

 

இந்தநிலையில் அந்த தடுப்பூசி பேட்ச்களில் இருந்த பாட்டில்களில் இருந்து தடுப்பூசி டோஸ்களை செலுத்திக்கொண்ட இருவர் உயிரிழந்துள்ளதாக ஜப்பான் அரசு அதிகாரப்பூர்வமாக அறிவித்துள்ளது. இருவரும் தடுப்பூசி செலுத்திக்கொண்ட சில நாட்களிலேயே இறந்துள்ளதாகவும், அதேநேரத்தில் தற்போது வரை மாடர்னா தடுப்பூசிகளால் உயிரழப்பு ஏற்பட்டதாக எந்த ஆதாரமும் இல்லை எனவும் தெரிவித்துள்ள ஜப்பான் அரசு, இருவரின் இறப்புக்கான காரணம் குறித்து விசாரித்து வருவதாகவும் கூறியுள்ளது.

 

 

சார்ந்த செய்திகள்

 

Next Story

தங்கம் வென்ற மாரியப்பன் தங்கவேலு; முதல்வர் மு.க. ஸ்டாலின் வாழ்த்து!

Published on 22/05/2024 | Edited on 22/05/2024
Greetings from CM MK Stalin for Mariyappan Thangavelu who won gold

2024 ஆம் ஆண்டுக்கான பாரா தடகள சாம்பியன்ஷிப் போட்டி ஜப்பானில் நடைபெற்று வருகிறது. இப்போட்டியில் தமிழகத்தைச் சேர்ந்த தடகள வீரர் தங்கவேலு மாரியப்பன் உயரம் தாண்டுதல் பிரிவில் 1.88 மீட்டர் தாண்டி தங்கம் வென்று அசத்தியுள்ளார்.

இந்நிலையில் பல்வேறு தரப்பினரும் தங்களது வாழ்த்துகளைத் தெரிவித்து வருகின்றனர். அந்த வகையில் தமிழக முதல்வர் மு.க. ஸ்டாலின் எக்ஸ் சமூக வலைத்தளத்தில் வெளியிட்டுள்ள வாழ்த்துச் செய்தியில், “ஜப்பானின் கோபே நகரில் நடைபெற்று வரும் உலக பாரா தடகள சாம்பியன்ஷிப் போட்டியில் ஆடவர் உயரம் தாண்டுதலில் தங்கம் வென்ற மாரியப்பன் தங்கவேலுக்கு வாழ்த்துகள். வருங்காலத்தில் இன்னும் பெரிய உயரங்களை எட்ட வாழ்த்துகள்” எனத் தெரிவித்துள்ளார்.

அதே போன்று அதிமுக பொதுச் செயலாளர் எடப்பாடி பழனிசாமி தனது எக்ஸ் சமூக வலைத்தளத்தில், “ஜப்பான் நாட்டின் கோபே நகரில் நடைபெறும் பாரா தடகள சாம்பியன்ஷிப் போட்டியில் உயரம் தாண்டுதல் போட்டியில் தங்கம் வென்று சாதனை புரிந்துள்ள தமிழ்நாட்டைச் சேர்ந்த மாரியப்பன் தங்கவேலுக்கு எனது மனமார்ந்த வாழ்த்துகள். இன்னும் பல உச்சங்களைத் தொட்டு நாட்டிற்கு மென்மேலும் பெருமை சேர்க்க வாழ்த்துகிறேன்” எனக் குறிப்பிட்டுள்ளார். 

Next Story

மீண்டும் அசத்திய மாரியப்பன் தங்கவேலு

Published on 21/05/2024 | Edited on 21/05/2024
 Once again the uncanny Mariyappan Thangavelu

ஜப்பானில் நடைபெற்ற பாரா ஒலிம்பிக் போட்டியில் தமிழகத்தைச் சேர்ந்த மாரியப்பன் தங்கவேலு தங்கப்பதக்கம் வென்று அசத்தியுள்ளார்.

2024 ஆம் ஆண்டுக்கான பாரா தடகள சாம்பியன்ஷிப் போட்டி ஜப்பானில் நடைபெற்று வருகிறது. இப்போ போட்டியில் தமிழகத்தைச் சேர்ந்த தடகள வீரர் தங்கவேலு மாரியப்பன் 1.88 மீட்டர் உயரம் தாண்டுதலில் தங்கம் வென்று அசத்தியுள்ளார்.

இந்நிலையில் சொந்த ஊரில் செய்தியாளர்களைச் சந்தித்த மாரியப்பன் தங்கவேலுவின் தாயார் பேசுகையில், ''ரொம்ப விளையாட்டில் ஆர்வமாக இருப்பான். கால் கொஞ்சம் மாற்றுத்திறனாளிதான். பள்ளிக்கூடம் படிக்கும் போதிலிருந்தே ஆர்வமாக விளையாடுவான். முதலில் தங்கப்பதக்கம் வாங்கி விட்டான். இரண்டாவது வெள்ளி பதக்கம் வாங்கி விட்டான் என்று கொஞ்சம் வருத்தமாகத்தான் இருந்தான். நான் விளையாடி விட்டு வருகிறேன் என வைராக்கியமாக சொல்லிவிட்டு அவனுடைய ஃபேமிலிய, குழந்தைய, எங்க ஃபேமிலிய எதையும் கண்டுக்காம விளையாடி என் பையன் ஜெயித்து விட்டான். நல்லா இருக்கிறான். எங்களுக்கு சந்தோசம். குழந்தையை கூட பார்க்காமல் ஆர்வமாக விளையாண்டுட்டு வரவேண்டும் என சொல்லி விளையாடி வென்றுள்ளான். முதலமைச்சருக்கும் வாழ்த்துக்கள், சத்தியமூர்த்தி சாருக்கு வாழ்த்துக்கள், மோடிக்கும் வாழ்த்துக்கள்'' என்றார்.