Skip to main content

வீசும் துர்நாற்றம்... என்ன நடக்கிறது ட்விட்டர் தலைமையகத்தில்?

Published on 01/01/2023 | Edited on 01/01/2023

 

stench wafting through Twitter's headquarters in California.

 

உலகின் நம்பர் ஒன் பணக்காரரும் டெஸ்லா நிறுவனம் மற்றும் ஸ்பேஸ்-எக்ஸ் விண்வெளி ஆய்வு மைய நிறுவனருமான எலான் மஸ்க் உலகின் முன்னணி சமூக வலைத்தளமான ட்விட்டரை தன்வசப்படுத்திக் கொண்டார். ட்விட்டரை வாங்கியதும் அதில் ஏராளமான மாற்றத்தைச் செய்த எலான் தலைமை செயல் அதிகாரியாக இருந்த பராக் அகர்வால் உட்பட ஏராளமான ஊழியர்களை வேலையிலிருந்து அதிரடியாக நீக்கினார். இதனிடையே செலவுகளைக் கட்டுக்குள் கொண்டு வர வேண்டும் என்று எலான் மஸ்க் பல்வேறு நடவடிக்கைகளையும் எடுத்து வருகிறார். 

 

இந்நிலையில், கலிபோர்னியாவில் உள்ள ட்விட்டர் தலைமையகத்திலிருந்து துர்நாற்றம் வருவதாகத் தகவல் வெளியாகியுள்ளது. சமீபத்தில் ட்வீட்டரில் பணியாற்றிய தூய்மை பணியாளர்கள் சம்பள உயர்வு கேட்டு போராட்டம் நடத்தினர். ஆனால், அதனைச் சிறிதும் பொருட்படுத்தாத எலான் மஸ்க், அவர்கள் அனைவரையும் வேலையிலிருந்து நீக்கினார். அதனால் ட்விட்டர் தலைமையகத்தில் சுத்தம் செய்ய ஆளில்லாத நிலை ஏற்பட்டுள்ளது. கழிப்பறைகளை சுத்தம் செய்யக்கூட ஆளில்லாததால் ட்விட்டர் தலைமையகத்தில் பணிபுரியும் ஊழியர்கள் பெரும் அவதிக்குள்ளாகின்றனர். மேலும், தலைமையகத்திலிருந்து துர்நாற்றம் வீசுவதாகப் பலரும் கூறுகின்றனர். 

 

 

சார்ந்த செய்திகள்

 

Next Story

“தயவுசெய்து யாரும் நம்ப வேண்டாம்” - ஷாலினி அஜித்குமார் வேண்டுகோள்

Published on 04/06/2024 | Edited on 04/06/2024
shalini ajithkumar said she is not in twitter

80-களில் மலையாளம், தமிழ், தெலுங்கு மொழிகளில் குழந்தை நட்சத்திரமாக திகழ்ந்த நடிகை ஷாலினி, தமிழில் விஜய்யின் 'காதலுக்கு மரியாதை' படத்தின் மூலம் கதாநாயகியாக அறிமுகமானார். இதனைத் தொடர்ந்து கடந்த 1999 ஆம் ஆண்டு வெளியான 'அமர்க்களம்' படத்தில் அஜித்துக்கு ஜோடியாக நடித்திருந்தார். இப்படத்தில் அஜித்துக்கும் ஷாலினிக்கு இடையே காதல் மலர இருவரும் 2000 ஆம் ஆண்டு திருமணம் செய்து கொண்டனர். திருமணத்திற்கு பிறகு படங்களில் இருந்து விலகிய ஷாலினி பூப்பந்து விளையாட்டு நன்றாக விளையாடுவார் என்பது அனைவரும் அறிந்தது. அதோடு சட்டப் படிப்பும் முடித்திருக்கிறார் என்பது கூடுதல் தகவல். 

கடந்த 2022ஆம் ஆண்டு சமூக வலைத்தளங்களில் ஒன்றான இன்ஸ்டாக்ராமில் இணைந்தார். அதில் தொடர்ச்சியாக அஜித்துடன் இருக்கும் புகைப்படத்தையும் தனது குழந்தைகளுடன் இருக்கும் புகைப்படத்தையும் பகிர்ந்து வந்தார். கடைசியாக கடந்த ஏப்ரல் 24ஆம் தேதி, அவரது 24வது கல்யாண நாளை முன்னிட்டு அஜித்துடன் கொண்டாடிய புகைப்படத்தை பகிர்ந்திருந்தார். 

இன்ஸ்டாகிராமை தொடர்ந்து எக்ஸ் வலைதளத்தில் ஷாலினி அஜித்குமார் பெயரில் ஒரு அக்கவுண்ட் இயங்கி வந்தது. இதுவும் ஷாலினி இன்ஸ்டாகிராமில் இணைந்த அதே வருடமான 2022ல் அக்டோபர் மாதம் தொடங்கபட்டுள்ளது. ஆனால் அது போலி அக்கவுண்ட் என ஷாலினி அஜித்குமார் தனது இன்ஸ்டாகிராம் பக்கத்தில் தெரிவித்துள்ளார். மேலும், அந்த அக்கவுண்டை தயவுசெய்து யாரும் நம்ப வேண்டாம் எனவும் யாரும் பின்தொடர வேண்டாம் எனவும் கேட்டுக்கொண்டுள்ளார்.

Next Story

எச். ராஜா தொடர்ந்த மேல்முறையீட்டு மனு; உச்சநீதிமன்றம் அதிரடி உத்தரவு!

Published on 14/05/2024 | Edited on 14/05/2024
Supreme Court order passed on H. raja appeal 

தமிழக பாஜக நிர்வாகியான எச். ராஜா கடந்த 2018 ஆம் ஆண்டு பெண்கள் குறித்து டிவிட்டர் (எக்ஸ்) சமூக வலைத்தளத்தில் சர்ச்சைக்குரிய கருத்து ஒன்றைப் பதிவிட்டு இருந்தார். இது தொடர்பாக முன்னாள் அமைச்சர் அந்தியூர் செல்வராஜ் உட்பட திமுகவின் முக்கிய நிர்வாகிகள் ஈரோடு மாவட்ட காவல்துறையில் எச். ராஜா மீது புகார் அளித்திருந்தனர். இது தொடர்பாக  ஈரோடு டவுன் காவல் நிலைய போலீசார் பெண்களுக்கு எதிராக ஆபாசமாக பேசுதல், பொது அமைதியைச் சீர்குலைக்கும் வகையில் செயல்படுதல், கலவரத்தை ஏற்படுத்தும் நோக்கில் செயல்படுதல் உள்ளிட்ட சட்டப்பிரிவுகளின் கீழ் எச். ராஜா மீது வழக்கு பதிவு செய்யப்பட்டது.

இந்த வழக்கு ஈரோடு மாவட்ட நீதிமன்றத்தில் நடைபெற்று வந்தது. தொடர்ந்து இந்த வழக்கு சென்னை மாவட்ட ஆட்சியர் வளாகத்தில் உள்ள சிறப்பு நீதிமன்றத்திற்கு மாற்றப்பட்டது. அச்சமயம் இந்த வழக்கை ரத்து செய்யக்கோரி எச். ராஜா சென்னை உயர்நீதிமன்றத்தில் வழக்கு தாக்கல் செய்திருந்தார். அந்த மனுவை விசாரித்த உயர்நீதிமன்றம் வழக்கை மூன்று மாதத்திற்குள் முடிக்க சிறப்பு நீதிமன்றத்திற்கு உத்தரவிட்டிருந்தது. மேலும் சிறப்பு நீதிமன்றத்தில் தன் மீது விசாரணையில் வழக்கை ரத்து செய்யக்கோரி மீண்டும் சென்னை நீதிமன்றத்தில் எச்.ராஜா மனு தாக்கல் செய்திருந்தார். 

Supreme Court order passed on H. raja appeal 

இந்த வழக்கு நீதிபதி ஜெயச்சந்திரன் முன்பு விசாரணைக்கு வந்தது. விசாரணையின் போது ‘அந்தச் சர்ச்சைக்குரிய பதிவை பதிவிட்டது நீங்களா?’என எச். ராஜா தரப்புக்கு கேள்வி எழுப்பினார். அதற்கு எச். ராஜா தரப்பு வழக்கறிஞர், ‘ஆம்’ எனப் பதிலளித்தார். தொடர்ந்து எச். ராஜா மீதான இந்த வழக்கை ரத்து செய்ய முடியாது என உத்தரவிட்ட நீதிபதி இந்த வழக்கு விசாரணையை எச். ராஜா சந்திக்க வேண்டும் என உத்தரவிட்டார். அத்தோடு எச். ராஜா தரப்பு தாக்கல் செய்த மனுவைத் தள்ளுபடி செய்து உத்தரவிட்டிருந்தார்.

இந்நிலையில் பெண்களுக்கு எதிராக சர்ச்சை கருத்து பதிவிட்ட விவகாரத்தில் தன் மீதான வழக்கை ரத்து செய்யக்கோரி பாஜக நிர்வாகி எச். ராஜா உச்ச நீதிமன்றத்தில் மேல்முறையீட்டு மனுவைத் தாக்கல் செய்திருந்தார். இந்த மனு இன்று (14.05.2024) விசாரணைக்கு வந்தது. அப்போது எச். ராஜா தரப்பில் ஆஜரான வழக்கறிஞர் வாதிடுகையில், “எச்.ராஜா தெரிவித்த கருத்துகள் எந்த பெண்களையும் அவமானப்படுத்தும் வகையில் தெரிவிக்கப்படவில்லை. இந்த பதிவு என்பது எந்த கலவரத்தையும் தூண்டுவதாக இல்லை” எனத் தெரிவித்தார்.

Supreme Court order passed on H. raja appeal 

இதனைப் பதிவு செய்துக்கொண்ட நீதிபதிகள், “பொது வாழ்வில் இருக்கும் ஒருவர் தான் என்ன பேச வேண்டும் என்பதை கவனமாக பேச வேண்டும். இது போன்று பேசுபவர்கள் நிராகரிக்கபட வேண்டும். மேலும் எச். ராஜா தரப்பு வாதத்தை ஏற்க முடியாது” எனத் தெரிவித்தனர். இதனையடுத்து எச்.ராஜா தாக்கல் செய்த மனுவை தள்ளுபடி செய்து நீதிபதிகள் உத்தரவிட்டுள்ளனர்.