அறிமுகமானது சோனி எக்ஸ்பெரியா எல்3 ஸ்மார்ட் ஃபோன்

சோனி நிறுவனத்தின் புதிய ஸ்மார்ட் ஃபோனான ‘எக்ஸ்பெரியா எல்3’ இன்று சந்தையில் அறிமுகமாகியுள்ளது.

சோனி நிறுவனம் தனது புதிய ஸ்மார்ட் ஃபோனான ‘எக்ஸ்பெரியா எல்3’ மாடலை இன்று பார்சிலோனாவில் நடைபெற்ற செல்போன் கண்காட்சியில் அறிமுகப்படுத்தியுள்ளது. இந்த போன் பட்ஜெட் விலையில் தயாரிக்கப்பட்டுள்ளதாக கூறப்படுகிறது.

5.7 இன்ச் ஹெச்.டி. டிஸ்ப்ளே, ஃபிங்கர்பிரிண்ட், ஆக்டோ-கோர் பிராசஸெர்சரில் செயல்படும் 3 ஜிபி ரேம் மற்றும் 32 ஜிபி இண்டெர்நல் ஸ்டோரேஜ் வசதியுடன் இந்த ஃபோன் வடிவமைக்கப்பட்டுள்ளது. அதேசமயம் 512 ஜிபி வரை மெமரியை அதிகரித்துக்கொள்ள முடியும் எனவும் அந்நிறுவனம் தெரிவித்துள்ளது.

இந்த ஃபோனின் பின்புறத்தில் 13 எம்.பி மற்றும் 2 எம்.பி என இரட்டை கேமராக்கள் கொண்டுள்ளது. மேலும் டிஜிட்டல் ஃப்ளாஷ் வசதிகொண்ட 8 எம்பி செல்ஃபி கேமரா உள்ளது. இது பட்ஜெட் விலை ஃபோன் என்று அற்முகப்படுத்தியிருக்கும் அந்நிறுவனம் இன்னும் இந்திய மதிப்பில் இதன் விலை என்ன என்பதை சொல்லவில்லை. மேலும் இடங்களுக்கு ஏற்றவாறு விலையில் மாற்றம் இருக்குமெனவும் அந்நிறுவனம் அறிவித்துள்ளது.