Skip to main content

கத்தார் ரஜினி மக்கள் மன்றத்தின் முதலாம் ஆண்டு கொண்டாட்டம்

Published on 13/10/2019 | Edited on 14/10/2019


 
ரஜினிகாந்த் 'நான் ரசியலுக்கு வருவது உறுதி' என அறிவித்த தேதியில் இருந்து ரசிகர்கள் அனைவரும் காவலர்களாக உருமாறி இந்தியாவில் மட்டுமின்றி உலகின் பல்வேறு நாடுகளில் ரஜினி மக்கள் மன்றம் அமைப்பை துவங்கி சமூக நல உதவிகளை செவ்வனே செய்து வருகிறார்கள்.

 

rajini



கத்தார் ரஜினி மக்கள் மன்றம் கடந்த ஆண்டு 10.09.2018 தேதியில், அங்கீகாரம் பெற்று பல்வேறு சமூக பணிகளை சிறப்பாக செயல் படுத்தி வருகிறது. தலைவர் 168 புதிய திரைப்பட அறிவிப்பு, யதார்த்தமாக, அதே தினத்தில் முன்பே திட்டமிடப்பட்ட கத்தார் ரஜினி மக்கள் மன்றத்தின் வெற்றி பயணத்தின் முதலாம் ஆண்டு விழா 11.10.2019 (வெள்ளிக்கிழமை) மாலை, தலைநகர் தோஹாவில் அமைந்துள்ள சைத்தூண் (Zaitoon) உணவகத்தில், விருந்து மண்டபத்தில் இரட்டிப்பு குதூகலத்தோடு கொண்டாடப்பட்டது.

  rajini


 

மன்ற உறுப்பினர்களான காவலர்கள், மற்றும் அவர்களின் குடும்பத்தார், குழந்தைகள் என நூற்றுக்கும் மேற்பட்டோர் குழுமியிருந்து, மாலை பொழுதை மகிழ்ச்சியான நினைவுகளாக பதிய வைத்தனர்.
 

மன்றத்தின் செயலாளர் கார்த்திக் அனைவரையும் வரவேற்று பேச, அவரை தொடர்ந்து இணை & துணை உறுப்பினர்களான குரு, பால்ராஜ், உமாஷங்கர், வெங்கட் ஆகியோர் வாழ்த்துரை வழங்க, தகவல் தொடர்பு செயலாளர் சிவசங்கர்,  "மக்கள் தலைவர் ரஜினி- ஒரு வாழ்த்துப்பா" என்னும் தலைப்பில் நெடுங்கவிதை வாசிக்க, தொடர்ச்சியாக கத்தார் ரஜினி மக்கள் மன்றம் கடந்த ஓராண்டு ஆற்றிய சமூக பணிகள் உள்ளிட்ட ஆண்டறிக்கையை தகவல் தொழில் நுட்ப செயலாளர் செந்தில் படிக்க, அப்போது திரையில் ஒலி - ஒளிகாட்சியாக  QRMM ஆற்றிய சமூக பணிகள் காண்பிக்கப்பட்டது.
 

பெரியவர், குழந்தைகள் என அனைவருக்கும், ரஜினி ஸ்டைலில் விளையாட்டு போட்டிகள் நடத்தப்பட்டு, வென்றவருக்கும், கலந்து கொண்ட அனைத்தது குழந்தைகளுக்கும் பரிசு வழங்கியது கத்தார் ரஜினி மக்கள் மன்றம்.

 

rajini


 

பின்னர் மன்றத்தினரால் ஏற்பாடு செய்யப்பட்டிருந்த இரவு உணவு விருந்தினை அனைவரும் மகிழ்ச்சியோடு உண்டு நிறைவாக வாழ்த்தினர்.
 

இணைசெயலாளர் முத்து அனைவருக்கும் இதயப்பூர்வமான நன்றி தெரிவிக்க, மன்ற உறுப்பினர்களுக்கு அவர்களின் குடும்ப புகைப்படம் மற்றும் கத்தார் ரஜினி மக்கள் மன்றம் அடையாள சின்னம் அச்சடிக்கப்பட்ட தேநீர் கோப்பை நினைவு பரிசாகவழங்கப்பட்டது.

 

rajini



 

திருமதி நிர்மலா குரு இந்த விழாவினை இயல்பாக, நேர்த்தியாக தொகுத்து வழங்கியது மட்டுமில்லாமல் விருந்தினரையும் பங்குபெற வைத்து ஊடாடும் கழ்ச்சியாக நடத்தி வைத்தார்.
 

நிகழ்ச்சி ஆரம்பித்த வினாடி முதல் கடைசி வரை சூப்பர் ஸ்டாரின் படத்தை போலவே கொஞ்சம் கூட விறுவிறுப்பு குறையாமல் முழு வேகத்தோடும், நேர்மறை ஆற்றல் (பாசிட்டிவ் எனர்ஜி) நிறைந்ததாகவும் விழா நடை பெற்றது என்பது குறிப்பிடத்தக்கது.


 

சார்ந்த செய்திகள்

Next Story

தமிழக அரசு சார்பில் கத்தார் தமிழர் சங்கத்திற்கு பாடப்புத்தகம் வழங்கல்!

Published on 13/03/2024 | Edited on 13/03/2024
TN Govt to provide textbooks to the Qatar Tamil Society

கத்தார் தமிழர் சங்கத்திற்கு தமிழ்நாடு பாடநூல் மற்றும் கல்வியியல் பணிகள் கழகம் சார்பில் தமிழ் பாடப் புத்தகங்கள் வழங்கப்பட்டன.

கத்தார் வாழ் தமிழ் மாணவர்கள் நலன் கருதி தமிழ்நாடு பாடநூல் மற்றும் கல்வியியல் பணிகள் கழகம் சார்பில் ரூபாய் 7 லட்சம் மதிப்பிலான 1 முதல் 10 ஆம் வகுப்பு வரையிலான 5 ஆயிரத்து 450 தமிழ் பாடப் புத்தகங்களை பள்ளிக் கல்வித் துறை அமைச்சர் அன்பில் மகேஸ் பொய்யாமொழி இன்று (13.03.2024) கத்தார் தமிழர் சங்கத்திற்கு வழங்கினார். இப்புத்தகங்களை கத்தார் தமிழர் சங்க நிர்வாகிகளான லட்சுமி மோகன் (ஒருங்கிணைப்பாளர்), அடிலாஸ் மகேந்திரன், செந்தில் (வளைகுடா தமிழ்ச்சங்கம்) ஆகியோர் பெற்றுக்கொண்டனர்.

இந்நிகழ்வில் தமிழ்நாடு பாடநூல் மற்றும் கல்வியியல் பணிகள் கழகத் தலைவர் திண்டுக்கல் ஐ. லியோனி, தமிழ்நாடு பாடநூல் மற்றும் கல்வியியல் பணிகள் கழக மேலாண்மை இயக்குநர் கஜலட்சுமி மற்றும் இணை இயக்குநர் சங்கர சரவணன் ஆகியோர் உடன் இருந்தனர். 

Next Story

இஸ்ரேலுக்கு உளவு?; மரண தண்டனை விதிக்கப்பட்ட 8 இந்தியர்கள் விடுதலை!

Published on 12/02/2024 | Edited on 12/02/2024
8 Indians sentenced to death in Qatar released for Spying for Israel

கடந்த வருடம் புதிய நீர்மூழ்கிக் கப்பல் தயாரிக்கும் திட்டத்தை கத்தார் நாடு செயல்படுத்தி இருந்தது. அங்கு தயாரிக்கப்பட இருக்கும் நீர்மூழ்கிக் கப்பல்கள் ஜெர்மன் நாட்டின் தொழில்நுட்பத்துடன் சேர்த்து வடிவமைக்கப்பட்டு கத்தார் நாட்டின் கப்பல் படைக்காக உருவாக்கப்பட இருந்தது. இந்த வடிவமைப்புப் பணிகளில் ஈடுபட்ட நிறுவனங்களில் ஒன்று 'அல்தாரா'.  இந்த நிறுவனம் இந்தியக் கடற்படையைச் சேர்ந்த முன்னாள் வீரர்கள் 75 பேரை பணியில் அமர்த்தியிருந்தது. 

இந்த 75 பேரில் முன்னாள் இந்திய வீரர்கள் 8 பேர் இஸ்ரேல் நாட்டுக்காக உளவு பார்த்ததாகக் குற்றச்சாட்டு எழுந்தது. அதன் அடிப்படையில் அந்த 8 பேரையும் கடந்த 2022ஆம் ஆண்டு கத்தார் உளவுத்துறை கைது செய்தது. அவர்கள் மீதான வழக்கு விசாரணை கத்தார் நீதிமன்றத்தில் நடைபெற்று வந்தது. இதையடுத்து, இந்த வழக்கு தொடர்பான தீர்ப்பு கடந்த ஆண்டு அக்டோபர் மாதம் 26 ஆம் தேதி வெளியானது. அதில் அந்த முன்னாள் இந்திய வீரர்கள் 8 பேருக்கும் மரண தண்டனை விதித்து உத்தரவிட்டது கத்தார் நீதிமன்றம். 

இந்த தீர்ப்பிற்கு மத்திய வெளியுறவுத்துறை அமைச்சகம் வெளியிட்ட அறிக்கையில், ‘எட்டு பேரின் குடும்பத்தினரோடும், சட்ட வல்லுநர்களுடனும் தொடர்பில் உள்ளோம். குற்றம் சாட்டப்பட்டு தண்டனை பெற்றுள்ள இந்தியர்கள் 8 பேரைக் காக்கத் தேவையான அனைத்து சட்ட நடவடிக்கைகளையும் ஆய்வு செய்து வருகிறோம்’ எனத் தெரிவிக்கப்பட்டிருந்தது. 

இதையடுத்து, முன்னாள் இந்திய கடற்படை வீரர்களுக்கு மரண தண்டனை வழங்கியதை எதிர்த்து கத்தார் நீதிமன்றத்தில் மேல்முறையீடு செய்துள்ளதாக வெளியுறவுத்துறை அமைச்சகம் தெரிவித்திருந்தது. இதனை தொடர்ந்து மத்திய அரசின் மேல்முறையீட்டு மனுவை கத்தார் நீதிமன்றம் ஏற்றுக் கொண்டது. மேலும், இந்திய அரசின் மேல்முறையீடு குறித்து விரைவில் விசாரிக்கவும் கத்தார் நீதிமன்றம் ஒப்புக்கொண்டது.

இதனைத் தொடர்ந்து, இது தொடர்பாக விசாரணை செய்த கத்தார் நீதிமன்றம், 8 இந்திய கடற்படை முன்னாள் வீரர்களுக்கு விதிக்கப்பட்ட மரண தண்டனையை சிறை தண்டனையாக குறைத்துள்ளதாக வெளியுறவு அமைச்சகம் தகவல் தெரிவித்திருந்தது. இந்த நிலையில், 8 இந்திய கடற்படை முன்னாள் வீரர்களின் சிறைத் தண்டனையை கத்தார் நீதிமன்றம் ரத்து செய்துள்ளது. மேலும் அவர்கள் தாயகமான இந்தியாவிற்கு திரும்பியுள்ளதாக மத்திய அரசு தெரிவித்துள்ளது. தற்போது 8 வீரர்களில் 7 பேர் இன்று டெல்லி வந்து சேர்ந்தனர். அவர்களுக்கு டெல்லியில் உற்சாக வரவேற்பு அளிக்கப்பட்டது.