Skip to main content

வீணாக்கப்பட்ட உணவிலிருந்து மீத்தேன் மற்றும் மின்சாரம் எடுக்கும் திட்டம்...

Published on 01/12/2018 | Edited on 01/12/2018

 

jap

 

வீணாக்கப்பட்ட உணவு பொருட்கள் மூலம் மீத்தேன் மற்றும் மின்சாரம் தயாரிக்கும் திட்டத்தை ஜப்பானை சேர்ந்த தனியார் நிறுவனம் ஒன்று தொடங்கியுள்ளது. நாள்தோறும் 80 டன் உணவு பொருட்கள் சேமிக்கப்பட்டு, அதிலிருந்து மீத்தேன் வாயு தயாரிக்கப்படுகிறது. இதற்காக ஜப்பான் ரயில்வே துறையுடன் ஒப்பந்தமும் போடப்பட்டுள்ளது. ரயில் நிலையங்கள், உணவு பதனிடும் தொழிற்சாலைகளில் வீணாக்கப்படும் உணவுகள் பெறப்பட்டு அவற்றை ரசாயன மாற்றத்திற்கு உட்படுத்தி மீத்தேன் வாயு தயாரிக்கப்படுகிறது. மேலும் இந்த மீத்தேன் வாயுவை கொண்டு மின்சாரமும் தயாரிக்கப்படுகிறது. இதனை பற்றி அந்த தனியார் நிறுவன அதிகாரி கூறுகையில் சுற்றுசூழலுக்கு தீங்கு விளைவிக்காமல் மீத்தேனும், மின்சாரமும் எடுக்கவே இந்த திட்டம் கொண்டுவரப்பட்டதாக தெரிவித்தார். 

 

 

சார்ந்த செய்திகள்

 

Next Story

தங்கம் வென்ற மாரியப்பன் தங்கவேலு; முதல்வர் மு.க. ஸ்டாலின் வாழ்த்து!

Published on 22/05/2024 | Edited on 22/05/2024
Greetings from CM MK Stalin for Mariyappan Thangavelu who won gold

2024 ஆம் ஆண்டுக்கான பாரா தடகள சாம்பியன்ஷிப் போட்டி ஜப்பானில் நடைபெற்று வருகிறது. இப்போட்டியில் தமிழகத்தைச் சேர்ந்த தடகள வீரர் தங்கவேலு மாரியப்பன் உயரம் தாண்டுதல் பிரிவில் 1.88 மீட்டர் தாண்டி தங்கம் வென்று அசத்தியுள்ளார்.

இந்நிலையில் பல்வேறு தரப்பினரும் தங்களது வாழ்த்துகளைத் தெரிவித்து வருகின்றனர். அந்த வகையில் தமிழக முதல்வர் மு.க. ஸ்டாலின் எக்ஸ் சமூக வலைத்தளத்தில் வெளியிட்டுள்ள வாழ்த்துச் செய்தியில், “ஜப்பானின் கோபே நகரில் நடைபெற்று வரும் உலக பாரா தடகள சாம்பியன்ஷிப் போட்டியில் ஆடவர் உயரம் தாண்டுதலில் தங்கம் வென்ற மாரியப்பன் தங்கவேலுக்கு வாழ்த்துகள். வருங்காலத்தில் இன்னும் பெரிய உயரங்களை எட்ட வாழ்த்துகள்” எனத் தெரிவித்துள்ளார்.

அதே போன்று அதிமுக பொதுச் செயலாளர் எடப்பாடி பழனிசாமி தனது எக்ஸ் சமூக வலைத்தளத்தில், “ஜப்பான் நாட்டின் கோபே நகரில் நடைபெறும் பாரா தடகள சாம்பியன்ஷிப் போட்டியில் உயரம் தாண்டுதல் போட்டியில் தங்கம் வென்று சாதனை புரிந்துள்ள தமிழ்நாட்டைச் சேர்ந்த மாரியப்பன் தங்கவேலுக்கு எனது மனமார்ந்த வாழ்த்துகள். இன்னும் பல உச்சங்களைத் தொட்டு நாட்டிற்கு மென்மேலும் பெருமை சேர்க்க வாழ்த்துகிறேன்” எனக் குறிப்பிட்டுள்ளார். 

Next Story

மீண்டும் அசத்திய மாரியப்பன் தங்கவேலு

Published on 21/05/2024 | Edited on 21/05/2024
 Once again the uncanny Mariyappan Thangavelu

ஜப்பானில் நடைபெற்ற பாரா ஒலிம்பிக் போட்டியில் தமிழகத்தைச் சேர்ந்த மாரியப்பன் தங்கவேலு தங்கப்பதக்கம் வென்று அசத்தியுள்ளார்.

2024 ஆம் ஆண்டுக்கான பாரா தடகள சாம்பியன்ஷிப் போட்டி ஜப்பானில் நடைபெற்று வருகிறது. இப்போ போட்டியில் தமிழகத்தைச் சேர்ந்த தடகள வீரர் தங்கவேலு மாரியப்பன் 1.88 மீட்டர் உயரம் தாண்டுதலில் தங்கம் வென்று அசத்தியுள்ளார்.

இந்நிலையில் சொந்த ஊரில் செய்தியாளர்களைச் சந்தித்த மாரியப்பன் தங்கவேலுவின் தாயார் பேசுகையில், ''ரொம்ப விளையாட்டில் ஆர்வமாக இருப்பான். கால் கொஞ்சம் மாற்றுத்திறனாளிதான். பள்ளிக்கூடம் படிக்கும் போதிலிருந்தே ஆர்வமாக விளையாடுவான். முதலில் தங்கப்பதக்கம் வாங்கி விட்டான். இரண்டாவது வெள்ளி பதக்கம் வாங்கி விட்டான் என்று கொஞ்சம் வருத்தமாகத்தான் இருந்தான். நான் விளையாடி விட்டு வருகிறேன் என வைராக்கியமாக சொல்லிவிட்டு அவனுடைய ஃபேமிலிய, குழந்தைய, எங்க ஃபேமிலிய எதையும் கண்டுக்காம விளையாடி என் பையன் ஜெயித்து விட்டான். நல்லா இருக்கிறான். எங்களுக்கு சந்தோசம். குழந்தையை கூட பார்க்காமல் ஆர்வமாக விளையாண்டுட்டு வரவேண்டும் என சொல்லி விளையாடி வென்றுள்ளான். முதலமைச்சருக்கும் வாழ்த்துக்கள், சத்தியமூர்த்தி சாருக்கு வாழ்த்துக்கள், மோடிக்கும் வாழ்த்துக்கள்'' என்றார்.