Skip to main content

லைவில் நடுவிரலை காட்டிய செய்தி வாசிப்பாளர்...

Published on 24/09/2018 | Edited on 24/09/2018
news


பாகிஸ்தானை சேர்ந்த சமா டிவியில், செய்தி ஒளிப்பரப்பாகிறது  என்பது தெரியாமல் லைவில் நடுவிரலை காட்டி வம்பிழுத்த செய்தி வாசிப்பாளரின் வீடியோ சமூக வலைதளத்தில் வைரலாக பரவி வருகிறது. 
 

சமா டிவியின் செய்தி தொடர்பாளர், பாகிஸ்தானுக்கும் ஆப்கானிஸ்தானுக்கும் இடையே நடந்த சூப்பர் லீக் 4 போட்டியின்போது, பாகிஸ்தானின் விளையாட்டை புகழ்ந்து பேசிகொண்டிருந்துள்ளார். இதனை அடுத்து இடைவேளை விட்டபின் கேமராக்கு பின் யாரோ ஒருவரை வம்பிழுத்துக் கொண்டிருந்துள்ளார். திடிரென வம்பிழுத்துக்கொண்டிருக்கும் செய்திவாசிப்பாளருக்கு முன்கூட்டியே அறிவிக்காமல் அந்த நிகழ்ச்சியை லைவ் செய்ய, அதை அறியாமல் செய்திவாசிப்பாளர் நடுவிரலை காட்டி மேலும் அந்த நபரை வம்பிழுத்துள்ளார். இறுதியில், லைவில் இருப்பது தெரிந்தவுடன், சட்டென்று செய்திவாசிக்க தொடங்கிவிட்டார். கேமரா லைவில் இருக்கிறது என்பதை உடனிருந்த பெண் செய்தி வாசிப்பாளர் அறிந்திருக்க, இவரை நடுவிரலை காட்டும்போது  சிரித்துக்கொண்டிருந்தார். 
 

இந்த வீடியோ சமூக வலைதளத்தில் இரு விதமாக விமர்சிக்கப்பட்டு வருகிறது. பலர் இச்செயலை செய்ததற்காக இந்த செய்தி வாசிப்பாளரின் வேலையை பறிக்க வேண்டும் என்று தெரிவிக்கின்றனர். சிலர், இதை காமெடியாக பார்க்கின்றனர். சில உடகவியளாலர்கள், பத்திரிகை தொழில் இறந்துகொண்டு இருக்கின்றது என்று தெரிவிக்கின்றனர்.
  


 

சார்ந்த செய்திகள்

Next Story

பாகிஸ்தானில் தாக்குதல்; 5 சீனர்கள் பலியான சோகம்!

Published on 26/03/2024 | Edited on 26/03/2024
pakistan Shangla Besham city incident 

பாகிஸ்தானில் பல்வேறு இடங்களில் சீன நிறுவனங்கள் துறைமுகம், விமான நிலையம்,  சாலை மற்றும் ரயில் போக்குவரத்து உள்ளிட்ட கட்டுமான பணிகளை மேற்கொண்டு வருகின்றன. இதனால் சீனாவைச் சேர்ந்த ஏராளமானவர்கள் பாகிஸ்தானில் பணியாற்றி வருகின்றனர். இத்தகைய சூழலில் பாகிஸ்தானின் கைபர் பக்துன்கவா மாகாணத்தில் உள்ள ஷாங்லா என்ற மாவட்டத்திற்கு உட்பட்ட தசு என்ற இடத்தில் இன்று (26.03.2024) தற்கொலைப் படை தாக்குதல் ஒன்று நடத்தப்பட்டது. இந்த தாக்குதல் சம்பவத்தில் சீனாவைச் சேர்ந்த பொறியாளர்கள் 5 பேர் உயிரிழந்துள்ளனர்.

இந்த தாக்குதல் சம்வத்தை பாகிஸ்தான் அரசும் தற்கொலைப் படை தாக்குதல் தான் என உறுதி செய்துள்ளது. மேலும் இந்த தாக்குதல் சம்பவம் தொடர்பான புகைப்படங்கள் மற்றும் வீடியோக்கள் பாகிஸ்தான் காவல் துறையினரால் வெளியிடப்பட்டுள்ளன. இது உலகளவில் பெரும் அதிர்வலைகளை ஏற்படுத்தியுள்ளன. அதே சமயம் இந்த தாக்குதல் சம்வத்திற்கு இதுவரை எந்த அமைப்பும் பொறுப்பேற்கவில்லை எனவும் தகவல் வெளியாகியுள்ளது.

இது குறித்து மலகாண்டின் போலீஸ் துணை இன்ஸ்பெக்டர் ஜெனரல் (டி.ஐ.ஜி.) கூறுகையில், “ஷாங்லாவின் பெஷாம் நகரில் சீனர்களின் வாகனம் தாக்கப்பட்டதில் ஐந்து சீன நாட்டவர்கள் உட்பட ஆறு பேர் கொல்லப்பட்டனர். சீன நாட்டவர்கள் இஸ்லாமாபாத்தில் இருந்து தாசு முகாமுக்குச் செல்லும் பொறியியலாளர்கள் ஆவர்” எனத் தெரிவித்துள்ளார். 

Next Story

குஜராத்தில் ரூ. 480 கோடி மதிப்பிலான போதைப்பொருள் பறிமுதல்!

Published on 12/03/2024 | Edited on 12/03/2024
unwanted things seized in Gujarat worth Rs 480 crore

குஜராத் வழியாக இந்தியாவிற்கு அதிகளவில் போதைப் பொருள்கள் கடத்தப்பட்டு வருவது அதிகரித்துள்ளது. இந்நிலையில் குஜராத் மாநிலம் போர்பந்தர் அருகே போதைப்பொருள் தடுப்பு பிரிவினர் சோதனை மேற்கொண்டனர். அப்போது போர்பந்தர் துறைமுகம் அருகே 6 பேருடன் படகு ஒன்று வந்து கொண்டிருந்தது. இதனைக் கண்ட போதைப்பொருள் தடுப்புப் பிரிவு அதிகாரிகள் படகில் வந்தவர்களிடம் தீவிர விசாரணை மேற்கொண்டனர். அப்போது படகில் வந்தவர்கள் பாகிஸ்தான் நாட்டைச் சேர்ந்தவர்கள் என்பது தெரியவந்தது.

அதனைத் தொடர்ந்து படகில் சோதனை மேற்கொண்டபோது போதைப் பொருள் கடத்தி வந்தது தெரியவந்துள்ளது. இதனையடுத்து போதைப்பொருள் தடுப்புப் பிரிவு அதிகாரிகள் போதைப் பொருட்களை பறிமுதல் செய்தனர். இதன் மதிப்பு ரூ. 480 கோடி எனத் தெரிவிக்கப்பட்டுள்ளது. இந்த போதைப்பொருள் கடத்தல் சம்பவம் தொடர்பாக 6 பாகிஸ்தானியர்களை போதைப்பொருள் தடுப்புப் பிரிவினர் கைது செய்து விசாரணை மேற்கொண்டு வருகின்றனர்.

குஜராத்தில் கடந்த பிப்ரவரி 28 ஆம் தேதி படகு ஒன்றில் இருந்து 2 ஆயிரம் கோடி மதிப்புள்ள 3 ஆயிரத்து 300 கிலோ போதைப் பொருள்கள் பறிமுதல் செய்யப்பட்டன. இதன் மூலம் குஜராத்தில் கடந்த 30 நாட்களில் இரண்டாவது முறையாக பல கோடி ரூபாய் மதிப்புள்ள போதைப் பொருள் பிடிபட்டுள்ளது குறிப்பிடத்தக்கது.