Skip to main content

பாகிஸ்தான் மக்களின் தேடுதலில் அபிநந்தன், சாரா அலிகான்...

Published on 12/12/2019 | Edited on 12/12/2019

இந்திய விமானப்படை விங் கமாண்டர் அபிநந்தன் வர்தமன் மற்றும் பாலிவுட் நடிகை சாரா அலி கான் ஆகியோர் 2019 ஆம் ஆண்டில் பாகிஸ்தான் மக்களால் கூகுளில் அதிகம் தேடப்பட்ட முதல் 10 நபர்களின் பட்டியலில் இடம்பிடித்துள்ளனர்.

 

pakistan most googled in 2019 list

 

 

கூகுளில் 2019 ஆம் ஆண்டில் அதிகம் தேடப்பட்ட நபர்கள், அதிகம் பேசப்பட்ட விஷயங்கள் குறித்த பட்டியல்கள் வெளியிடப்பட்டு வருகின்றன. அந்த வகையில் பாகிஸ்தானில் யாரை பற்றி அங்குள்ள மக்கள் அதிகளவு கூகுளில் தேடியுள்ளனர் என்ற பட்டியல் தற்போது வெளியிடப்பட்டுள்ளது. அதிகம் தேடப்பட்டோர் பட்டியலில் பாலிவுட் நடிகை சாரா அலிகான் ஆறாவது இடம் பிடித்துள்ளார். மேலும் இந்திய விமானப்படை விங் கமாண்டர் அபிநந்தன் வர்தமன் அந்த பட்டியலில் ஒன்பதாவது இடம் பிடித்துள்ளார்.

இந்த ஆண்டு பிப்ரவரியில் இந்திய மற்றும் பாகிஸ்தான் விமானப்படைக்கு இடையிலான சண்டையின்போது இந்திய வான்வெளியில் அத்துமீறி நுழைந்த எஃப் -16 என்ற பாகிஸ்தான் விமானத்தை சுட்டு வீழ்த்திய அவர், பாகிஸ்தான் எல்லை பகுதியில் பாகிஸ்தானியர்களிடம் சிக்கினார். பின்னர் பேச்சுவார்த்தைக்கு பிறகு அவர் இந்தியாவுக்கு திரும்பினார். எனவே இவரை பற்றி பாகிஸ்தானியர்கள் அதிக அளவில் தேடியுள்ளனர். 

 

 

சார்ந்த செய்திகள்

Next Story

பாகிஸ்தானில் தாக்குதல்; 5 சீனர்கள் பலியான சோகம்!

Published on 26/03/2024 | Edited on 26/03/2024
pakistan Shangla Besham city incident 

பாகிஸ்தானில் பல்வேறு இடங்களில் சீன நிறுவனங்கள் துறைமுகம், விமான நிலையம்,  சாலை மற்றும் ரயில் போக்குவரத்து உள்ளிட்ட கட்டுமான பணிகளை மேற்கொண்டு வருகின்றன. இதனால் சீனாவைச் சேர்ந்த ஏராளமானவர்கள் பாகிஸ்தானில் பணியாற்றி வருகின்றனர். இத்தகைய சூழலில் பாகிஸ்தானின் கைபர் பக்துன்கவா மாகாணத்தில் உள்ள ஷாங்லா என்ற மாவட்டத்திற்கு உட்பட்ட தசு என்ற இடத்தில் இன்று (26.03.2024) தற்கொலைப் படை தாக்குதல் ஒன்று நடத்தப்பட்டது. இந்த தாக்குதல் சம்பவத்தில் சீனாவைச் சேர்ந்த பொறியாளர்கள் 5 பேர் உயிரிழந்துள்ளனர்.

இந்த தாக்குதல் சம்வத்தை பாகிஸ்தான் அரசும் தற்கொலைப் படை தாக்குதல் தான் என உறுதி செய்துள்ளது. மேலும் இந்த தாக்குதல் சம்பவம் தொடர்பான புகைப்படங்கள் மற்றும் வீடியோக்கள் பாகிஸ்தான் காவல் துறையினரால் வெளியிடப்பட்டுள்ளன. இது உலகளவில் பெரும் அதிர்வலைகளை ஏற்படுத்தியுள்ளன. அதே சமயம் இந்த தாக்குதல் சம்வத்திற்கு இதுவரை எந்த அமைப்பும் பொறுப்பேற்கவில்லை எனவும் தகவல் வெளியாகியுள்ளது.

இது குறித்து மலகாண்டின் போலீஸ் துணை இன்ஸ்பெக்டர் ஜெனரல் (டி.ஐ.ஜி.) கூறுகையில், “ஷாங்லாவின் பெஷாம் நகரில் சீனர்களின் வாகனம் தாக்கப்பட்டதில் ஐந்து சீன நாட்டவர்கள் உட்பட ஆறு பேர் கொல்லப்பட்டனர். சீன நாட்டவர்கள் இஸ்லாமாபாத்தில் இருந்து தாசு முகாமுக்குச் செல்லும் பொறியியலாளர்கள் ஆவர்” எனத் தெரிவித்துள்ளார். 

Next Story

குஜராத்தில் ரூ. 480 கோடி மதிப்பிலான போதைப்பொருள் பறிமுதல்!

Published on 12/03/2024 | Edited on 12/03/2024
unwanted things seized in Gujarat worth Rs 480 crore

குஜராத் வழியாக இந்தியாவிற்கு அதிகளவில் போதைப் பொருள்கள் கடத்தப்பட்டு வருவது அதிகரித்துள்ளது. இந்நிலையில் குஜராத் மாநிலம் போர்பந்தர் அருகே போதைப்பொருள் தடுப்பு பிரிவினர் சோதனை மேற்கொண்டனர். அப்போது போர்பந்தர் துறைமுகம் அருகே 6 பேருடன் படகு ஒன்று வந்து கொண்டிருந்தது. இதனைக் கண்ட போதைப்பொருள் தடுப்புப் பிரிவு அதிகாரிகள் படகில் வந்தவர்களிடம் தீவிர விசாரணை மேற்கொண்டனர். அப்போது படகில் வந்தவர்கள் பாகிஸ்தான் நாட்டைச் சேர்ந்தவர்கள் என்பது தெரியவந்தது.

அதனைத் தொடர்ந்து படகில் சோதனை மேற்கொண்டபோது போதைப் பொருள் கடத்தி வந்தது தெரியவந்துள்ளது. இதனையடுத்து போதைப்பொருள் தடுப்புப் பிரிவு அதிகாரிகள் போதைப் பொருட்களை பறிமுதல் செய்தனர். இதன் மதிப்பு ரூ. 480 கோடி எனத் தெரிவிக்கப்பட்டுள்ளது. இந்த போதைப்பொருள் கடத்தல் சம்பவம் தொடர்பாக 6 பாகிஸ்தானியர்களை போதைப்பொருள் தடுப்புப் பிரிவினர் கைது செய்து விசாரணை மேற்கொண்டு வருகின்றனர்.

குஜராத்தில் கடந்த பிப்ரவரி 28 ஆம் தேதி படகு ஒன்றில் இருந்து 2 ஆயிரம் கோடி மதிப்புள்ள 3 ஆயிரத்து 300 கிலோ போதைப் பொருள்கள் பறிமுதல் செய்யப்பட்டன. இதன் மூலம் குஜராத்தில் கடந்த 30 நாட்களில் இரண்டாவது முறையாக பல கோடி ரூபாய் மதிப்புள்ள போதைப் பொருள் பிடிபட்டுள்ளது குறிப்பிடத்தக்கது.