Skip to main content

என்னது இன்னுமா பேஜர் யூஸ் பண்றாங்க!!! 

Published on 05/12/2018 | Edited on 05/12/2018
pager


90 களில் பிறந்தவர்களுக்கு கண்டிப்பாக  பேஜர் சேவை பற்றியும், பேஜரில் மெசேஜ் வந்தால் அதிலிருந்து வரும் ஒலியும் தெரிந்திருக்கும்.  சிறிய கால்குலேட்டர் போன்ற வடிவில், ரேடியோ அதிர்வலையை பயன்படுத்தி வெறும் மெசேஜ் மட்டுமே அனுப்பக்கூடிய சேவை. தற்போதைய நிலையில் உலகம் முழுவதும் பல்வேறு நாடுகளில் இந்த சேவை நிறுத்தப்பட்டுவிட்டது. இந்த நிலையில் ஜப்பானில் இந்த சேவையை 1500 பேர் பயன்படுத்தி வருகின்றனர்.
 

1950-60 காலகட்டத்தில் உருவாக்கப்பட்ட இந்த பேஜர், 1980களில் அமெரிக்கா மற்றும் ஐரோப்பா நாடுகளில் பிரபலமானது. மொபைல் போன்களை போன்று கையில் எடுத்துகொண்டு செல்ல வசதியாக அப்போதைய காலகட்டத்தில் இருந்தது பேஜர்தான். 90 களில் உலகம் முழுவதும் பல்வேறு வாடிக்கையாளர்களை கொண்டிருந்தது இந்த பேஜர் சேவை. தற்போது இந்த சேவையை வைத்திருக்கும் ஜப்பானை சேர்ந்த டோக்கியோ டெலி மெசேஜ் நிறுவனம், அடுத்த ஆண்டு செப்டம்பருடன் தனது சேவையை நிறுத்திக்கொள்ள உள்ளதாக அறிவித்துள்ளது.
 

இந்த நிறுவனத்தில் தற்போது 1500 வாடிக்கையாளர்கள், பேஜர் சேவையில் உள்ளதாகவும், கடந்த 20 ஆண்டுகளுக்கு முன்பே பேஜர் கருவியை உருவாக்கும் உற்பத்தியை நிறுத்திவிட்டதாகவும் தெரிவித்துள்ளது. 1996 ஆம் ஆண்டு 1.2 மில்லியன் வாடிக்கையாளர்கள் இந்த நிறுவனத்தின் கீழ் இருந்துள்ளனர். அதே ஆண்டில் பேஜர் சேவையை பயன்படுத்திய ஜப்பானியர்கள் மட்டும் ஒரு கோடி பேராம். பின்னர், காலங்கள் மாற மாற மொபைல் போன்களின் புரட்சி, பேஜர் நிறுவனங்களுக்கு வீழ்ச்சியை தந்தது. சுமார் நாற்பது வருடங்களாக இருந்த பேஜர் சேவை எல்லாம் மூடப்பட்டது. 
 

ஜப்பானுக்கே முதன் முதலில் பேஜரை அறிமுகம் செய்துவைத்த தொலைதொடர்பு நிறுவனமான என்.டி.டி, தன்னுடைய பேஜர் சேவையை 2007 ஆம் ஆண்டே நிறுத்திக்கொண்டது. அடுத்த 10 வருடங்கள் கழித்துதான் டோக்யோ டெலி மெசேஜ் நிறுவனம் இந்த முடிவை எடுத்திருக்கிறது. 50 வருடங்களாக ஜப்பானில் இருந்த சேவையான பேஜர் சேவை முடிவடைய இருக்கிறது. முதலில் இந்த செய்தியை கேட்டபோது,  ‘இன்னுமா இந்த பேஜர் யூஸ் பண்றாங்க’ என்ற வியப்பு தவிர்க்கமுடியாததாக இருந்தது.

 

 

சார்ந்த செய்திகள்

Next Story

ஜப்பான் நிலநடுக்கத்தில் சிக்கிய பிரபல இயக்குநர்!

Published on 21/03/2024 | Edited on 21/03/2024
The famous director ss rajamouli caught in the earthquake in Japan

எஸ்.எஸ்.ராஜமெளலி இயக்கத்தில் கடந்த 2022ஆம் ஆண்டி வெளியாகி மாபெரும் வெற்றி பெற்ற படம் ஆர்.ஆர்.ஆர். இப்படத்தில் ராம் சரண், ஜூனியர் என்டிஆர், ஆலியா பட் உள்ளிட்ட பலர் நடித்திருந்தனர். டிவிவி தானையா தயாரித்திருந்த இப்படம் கிட்டத்தட்ட ரூ.1200 கோடிக்கு மேல் வசூல் செய்து சாதனை படைத்தது. இப்படத்தில் இடம்பெற்ற ‘நாட்டு நாட்டு’ பாடல் கோல்டன் குளோப் மற்றும் ஆஸ்கர் விருதுகளை பெற்றிருந்தது குறிப்பிடத்தக்கது. தெலுங்கு திரைப்பட இயக்குநரான ராஜமெளலி, பாகுபலி மற்றும் ஆர்.ஆர்.ஆர் படங்களுக்கு பிறகு இந்தியா முழுவதும் கவனிக்கப்படும் இயக்குநராக மாறியுள்ளார்.

அவரது அடுத்த படம் குறித்து பெரும் எதிர்பார்ப்பு இருக்கும் நிலையில், அடுத்ததாக மகேஷ் பாபுவை வைத்து படம் இயக்கவுள்ளதாகக் கூறப்பட்டது. இப்படத்திற்கான கதை உருவாக்கும் பணிகள் விறுவிறுப்பாக நடைபெற்று வருகின்றன. இந்த நிலையில், ராஜமெளலி, தனது மகன் கார்த்திகேயா மற்றும் தனது குழுவுடன் தற்போது ஜப்பானில் இருந்து வருகிறார். அங்கு ஆர்.ஆர்.ஆர் படத்திற்கான ஸ்பெஷல் ஸ்கிரீனிங் கடந்த சில நாட்களுக்கு முன்பு நடந்தது. இந்த நிகழ்வில், ராஜமெளலி தனது மனைவியுடன் பங்கேற்று பார்வையாளர்களுடன் கலந்துரையாடினார்.

ஆர்.ஆர்.ஆர் ஸ்பெஷல் ஸ்கிரீனிங்கிற்கு பிறகு, 83 வயது மூதாட்டி ஒருவர், ராஜமெளலிக்கு 1,000 ஓரிகமி கிரேன்களை பரிசாக வழங்கியுள்ளார். இது குறித்து ராஜமெளலி தனது எக்ஸ் தளத்தில், “ஜப்பான் நாட்டு மக்கள், ஓரிகமி கிரேன்களை உருவாக்கி, தங்கள் அன்புக்குரியவர்களுக்கு நல்ல அதிர்ஷ்டம் மற்றும் ஆரோக்கியத்திற்காக பரிசளிக்கிறார்கள். ஆர்.ஆர்.ஆர் படத்தை பார்த்து மகிழ்ச்சி அடைந்த இந்த 83 வயது மூதாட்டி, ஓரிகமி கிரேனை பரிசாக அளித்து எங்களை ஆசிர்வதித்தார். இது விலைமதிப்பில்லாத பரிசு” என்று பதிவிட்டு புகைப்படத்தை வெளியிட்டார். இது தொடர்பான புகைப்படம், சமூக வலைத்தளங்களில் வெளியாகி வைரலானது.

The famous director ss rajamouli caught in the earthquake in Japan

இந்த நிலையில், இன்று அதிகாலை நிலநடுக்கத்தை உணர்ந்ததாகவும், அப்பாவுடன் 28வது மாடியில் என்ன செய்வதன்று தெரியாமல் இருந்ததாகவும், ராஜமெளலியின் மகன் கார்த்திகேயா பதிவை ஒன்றை பகிர்ந்துள்ளார். இது குறித்து ராஜமெளலி தனது எக்ஸ் தளத்தில் கூறியதாவது, “ஜப்பானில் இப்போது பயங்கர நிலநடுக்கம் உணரப்பட்டது. நாங்கள் 28வது மாடியில் இருந்ததால், தரை மெதுவாக நகர ஆரம்பித்தது. இது நிலநடுக்கம் என்பதை உணர எங்களுக்கு சிறிது நேரம் பிடித்தது. நான் பயத்தில் இருந்தேன். ஆனால் சுற்றியிருந்த அனைத்து ஜப்பானியர்கள் எல்லாம், மழை பெய்ய ஆரம்பித்தது போல் அசையவில்லை” என்று கூறி தனது ஸ்மார்ட் வாட்சில் நிலநடுக்கத்திற்கான எச்சரிக்கை குறுஞ்செய்தியையும் புகைப்படம் எடுத்து பதிவிட்டுள்ளார். 

Next Story

நிலவில் வெற்றிகரமாக கால் பதித்த ஜப்பான் விண்கலம்!

Published on 19/01/2024 | Edited on 19/01/2024
Japanese spaceship successfully set foot on the moon

இந்தியா சார்பில் நிலவின் தென் பகுதியை ஆராயக் கடந்த ஆண்டு ஜூலை 14 ஆம் தேதி விண்ணில் பாய்ந்த சந்திரயான் - 3 நிலவின் ஈர்ப்பு விசைக்குள் செலுத்தப்பட்டு கடந்த ஆகஸ்ட் 23 ஆம் தேதி மாலை நிலவின் தென் துருவத்தில் இறங்கி சாதனை படைத்தது. இதன் மூலம் உலகில் அமெரிக்கா, ரஷ்யா, சீனாவிற்கு பிறகு நிலவில் கால் பதித்த நான்காவது நாடாக இந்தியா மாறியிருந்தது.

அதிலும் குறிப்பாக, நிலவின் தென் துருவத்தில் கால் பதிக்கும் உலகின் முதல் நாடாக இந்தியா தன் சாதனையைப் பதிவு செய்தது. இதனையடுத்து நிலவை ஆய்வு செய்ய ஜப்பான் விண்கலமான‘ஸ்சிலிம்’ விண்ணில் செலுத்தப்பட்டது. இந்நிலையில் நிலவில் வெற்றிகரமாக ஜப்பானின் ஸ்லிம் விண்கலம் தரையிறங்கியதாக ஜப்பானின் விண்வெளி ஆராய்ச்சி நிறுவனமான ஜாக்‌ஷா (JAXA) தெரிவித்துள்ளது.

இதன்மூலம் அமெரிக்கா, ரஷ்யா, சீனா, இந்தியாவுக்கு அடுத்தபடியாக நிலவில் கால் பதித்த 5 வது நாடு என்ற பெருமையை ஜப்பான் பெற்றுள்ளது. ஏற்கெனவே 3 முறை இந்த விண்கலம் விண்ணில் செலுத்தப்படுவதாக அறிவிக்கப்பட்டு மோசமான வானிலை உள்ளிட்ட காரணங்களால் ஒத்திவைக்கப்பட்டது குறிப்பிடத்தக்கது.