Skip to main content

மீண்டும் வரும் அயர்ன்மேன்..! உற்சாகத்தில் அவெஞ்சர்ஸ் ரசிகர்கள்...

Published on 31/05/2019 | Edited on 31/05/2019

இந்த ஆண்டின் ஏப்ரல் மாதம் வெளியான அவெஞ்சர்ஸ் எண்ட்கேம் படம் மாபெரும் வெற்றி பெற்று உலக அளவில் பல வசூல் சாதனைகளை நிகழ்த்தியுள்ளது.

 

marvel avengers video game details leaked online

 

 

தொடர்ந்து 10 ஆண்டுகளாக அவெஞ்சர்ஸ் வரிசை படங்களை பார்த்து வந்த ரசிகர்களை கண்கலங்க வைத்தது படத்தின் பல காட்சிகள். குறிப்பாக டோனி ஸ்டார்க்கின் கடைசி காட்சியில் பல ரசிகர்கள் கண்ணீர் விட்டனர். சீனாவில் இந்த காட்சியை கண்ட ஒரு பெண் தொடர்ந்து அழுது மருத்துவமனையில் அனுமதிக்கப்படும் அளவுக்கு சென்றார். அந்த அளவுக்கு ரசிகர்களை வைத்திருக்கும் அயர்ன் மேன் அந்த படத்தின் கடைசியில் இறப்பது பலருக்கும் சோகத்தை ஏற்படுத்திய நிலையில், அவர் கடைசியாக பேசிய "லவ் யூ 3000 டைம்ஸ்" என்ற வசனம் சமூகவலைதளத்தில் வைரலானது.

இந்நிலையில் அயர்ன் மேன் கதாபாத்திரம் திரும்ப வரவுள்ளது என்ற செய்தி அவரின் ரசிகர்களை மகிழ்ச்சியில் ஆழ்த்தியுள்ளது. ஆனால் திரைப்படம் வாயிலாக இல்லாமல் வீடியோ கேம் வழியாக வரவிருக்கிறது. "மார்வெல் அவெஞ்சர்ஸ்" என பெயரிடப்பட்டுள்ள இந்த கேம் குறித்த விபரங்கள் வரும் 10 ஆம் தேதி வெளியிடப்படும் என கூறப்பட்ட  நிலையில் இது குறித்த ட்ரைலர் இணையத்தில் லீக் ஆகியுள்ளது.

மேலும், திரைப்படம் போல குறிப்பிட்ட திரைக்கதையில் அமைக்கப்பட்டுள்ள இந்த கேமில் ஒருவரோ அல்லது பலரோ இணைந்து விளையாடலாம். ஒவ்வொருவரும் தங்களுக்கு பிடித்த கதாபாத்திரங்கள், மற்றும் சக்திகளை தேர்ந்தெடுத்து விளையாடலாம். தேவை ஏற்படும்போது ஒன்றாக இணைந்து எதிரிகளை அழிக்கலாம் எனவும், இதில் அவெஞ்சர்ஸ் வரிசையில் வந்த அனைத்து சூப்பர் ஹீரோ கதாபாத்திரங்களும் வரும் எனவும் தெரிவிக்கப்பட்டுள்ளது.

இதனையடுத்து அவெஞ்சர்ஸ் ரசிகர்கள் இந்த செய்தியை வைரலாகி வருகின்றனர். மேலும் இப்போதே பல ரசிகர்கள் இந்த வீடியோ கேமை வாங்க எப்படி முன்பதிவு செய்வது என்றும் ஆராய ஆரம்பித்துவிட்டனர். 

 


 

சார்ந்த செய்திகள்

Next Story

ஆபத்தான நிலையில் 'அவெஞ்சர்ஸ்' பட பிரபலம்

Published on 02/01/2023 | Edited on 02/01/2023

 

Marvel star Jeremy Renner in hospital

 

28 வீக்ஸ் லேட்டர், தி டவுன் உள்ளிட்ட பல ஹாலிவுட் படங்களில் நடித்துள்ள நடிகர் ஜெர்மி ரென்னர், உலகப் புகழ் பெற்ற மார்வெல்ஸின் 'அவெஞ்சர்ஸ்' படங்களில் ஹாவ்க்-ஐ கதாபாத்திரத்தில் நடித்து ரசிகர்கள் மனதில் இடம் பிடித்தார். தி ஹர்ட் லாக்கர், தி டவுன் படத்திற்காக சிறந்த நடிகர் மற்றும் சிறந்த துணை நடிகருக்காக ஆஸ்கர் விருதுக்கு பரிந்துரைக்கப்பட்டார். கடைசியாக 'க்ளாஸ் ஆனியன்' படத்தில் சிறப்பு தோற்றத்தில் நடித்திருந்தார். 

 

இந்த நிலையில் ஜெர்மி ரென்னர், நேற்று தனது வீட்டிற்கு காரில் சென்றுள்ளார். அப்போது அந்தப் பகுதியில் கடும் குளிர் காற்றுடன் பனிப்புயல் ஒன்று தாக்கியது. அதனால் ஆயிரக்கணக்கான வீடுகள் மின்சாரம் இன்றி இருளில் இருந்தன. இதனால் ஜெர்மி ரென்னர் பயணித்த கார் கட்டுப்பாட்டை இழந்து சாலையோரம் மோதி விபத்துக்குள்ளானது. 

 

விபத்தில் படுகாயமடைந்தார் ஜெர்மி ரென்னர். உடனே தகவல் அறிந்து வந்த மீட்பு படையினர், அவரை மருத்துவமனைக்கு கொண்டு சென்றனர். அங்கு தீவிர சிகிச்சை அளிக்கப்பட்டு வருகிறது. ஆபத்தான நிலையில் அவர் இருப்பதாகவும் ஆனால் உடல்நிலை சீராக உள்ளதாகவும் மருத்துவமனை தரப்பு தெரிவித்துள்ளது. இதனால் அவரது  ரசிகர்கள் அவர் குணமடைய பிரார்த்தனை செய்து வருகின்றனர்.  

 

 

Next Story

அவெஞ்சர்ஸை முந்தியதா 'அவதார் 2' - இந்தியாவின் முதல் நாள் வசூல்?

Published on 17/12/2022 | Edited on 17/12/2022

 

avatar 2 first day box office collection in india

 

உலகப் புகழ் பெற்ற 'அவதார்' படத்தின் இரண்டாம் பாகம் 'அவதார்: தி வே ஆஃப் வாட்டர்'  என்ற தலைப்பில் உருவாகியுள்ளது. ஜேம்ஸ் கேமரூன் இயக்கியுள்ள இப்படத்தில் ஜோ சல்டானா, சாம் வொர்திங்டன், சிகோர்னி வீவர், ஸ்டீபன் லாங், கிளிஃப் கர்டிஸ் உள்ளிட்ட பலரும் நடித்துள்ளனர். ரசிகர்களின் பெரும் எதிர்பார்ப்புக்கு மத்தியில் உலகம் முழுவதும் 3டி-யில் 160 மொழிகளில் நேற்று (16.12.2022) உலகம் முழுவதும் வெளியானது. 

 

தமிழ்நாட்டில் திரையரங்க உரிமையாளர்களுக்கும் வினியோகஸ்தர்களுக்கும் பங்கு தொகையில் சில கருத்து வேறுபாடுகள் இருந்ததால் 200க்கும் குறைவான திரையரங்குகளில் இப்படம் வெளியானதாகப் பேசப்பட்டது. ஆனால் தற்போது இப்படத்திற்கு நல்ல வரவேற்பு கிடைத்து வருவதால் வெளியிடாத சில முன்னணி திரையரங்குகளும் இப்போது வெளியிடத் தொடங்கியுள்ளதாக திரை வட்டாரங்கள் தெரிவிக்கின்றன. 

 

இந்த நிலையில் பிரம்மாண்ட பட்ஜெட்டில் சுமார் ரூ. 2 ஆயிரம் கோடியில் எடுக்கப்பட்டதாகக் கூறப்படும் இப்படம் கனடா மற்றும் அமெரிக்காவில் முதல் காட்சியில் மட்டும் ரூ. 140 கோடி வசூலித்து சாதனை படைத்துள்ளதாகச் சொல்லப்படுகிறது. 

 

இந்தியாவைப் பொறுத்தவரை 'அவதார் 2' படம் முதல் நாளில் ரூ.40 கோடி வசூலித்துள்ளதாகத் தகவல் வெளியாகியுள்ளது. இது உறுதியாகும் பட்சத்தில் இந்தியா பாக்ஸ் ஆஃபீசில் முதல் நாள் அதிக வசூலில் இரண்டாம் இடம் பிடித்துள்ளது. முதல் இடத்தில் 2019ஆம் ஆண்டு வெளியான அவெஞ்சர்ஸ் எண்ட் கேம் (ரூ.53 கோடி) உள்ளது குறிப்பிடத்தக்கது.