Skip to main content

ரகசியத் தகவல் கொடுத்த பாலஸ்தீனியர்கள்? கொன்று கம்பத்தில் தொங்கவிட்ட ஆயுதக்குழு

Published on 27/11/2023 | Edited on 27/11/2023

 

incident two Palestinians for allegedly passing classified information to Israel

 

இஸ்ரேல் - ஹமாஸ் அமைப்பினர் இடையே ஒரு மாதத்திற்கும் மேலாகப் போர் நடைபெற்று வரும் நிலையில், நிலைமை நாளுக்கு நாள் மோசமாகி வருகிறது. கடந்த அக்டோபர் 7 ஆம் தேதி காசாவிலிருந்து ஹமாஸ் அமைப்பு இஸ்ரேல் மீது நடத்திய தாக்குதலில் நூற்றுக்கணக்கானோர் உயிரிழந்தனர். இதற்குப் பதிலடி கொடுக்கும் வகையில் இஸ்ரேல் அதிதீவிரமான தாக்குதலை நடத்தி வருகிறது. இப்படியாக இரு தரப்பிலிருந்து ஆயிரக்கணக்கான உயிரிழப்புகள் ஏற்பட்டுள்ளன. இதனிடையே காசாவை சுற்றி வளைத்து தனது பீரங்கி குண்டுகளால் காசா நகரையே இஸ்ரேல் நிர்மூலமாக்கிக் கொண்டிருக்கிறது.

 

தரைவழித் தாக்குதலைத் தீவிரப்படுத்திய இஸ்ரேல் கிட்டத்தட்ட அனைத்து தொலைத்தொடர்பு சேவைகளை அழித்து உலகத்திலிருந்து காசாவை தனிமைப்படுத்தியுள்ளது. ஹமாஸ் அமைப்பினரை ஒருவர் விடாமல் அழிக்க நினைக்கும் இஸ்ரேலின் தாக்குதலில் ஆயிரக்கணக்கான அப்பாவி பாலஸ்தீன மக்கள் தினந்தோறும் கொல்லப்பட்டு வருகின்றனர். அதில் 60 சதவீதம் பேர் பெண்களும், குழந்தைகளும் எனக் கூறப்படுகிறது. இரு தரப்பிற்கும் இடையிலான இந்தப் போரில் பலரும் பாதிக்கப்பட்டுள்ள நிலையில், இப்போரை நிறுத்த உலக நாடுகள் கோரிக்கை வைத்து வருகின்றன.

 

இதனையடுத்து இஸ்ரேல் - ஹமாஸ் இடையேயான தற்காலிக போர் நிறுத்தம் கடந்த 24 ஆம் தேதி முதல் அமலுக்கு வந்துள்ளது. போர் நிறுத்தம் 4 நாட்கள் அமலில் இருக்கும் என தெரிவிக்கப்பட்ட நிலையில், எகிப்தின் ரபா எல்லை பகுதியில் இஸ்ரேலிய பிணைக்கைதிகள் விடுதலை செய்யப்பட்டு வருகின்றனர்.  இதனிடையே கடந்த 6 ஆம் தேதி மேற்கு கரை பகுதியில் உள்ள துல்ஹரம் பகுதியில் இஸ்ரேலிய ராணுவம் நடத்திய தேடுதல் வேட்டையில் முகாமில் பதுங்கி இருந்த அயுதக் குழு மீது தாக்குதல் நடத்தினர். இரு தரப்புக்கும் நடந்த இந்த மோதலில் 3 ஆயுதக்குழுவினர் கொல்லப்பட்டனர்.

 

முகாமில் பதுங்கி இருந்த ஆயுத குழுக்கள் குறித்து ரகசிய தகவல் இஸ்ரேலுக்கு யார் கொடுத்தது என்று ஆயுதக் குழுவினர் விசாரணை மேற்கொண்டனர். அதில் இரண்டு பாலஸ்தீனியர்கள் இஸ்ரேலுக்கு ரகசிய தகவல் கொடுத்ததாகக் கூறி அவர்களை கொன்று உடலை மின்கம்பத்தில் கட்டித் தொடங்விட்டனர். இது தொடர்பான வீடியோ சமூக வலைதளங்களில் வெளியாகி அதிர்ச்சியை ஏற்படுத்தியுள்ளது.

 

சார்ந்த செய்திகள்

 

Next Story

20 அடி நீள ரோஜா பூ மாலை; 224 சீர்வரிசை தட்டுகள் - அசத்திய தாய்மாமன்  

Published on 10/07/2024 | Edited on 10/07/2024
20-feet-long Rose Hill is  mother-in-law that comes with 224 consecutive plates

கள்ளக்குறிச்சி மாவட்டம் சங்கராபுரம் அருகே உள்ள பூட்டை கிராமத்தைச் சேர்ந்தவர்கள் சுப்பு மற்றும் பிரேமா தம்பதி. இவர்களுக்கு சுபஸ்ரீ என்ற மகள் உள்ளார். சுபஸ்ரீக்கு  மஞ்சள் நீராட்டு விழா நிகழ்ச்சி நடைபெற்றது. மஞ்சள் நீராட்டு விழாவில் தாய்மாமன் வீட்டு சீராக 20 அடிநீளம் கொண்ட 40கிலோ எடையுள்ள ராட்சத ரோஜா பூ மாலை ஜேசிபி இயந்திரம் மூலம் எடுத்து வரப்பட்டது.

ரோஜா பூ மாலையும் சுமார் 224 சீர்வரிசை தட்டுகளும் கேரளா செண்டை மேளங்கள் முழங்க அந்த கிராமத்தின் முக்கிய வீதிகளின் வழியாக எடுத்துவரப்பட்டு அந்த கிராமமே வாய் மேல் கை வைக்கும் அளவிற்கு மிக பிரமாண்டமாக இருந்தது. ஆடல் பாடலுடன் பெண்களின் குத்தாட்டத்துடன் நடைபெற்றது.

இந்த ஊர்வலம் கிராமம் முழுக்க சுற்றி வந்த பிறகு ராட்சத ரோஜா பூ மாலை ஒன்று ஜேசிபி இயந்திரம் மூலம் கொண்டுவரப்பட்டது. அந்த ராட்சத ரோஜா மலையை சுபஸ்ரீயின் தாய்மாமன்கள் முருகன், மாயவன், பாண்டியன், ஐயப்பன், சின்னதுரை ஆகியோர் ராட்சத ரோஜா மாலையை தாய்மாமன் வீட்டு சீராக மாலையை அணிவித்தனர். 

இதுவரையில் இதுபோன்று ஜேசிபி இயந்திரம் மூலம் ராட்சத ரோஜா மலையை யாரும் சீர்வரிசையாக கொண்டு வந்ததில்லை எனவும் 224 சீர்வரிசை தட்டுகளை யாருமே எடுத்து வரவில்லை எனவும் சங்கராபுரம்  சுற்றுவட்டார பகுதி வாழ் கிராம மக்கள் ஆச்சரியத்துடன் பார்த்துள்ளனர்.

Next Story

பட்டா மற்றும் சான்றிதழ் வழங்கக்கோரி மலைவாழ் மக்கள் ஆர்ப்பாட்டம்

Published on 03/07/2024 | Edited on 03/07/2024
Demonstration by hill people to issue badges and certificates

ராணிப்பேட்டை மாவட்டம் ராணிப்பேட்டை கோட்டாட்சியர் அலுவலகத்திற்கு முன்பு பழங்குடி மக்கள் வீட்டுமனை பட்டா, தொகுப்பு வீடுகள், சாதி சான்றிதழ் கேட்டு தமிழ்நாடு மலைவாழ் மக்கள் சார்பாக ஆர்ப்பாட்டம் நடைபெற்றது. மலைவாழ் மக்கள் ராணிப்பேட்டை பேருந்து நிலையத்திலிருந்து கோட்டாட்சியர் அலுவலகம் வரை நடந்து கோசமிட்டபடி இந்த ஆர்ப்பாட்டத்தில் ஈடுபட்டனர்.

இந்தக் கண்டன கோஷத்தில் பொதுமக்கள் கோட்டாட்சியர்  அலுவலகத்துக்கு முன்பு நின்றபடி மாவட்ட நிர்வாகம் பொது மக்களின் கோரிக்கையை ஏற்று பரிசளித்து உடனடியாக அவர்களின் கோரிக்கையை நிறைவேற்ற வேண்டும் என்றும் இந்தக் கண்டன கோஷத்தில் தெரிவித்தனர்.

இந்தக் கண்டன கோஷத்தில் மாவட்டத் தலைவர் சேகர் தலைமையில் 300க்கும் மேற்பட்ட மலைவாழ் மக்கள் மற்றும் பள்ளி குழந்தைகளும் பங்கேற்றனர்.