Skip to main content

கட்சி தொடங்கப்போவதில்லை; மீண்டும் அதிபர் - ட்ரம்ப் சூசகம்!

Published on 01/03/2021 | Edited on 01/03/2021

 

donald trump

 

அமெரிக்காவில் கடந்த வருடம் நடந்த அதிபர் தேர்தலில், ஜோ பைடன் அமெரிக்க அதிபராக தேர்ந்தெடுக்கப்பட்டார். அதனைத் தொடர்ந்து அவர், ஜனவரி 20 ஆம் தேதி பதவியேற்றுக்கொண்டார். ட்ரம்ப் தொடர்ந்து அதிபர் தேர்தல் முடிவுகளை விமர்சித்து வந்தார். இதற்கிடையே அமெரிக்க அதிபராக பைடன் தேர்ந்தெடுக்கப்பட்டதற்கு, ஒப்புதல் அளிக்க அமெரிக்க நாடாளுமன்றம் கூடியபோது, நாடாளுமன்றத்தில் நுழைந்த டொனால்ட் ட்ரம்பின் ஆதரவாளர்கள் வன்முறையில் ஈடுபட்டனர். அதைத் தொடர்ந்து, வன்முறையில் ஈடுபட்டவர்களைக் கலைக்கப் போலீஸ் துப்பாக்கிச் சூடும் நடத்தினர்.

 

நாடாளுமன்ற கட்டடத்திற்குள் நடந்த, இந்த வன்முறையைத் தூண்டிவிட்டதாக ட்ரம்ப் மீது குற்றம் சாட்டப்பட்டது. அதனைத் தொடர்ந்து அவருக்கு எதிராக கண்டன தீர்மானம் கொண்டுவரப்பட்டது. இந்தத் தீர்மானம் நிறைவேறினால் ட்ரம்ப், இனி அதிபர் தேர்தலில் போட்டியிட முடியாத நிலை ஏற்படும் என்ற நிலையில், இந்தத் தீர்மானம் அமெரிக்க நாடாளுமன்றத்தின் பிரதிநிதிகள் சபையில் நிறைவேறியது. ஆனால் போதுமான பெரும்பான்மை இல்லாததால் செனட்டில் தோல்வியடைந்தது.

 

இந்தநிலையில் அமெரிக்காவில் ஒரு மாநாட்டில் பேசிய ட்ரம்ப், மீண்டும் 2024 ஆண்டு நடைபெறும் அதிபர் தேர்தலில் போட்டியிடுவேன் என சூசகமாகத் தெரிவித்துள்ளார். இதுகுறித்து அவர், "உங்கள் உதவியுடன், நாங்கள் அவையைத் திரும்பப் பெறுவோம், நாங்கள் செனட்டை வெல்வோம். பின்னர் குடியரசுக் கட்சியின் ஜனாதிபதி, வெள்ளை மாளிகைக்கு வெற்றிகரமாக திரும்புவார். அது யார் என்று எனக்கு ஆச்சரியமாக இருக்கிறது" எனக் கூறினார். தொடர்ந்து, ஜோ பைடன் எல்லை பாதுகாப்பைக் கையாளும் விதத்தை விமர்சித்த ட்ரம்ப், "ஆனால் யாருக்குத் தெரியும்? நான் அவர்களை மூன்றாவது முறையாக தோற்கடிக்க முடிவு செய்யலாம்” எனத் தெரிவித்தார். ஏற்கனவே அதிபராக இருந்த ட்ரம்ப், 2020 தேர்தலிம் தானே வெற்றிபெற்றதாக கூறி வருகிறார். அதனடிப்படையில் ஜனநாயக கட்சியியை அவர் இரண்டு முறை தோற்கடித்ததாக கூறியுள்ளார் என்பது குறிப்பிடத்தக்கது.

 

மூன்றாவது கட்சி ஆரம்பிக்க ட்ரம்ப் ஆலோசனை நடத்திவருவதாக கூறப்பட்ட நிலையில், மூன்றாவது கட்சி ஆரம்பிக்கும் திட்டமில்லை எனக் கூறியுள்ள அவர், “நாங்கள் புதிய கட்சிகளைத் தொடங்கவில்லை. எங்களிடம் குடியரசுக் கட்சி உள்ளது. இது ஒன்றிணைந்து முன்பைவிட வலுவாக இருக்கும். நான் ஒரு புதிய கட்சியைத் தொடங்கவில்லை" எனத் தெரிவித்துள்ளார்.

 

 

சார்ந்த செய்திகள்

 

Next Story

‘அமெரிக்க அதிபர் ஜோ பைடனின் மகன் குற்றவாளி’ - நீதிமன்றம் பரபரப்பு தீர்ப்பு!

Published on 11/06/2024 | Edited on 11/06/2024
US President Joe Biden's son case related verdict

அமெரிக்க அதிபர் ஜோ பைடன் மகன் குற்றவாளி என நீதிமன்றம் பரபரப்பு தீர்ப்பு வழங்கியுள்ளது.

அமெரிக்காவின் 46 வது அதிபராக 2021 ஆம் ஆண்டு முதல் பதவி வகித்து வருபவர் ஜோ பைடன். இவரது மூத்த மகன் ஹண்டர் பைடன் கடந்த 2018 ஆம் ஆண்டு சட்டவிரோதமாக துப்பாக்கி வாங்கியதாக குற்றம் சாட்டப்பட்டது. இது தொடர்பான வழக்கு நீதிமன்றத்தில் நடைபெற்று வந்தது.

இந்நிலையில் சட்டவிரோதமாக துப்பாக்கி வாங்கிய குற்றச்சாட்டில் அமெரிக்க அதிபர் ஜோ பைடன் மகன் ஹண்டர் பைடன் குற்றவாளி என நீதிமன்றம் தீர்ப்பு அளித்துள்ளது. முன்னதாக இந்த வழக்கு தொடர்பாக ஜோ பைடன் கருத்து தெரிவிக்கையில், “எனது மகன் ஹண்டர் பைடன் குற்றவாளி என நீதிமன்றத்தால் உறுதிசெய்யப்பட்டால் அவரை மன்னிக்கப் போவதில்லை” என்று தெரிவித்திருந்தது குறிப்பிடத்தக்கது. 

Next Story

பிரதமர் மோடிக்கு உலக தலைவர்கள் வாழ்த்து!

Published on 05/06/2024 | Edited on 05/06/2024
World leaders congratulate PM Modi

இந்தியாவில் ஏழு கட்டங்களாக ஏப்ரல் 19ஆம் தேதி முதல் ஜூன் 1ஆம் தேதி வரை மக்களவைத் தேர்தல் நடைபெற்றது. இதற்கான தேர்தல் முடிவுகள் நேற்று (04-06-24) வெளியாகின. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றுள்ளது. இதில் தேசிய ஜனநாயகக் கூட்டணியில் உள்ள பா.ஜ.க தனித்து 240 தொகுதிகளை மட்டுமே கைப்பற்றியிருந்தாலும், கூட்டணிக் கட்சிகளில் தயவால் பா.ஜ.க கூட்டணி மூன்றாவது முறையாக ஆட்சியை அமைக்கவுள்ளது.

இந்தப் பரபரப்பான அரசியல் சூழ்நிலையில் பா.ஜ.க ஆட்சி அமைக்க சந்திரபாபு நாயுடு, நிதிஷ்குமார் மற்றும் கூட்டணிக் கட்சிகள் ஆதரவு கடிதம் வழங்கினர். இதனையடுத்து தேசிய ஜனநாயகக் கூட்டணியின் (NDA - என்.டி.ஏ.) தலைவராக பிரதமர் மோடி ஒரு மனதாக தேர்வு செய்யப்பட்டார். அதனைத் தொடர்ந்து தேசிய ஜனநாயகக் கூட்டணி எம்.பி.க்கள் கூட்டம் நாளை மறுநாள் (07.06.2024) நடைபெற உள்ளது. 

World leaders congratulate PM Modi

இந்நிலையில் பிரதமர் மோடிக்கு 75க்கும் மேற்பட்ட உலக தலைவர்கள் வாழ்த்து தெரிவித்துள்ளனர். அந்த வகையில் ஐக்கிய அரபு எமிரேட்ஸ் அதிபர் ஷேக் முகமது பின் சயீத் அல் நஹ்யான், இங்கிலாந்து பிரதமர் ரிஷி சுனக், அமெரிக்க அதிபர் ஜோ பைடன், ஐரோப்பிய கவுன்சில் தலைவர் சார்லஸ் மைக்கேல், இஸ்ரேல் பிரதமர் பெஞ்சமின் நெதன்யாகு, லிதுவேனியா அதிபர் கிடானாஸ் நௌசேடா, சிங்கப்பூர் பிரதமர் லாரன்ஸ் வோங் ஆகியோர் தங்களது வாழ்த்துகளைத் தெரிவித்துள்ளனர்.

மேலும் நேபாள பிரதமர் புஷ்ப கமல் தஹால், பிரசந்தா மற்றும் மாலத்தீவு அதிபர் முகமது முய்சு. இந்தோனேசியா, இத்தாலி, ஜப்பான், தென் கொரியா, பிரான்ஸ், இங்கிலாந்து, ரஷ்யா ஆகிய நாடுகளின் தலைவர்கள் வாழ்த்து தெரிவித்துள்ளனர். ரஷ்ய அதிபர் விளாடிமிர் புதின், நேபாள பிரதமர் புஷ்ப கமல் தஹால் 'பிரசந்தா', இங்கிலாந்து பிரதமர் ரிஷி சுனக் உள்ளிட்ட உலகத் தலைவர்கள் சிலர் பிரதமர் மோடிக்கு தொலைபேசியில் அழைத்து வாழ்த்து தெரிவித்துள்ளனர். 

World leaders congratulate PM Modi

இது தொடர்பாக அமெரிக்க அதிபர் ஜோ பைடன் எக்ஸ் சமூக வலைத்தளத்தில் வெளியிட்டுள்ள பதிவில், “இந்த வரலாற்றுச் சிறப்புமிக்க தேர்தலில் வெற்றி பெற்ற பிரதமர் நரேந்திர மோடி மற்றும் தேசிய ஜனநாயகக் கூட்டணிக்கும், சுமார் 650 மில்லியன் வாக்காளர்களுக்கும் வாழ்த்துகள். வரம்பற்ற சாத்தியக்கூறுகளின் அடிப்படையில் பகிரப்பட்ட எதிர்காலத்தை நாம் திறக்கும்போதுதான் நமது நாடுகளுக்கிடையேயான நட்பு வளர்கிறது” எனக் குறிப்பிட்டுள்ளார்.

இதற்கு பிரதமர் நன்றி தெரிவிக்கும் வகையில் வெளியிட்டுள்ள பதிவில், “எனது நண்பர் ஜோ பைடனிடம் இருந்து அழைப்பைப் பெறுவது நல்ல செயல் ஆகும். அவரது அன்பான வாழ்த்துச் சொற்களையும் இந்திய ஜனநாயகத்திற்கான அவரது பாராட்டுக்களையும் ஆழமாக மதிக்கிறேன். இந்தியா - அமெரிக்க விரிவான உலகளாவிய கூட்டாண்மை வரும் ஆண்டுகளில் பல புதிய அடையாளங்களைக் காண தயாராக உள்ளது என்று தெரிவிக்கப்பட்டது. மனிதகுலத்தின் நலனுக்காக உலகளாவிய நன்மைக்கான ஒரு சக்தியாக எங்கள் கூட்டாண்மை தொடர்ந்து இருக்கும்” எனக் குறிப்பிட்டுள்ளார்.