Skip to main content

கலங்கடித்த ஒற்றை குப்பி; நிம்மதி பெருமூச்சு விட்ட ஆஸ்திரேலியா

Published on 02/02/2023 | Edited on 02/02/2023

 

 Disturbed single vial; Australia breathed a sigh of relief

 

'ரியோ டின்டோ' என்பது ஆஸ்திரேலியாவின் மிகப்பெரிய சுரங்க நிறுவனம் ஆகும். இந்த நிறுவனத்தில் சுரங்கப் பணிகள் நடைபெறும் பொழுது கிடைக்கும் கனிமத்தின் தன்மையை அளவிடுவதற்காக சிறிய அளவிலான கதிரியக்க தனிமங்கள் கொண்ட குப்பிகளை அந்நிறுவனம் பயன்படுத்தி வருகிறது.

 

சிசியம்-137 என்ற கதிரியக்க தனிமம் உள்ள அந்த குப்பி மிகவும் ஆபத்தானது. இந்த தனிமத்தின் கதிரியக்கம் மனித மற்றும் விலங்குகளின் உடலில் நேரடியாக பட்டால் மிகப்பெரிய பாதிப்புகளை ஏற்படுத்தும். தீக்காயங்களையும் ஏற்படுத்தும். இதனால் கேன்சர் உள்ளிட்ட ஆபத்துகள் கூட வரலாம் என மருத்துவ உலகம் எச்சரிக்கிறது.

 

கடந்த 12 ஆம் தேதி இந்த கதிரியக்க குப்பிகள் உள்ளிட்ட சுரங்கப் பணிகளுக்கு தேவையான பொருட்களை எடுத்துக்கொண்டு சேமிப்பு கிடங்கிற்கு ரியோ டின்டோ நிறுவனத்தின் ட்ரக்குகள் சென்றுள்ளது. மேற்கு ஆஸ்திரேலியாவின் பில்வரா பகுதியிலிருந்து 1400 கிலோமீட்டர் தொலைவில் உள்ள பெர்த் நகருக்கு ட்ரக்குகள் சென்று, அங்குள்ள நிறுவனத்தின் கிடங்கில் பொருட்கள் இறக்கி வைக்கப்பட்டது.

 

இந்நிலையில், கடந்த 25 ஆம் தேதி கொண்டுவரப்பட்ட பொருட்களை பிரித்துப் பார்த்தபோது அதில் வைத்திருந்த கதிரியக்க குப்பிகளில் ஒன்றை மட்டும் காணவில்லை. மிகவும் ஆபத்து என்பதால் பதற்றமடைந்த ரியோ டின்டோ நிறுவன ஊழியர்கள் அதிர்ச்சியடைந்தனர். கோரிகுண்டு அளவிலான குப்பி என்றாலும் ஆபத்து பெரியதென்பதால் உடனடியாக இதற்காக தேடுதல் குழு அமைக்கப்பட்டு ட்ரக் சென்ற வழியில் தேடுதல் நடத்தப்பட்டது. சாலையோரத்தில் இறங்கி நவீன கருவிகளைக் கொண்டு குப்பி பத்திரமாகக் கண்டுபிடிக்கப்பட்டது. அதன் பின்னரே நிம்மதி பெருமூச்சு விட்டது ஆஸ்திரேலியா.

 

 

 

சார்ந்த செய்திகள்

 

Next Story

டிஜிட்டல் பேனரால் ஏற்பட்ட தகராறு; போலீசார் குவிப்பு

Published on 14/07/2024 | Edited on 14/07/2024
Dispute caused by Digital Banner; Police build up

டிஜிட்டல் பேனரால் ஏற்பட்ட தகராறில் கோவில் பண்டிகை கலவரக்காடான சம்பவம் கரூரில் பரபரப்பை ஏற்படுத்தியுள்ளது.

கரூர் மாவட்டம் குளித்தலை பொய்யாமணி அம்பேத்கர் நகரில் காளியம்மன் கோவில் ஒன்று உள்ளது. இந்தக் கோவிலில் கடந்த பன்னிரண்டாம் தேதி கும்பாபிஷேக விழா நடைபெற்றது. கும்பாபிஷேக விழாவை முன்னிட்டு கிராமத்தைச் சேர்ந்த ஒரு தரப்பினர் குறிப்பிட்ட இடங்களில் வரவேற்பு அளிக்கும் வகையில் டிஜிட்டல் பேனர்கள் வைத்திருந்தனர். அந்த டிஜிட்டல் பேனரை மாற்றுச் சமூகத்தைச் சேர்ந்த இளைஞர் ஒருவர் கிழித்ததாகக் கூறப்படுகிறது. இதனால் ஏற்பட்ட வாக்குவாதம் தகராறாக மாறியது.

இதில் இரண்டு தரப்பு மோதி கொண்ட நிலையில் நான்கு பேர் காயமடைந்து குளித்தலை அரசு மருத்துவமனையில் அனுமதிக்கப்பட்டுள்ளனர். ஒரு சாரார் சாலையில் அமர்ந்து போராட்டத்தில் ஈடுபட்டுள்ளனர். இதனால் அந்தப் பகுதியில் அதிகப்படியான போலீசார் பாதுகாப்புக்காக குவிக்கப்பட்டுள்ளனர். இதனால் அந்தப் பகுதியில் பரபரப்பு ஏற்பட்டுள்ளது.

Next Story

8 வயது சிறுமியை இழுத்துச் சென்று சிறுவர்கள் செய்த கொடூரம்!

Published on 12/07/2024 | Edited on 12/07/2024
 8-year-old girl incident at andhra pradesh

ஆந்திரப் பிரதேச மாநிலம், நந்தியால மாவட்டம் முச்சுமரி பகுதியைச் சேர்ந்தவர் 8 வயது சிறுமி. இவர் அங்குள்ள பள்ளியில் மூன்றாம் வகுப்பு படித்து வந்தார். இந்த நிலையில், காலையில் வெளியே விளையாட சென்ற சிறுமி வெகு நேரமாகியும் வீடு திரும்பவில்லை.

இதனால் சந்தேகமடைந்த சிறுமியின் பெற்றோர், சிறுமியை அக்கம்பக்கத்தில் தேடிப் பார்த்துள்ளனர். ஆனால், சிறுமி கிடைக்காததால், அவர்கள் முச்சுமரி காவல் நிலையத்தில் புகார் அளித்தனர். அந்தப் புகாரின் பேரில் போலீசார் வழக்குப்பதிவு செய்து காணாமல் போன சிறுமியைத் தேடி வந்தனர். எங்கு தேடியும் கிடைக்காததால், மோப்பநாய் உதவியோடு போலீசார் தேடி வந்தனர். அதில் மோப்பநாய் அப்பகுதியைச் சேர்ந்த மூன்று சிறுவர்களிடம் அழைத்துச் சென்றுள்ளது. 

அந்தச் சிறுவர்களிடம் போலீசார் விசாரணை நடத்தியதில் அதிர்ச்சிகரமான தகவல் வெளிவந்தது. அதில், சிறுவர்களில் 2 பேர் 6ஆம் வகுப்பும், ஒருவன் 7ஆம் வகுப்பும், காணாமல் போன சிறுமி படித்த பள்ளியில் தான் படித்துள்ளார்கள். பூங்காவில் விளையாடிக் கொண்டிருந்த சிறுமியை வலுக்கட்டாயமாக ஒதுக்குபுற இடத்திற்கு அழைத்துச் சென்று அந்தச் சிறுவர்கள் பாலியல் வன்கொடுமை செய்துள்ளனர். இது வெளியே தெரிந்தால் பிரச்சனையாகிவிடும் என்ற பயத்தில் சிறுமியை கொன்று அருகில் உள்ள கால்வாயில் உடலை வீசியுள்ளனர் என்பது தெரியவந்தது. 

அவர்கள் கொடுத்த வாக்குமூலத்தின் அடிப்படையில், சிறுமியைத் தேடும் பணியில் போலீசார் ஈடுபட்டு வருகின்றனர். 8 வயது சிறுமியை, சிறுவர்கள் மூவர் பாலியல் வன்கொடுமை செய்த சம்பவம் பெரும் பரபரப்பை ஏற்படுத்தியுள்ளது.