இத்தாலியை வதைக்கும் கொரோனா சோகம் - பலி எண்ணிக்கை உயர்வு!

சில நாடுகளில் அந்த வைரஸ் தொற்றின் தாக்கம் தற்போது கண்டறியப்பட்டுள்ளது. இதுவரை இந்தியாவில் எவ்வித உயிரிழப்பு சம்பவங்களும் நடைபெறவில்லை. ஆனால் உலக நாடுகளில் உயிரிழப்புக்கள் தொடர்ந்து நடைபெற்று வருகின்றன. இந்நிலையில், சீனாவுக்கு சிறிதும் தொடர்பில்லாத நாடுகளில் கூட கொரோனா வைரஸ் பரவுவதாக உலக சுகாதார அமைப்பு தெரிவித்துள்ளது. இந்நிலையில் கொரோனா பாதிப்பு காரணமாக இதுவரை 2000க்கும் மேற்பட்டவர்கள் பாதிக்கப்பட்ட நிலையில், இந்த பாதிப்பு காரணமாக இத்தாலியில் மட்டும் 17 பேர் பலியாகியுள்ளதாகவும், 600க்கும் மேற்பட்டவர்களுக்கு அந்த நோய் தாக்கம் இருப்பதாகவும் அந்நாட்டு அரசு தெரிவித்துள்ளது.