Skip to main content

அரை நூற்றாண்டுக்கும் மேல் உடலில் தண்ணீர் பட்டதே இல்லை... ஆனாலும், ஆரோக்கியமாக வாழும் அதிசய மனிதர்...

Published on 23/01/2021 | Edited on 23/01/2021

 

Amou Haji world's dirtiest person in  Iran

 

ஈரான் நாட்டைச் சேர்ந்த 87 வயதான முதியவர் கடந்த 67 ஆண்டுகளாகக் குளிக்காமலேயே வாழ்ந்துவருகிறார். உலகிலேயே அழுக்கான மனிதர் என இவர் அறியப்படுகிறார். 

 

தெற்கு ஈரான் பகுதியில் உள்ள தேஜ்கா எனும் கிராமத்தைச் சேர்ந்தவர் அமோவ் ஹாஜி. இவருக்குத் தண்ணீர் மீது பயம் என்றும் தன் உடலில் தண்ணீர் பட்டால் அதன் மூலமாக தனக்கு உடல்நலக் குறைவு ஏற்படும் எனும் பயத்தினாலும் 67 ஆண்டு காலமாக அவர் குளிக்காமல் வாழ்ந்துவருவதாகத் தெரிகிறது. 

 

தண்ணீரே படாத அமோவ் ஹாஜியின் உடல், தூசிகளாலும், மண்ணாலும் போர்த்தப்பட்டுள்ளது. இவர், ஈரானின் பாலைவனத்தில் வாழ்ந்து வருகிறார். இவருக்கு வீட்டினுள் வாழ்வதும் பிடிப்பதில்லை. அதனால், பாலைவனத்தில் இருக்கும் பொந்துகளையே தனது வாழ்விடமாக வைத்துள்ளார். இவருக்கென அந்த கிராம மக்கள் ஒரு வீட்டை தயார்படுத்திக் கொடுத்தும் அதனை அவர் மறுத்துவிட்டதாகச் சொல்லப்படுகிறது. 

 

Amou Haji world's dirtiest person in  Iran


தண்ணீர் மட்டுமல்ல சமைத்த உணவு என்றாலும் அமோவ் ஹாஜிக்கு அலர்ஜி. அவர் அதிகம் விரும்புவது மாமிசம் என்றும் அதுவும் அழுகிய மாமிசம் என்றும் சொல்லப்படுகிறது. உடல் மீது தண்ணீர் என்றால் மட்டும்தான் அமோவ் ஹாஜிக்கு அலர்ஜி. ஆனால், ஒரு நாளைக்கு ஐந்து லிட்டர் தண்ணீர் குடிப்பார். சிறுவயதில் தனது வாழ்நாளில் ஏற்பட்ட ஏதோ ஓர் நிகழ்வின் காரணமாக அவர் தனிமையை விரும்புகிறார் என்கிறார்கள் அவரை பார்ப்பவர்கள். இவருக்குப் புகைக்கும் பழக்கம் இருக்கிறது. குளிக்காமல், அழுக்கு உடலுடன், அழுகிய மாமிசத்தை உண்டு வாழ்ந்துவரும் அமோவ் ஹாஜிக்கு உடல்நிலை நலமாக இருப்பது ஆச்சரியத்திலும் ஆச்சரியம்.

 

சார்ந்த செய்திகள்

Next Story

ஈரான் மீது பாகிஸ்தான் பதிலடி தாக்குதல்; அதிகரித்த பலி எண்ணிக்கை

Published on 19/01/2024 | Edited on 19/01/2024
Pakistan retaliates against Iran

பாகிஸ்தானில் தென்மேற்கு பகுதியில் பலுசிஸ்தான் மாகாணம் அமைந்துள்ளது. இந்த மாகாணத்தையொட்டி, ஈரான், ஆப்கானிஸ்தான் உள்ளிட்ட நாடுகள் தங்களுடைய எல்லைகளை பகிர்ந்து வருகின்றன. இந்த நிலையில், பலுசிஸ்தான் பகுதியில் ஈரான் - பாகிஸ்தான் எல்லையையொட்டி 50 கி.மீ தொலைவில் அமைந்துள்ள குஹிசாப் நகரை குறிவைத்து கடந்த 16ஆம் தேதி ஈரான் ராணுவத்தின் சிறப்பு படையினர் ஏவுகணைகளை வீசி திடீர் தாக்குதல் நடத்தினர். இந்த தாக்குதலில் வீடுகள் பல தரைமட்டமாகி, கட்டடங்கள் பல இடிந்தும் விழுந்தன. மேலும், இந்த சரமாரி தாக்குதலில், கட்டட இடிபாடுகளில் சிக்கி குழந்தைகள் உட்பட 2 பேர் சம்பவ இடத்திலேயே பரிதாபமாக உயிரிழந்தாக கூறப்பட்டது.

இந்த திடீர் தாக்குதல் குறித்து ஈரான் செய்தி நிறுவனம் ஒளிபரப்பியதாவது, ‘பாகிஸ்தானில் உள்ள ஜெய்ஷ்-அல்-அட்ல் என்னும் பயங்கரவாத இயக்கத்தினர் அமைத்திருந்த போர்த்தளங்கள், முகாம்கள் மீது ஈரான் ராணுவம் தாக்குதல் நடவடிக்கை மேற்கொண்டது எனவும், இதில் 2 பயங்கரவாத முகாம்கள் முற்றிலுமாக அழிக்கப்பட்டது’ என்றும் தெரிவித்தது. 

இந்த தாக்குதலுக்கு பாகிஸ்தான் கடும் கண்டனம் தெரிவித்தது. இது குறித்து பாகிஸ்தான் வெளியுறவு அமைச்சகம் வெளியிட்டுள்ள செய்திக்குறிப்பில், ‘நாட்டின் வான்வெளியில் ஈரான் அத்துமீறி நுழைந்து தாக்கியுள்ளது. எந்தவித முன் அறிவிப்பும் இன்றி நடத்தப்பட்ட ஈரானின் இந்த தாக்குதலை ஏற்றுக்கொள்ள முடியாது. இந்த தாக்குதலுக்கு உரிய விலை கொடுக்க வேண்டும்’ என்று கூறி எச்சரித்தது. இதனால், இருநாடுகளுக்கும் இடையே எல்லையில் பதற்றம் ஏற்பட்டது. 

இதனைத் தொடர்ந்து, பாகிஸ்தானில் பயங்கரவாத அமைப்பு மீதான தாக்குதலில் ஈரானுக்கு இந்தியா ஆதரவு தெரிவித்திருந்தது. இது குறித்து வெளியுறவுத்துறை அமைச்சக செய்தித் தொடர்பாளர் ரன்தீர் ஜெய்ஸ்லால் கூறுகையில், “இது ஈரானுக்கும்-பாகிஸ்தானுக்கு இடையிலான விவகாரம். ஆனால், இந்தியாவைப் பொறுத்தவரை பயங்கரவாதத்தை பொறுத்துக்கொள்ள முடியாது என்ற சமரசமற்ற நிலைப்பாட்டை கொண்டுள்ளது. தங்களது தற்காப்புக்காக நாடுகள் எடுக்கும் நடவடிக்கைகளை நாங்கள் புரிந்து கொள்கிறோம்” என்று கூறினார். 

இந்த நிலையில், ஈரான் மீது தாக்குதல் நடத்தி பதிலடி கொடுத்துள்ளது. ஈரான் - பாகிஸ்தான் எல்லையில் ஈரானில் இருந்து செயல்படும், இரண்டு பலூச் பிரிவினைவாத அமைப்புகள் மீது பாகிஸ்தான் ராணுவம் தாக்குதல் நடத்தியுள்ளது. ஈரான் எல்லையை ஒட்டியுள்ள பகுதிகளில் பாகிஸ்தான் நடத்திய ட்ரோன், ஏவுகணை தாக்குதலில் உயிரிழந்தோரின் எண்ணிக்கை 9 பேர் ஆக உயர்ந்துள்ளதாக தகவல் வெளியாகியிருக்கிறது. 

Next Story

பயங்கரவாத முகாம்கள் மீது ஈரான் தாக்குதல்?; பாகிஸ்தான் கண்டனம்

Published on 18/01/2024 | Edited on 18/01/2024
Condemnation of Pakistan for Iran Strikes Camps

பாகிஸ்தானில் தென்மேற்கு பகுதியில் பலுசிஸ்தான் மாகாணம் அமைந்துள்ளது. இந்த மாகாணத்தையொட்டி, ஈரான், ஆப்கானிஸ்தான் உள்ளிட்ட நாடுகள் தங்களுடைய எல்லைகளை பகிர்ந்து வருகின்றன. 

இந்த நிலையில், பலுசிஸ்தான் பகுதியில் ஈரான் - பாகிஸ்தான் எல்லையையொட்டி 50 கி.மீ தொலைவில் அமைந்துள்ள குஹிசாப் நகரை குறிவைத்து ஈரான் ராணுவத்தின் சிறப்பு படையினர் ஏவுகணைகளை வீசி திடீர் தாக்குதல் நடத்தினர். இந்த தாக்குதலில் வீடுகள் பல தரைமட்டமாகி, கட்டடங்கள் பல இடிந்தும் விழுந்தன. மேலும், இந்த சரமாரி தாக்குதலில், கட்டட இடிபாடுகளில் சிக்கி குழந்தைகள் உட்பட 2 பேர் சம்பவ இடத்திலேயே பரிதாபமாக உயிரிழந்தாக கூறப்படுகிறது. 

இந்த திடீர் தாக்குதல் குறித்து ஈரான் செய்தி நிறுவனம் ஒளிப்பரப்பியதாவது, ‘பாகிஸ்தானில் உள்ள ஜெய்ஷ்-அல்-அட்ல் என்னும் பயங்கரவாத இயக்கத்தினர் அமைத்திருந்த போர்த்தளங்கள், முகாம்கள் மீது ஈரான் ராணுவம் தாக்குதல் நடவடிக்கை மேற்கொண்டது எனவும், இதில் 2 பயங்கரவாத முகாம்கள் முற்றிலுமாக அழிக்கப்பட்டது’ என்றும் தெரிவித்தது. 

இந்த தாக்குதலுக்கு பாகிஸ்தான் கடும் கண்டனம் தெரிவித்துள்ளது. இது குறித்து பாகிஸ்தான் வெளியுறவு அமைச்சகம் வெளியிட்டுள்ள செய்திக்குறிப்பில், ‘நாட்டின் வான்வெளியில் ஈரான் அத்துமீறி நுழைந்து தாக்கியுள்ளது. எந்தவித முன் அறிவிப்பும் இன்றி நடத்தப்பட்ட ஈரானின் இந்த தாக்குதலை ஏற்றுக்கொள்ள முடியாது. இந்த தாக்குதலுக்கு உரிய விலை கொடுக்க வேண்டும்’ என்று கூறி எச்சரித்துள்ளது. இதனால், இருநாடுகளுக்கும் இடையே எல்லையில் பதற்றம் ஏற்பட்டுள்ளது.