Breaking

ராணுவத்துக்காக அமெரிக்காவும் வடகொரியாவும் செலவு செய்யும் தொகை எவ்வளவு?

Photographer

Published on 08/03/2019 | Edited on 08/03/2019

உலகின் மிகப்பெரிய ராணுவம் என்ற வகையில் சீனா சுமார் 22 லட்சம் வீரர்களுடன் முதலிடத்திலும், இந்தியா சுமார் 14 லட்சம் வீரர்களுடன் இரண்டாவது இடத்திலும், அமெரிக்கா சுமார் 13.5 லட்சம் வீரர்களுடன் மூன்றாவது இடத்திலும், வடகொரியா சுமார் 12 லட்சம் வீரர்களுடன் நான்காவது இடத்திலும், ரஷ்யா சுமார் 8.5 லட்சம் வீரர்களுடன் ஐந்தாம் இடத்திலும் இருக்கின்றன.

சீனாவின் மொத்த மக்கள் தொகை 138 கோடி. இவர்களில் ராணுவ சேவைக்கு தகுதியானவர்கள் சுமார் 62 கோடி. இந்தியாவின் மொத்த மக்கள்தொகை சுமார் 130 கோடி. ராணுவ சேவைக்கு தகுதியானவர்கள் 49.5 கோடி. அமெரிக்காவின் மொத்த மக்கள்தொகை சுமார் 33 கோடி. ராணுவ சேவைக்கு தகுதியானவர்கள் சுமார் 12 கோடி. வடகொரியாவின் மக்கள் தொகை 2 கோடியே 54 லட்சம். இவர்களில் ராணுவ சேவைக்கு தகுதியானவர்கள் 1 கோடியே 2 லட்சம். ரஷ்யாவின் மொத்த மக்கள்தொகை 14.21 கோடி. ராணுவ சேவைக்கு தகுதியானவர்கள் 4 கோடியே 67 லட்சம்.

உலக அளவில் முதல் ஐந்து இடங்களில் உள்ள மிகப்பெரிய ராணுவங்களுக்கு ஒதுக்கப்படும் நிதி அளவை பார்த்தால், மூன்றாவது இடத்தில் உள்ள அமெரிக்காதான் மிக அதிகபட்சமாக, அதாவது உலகின் மொத்த ராணுவ நிதி ஒதுக்கீட்டில் 35 சதவீதம் நிதியை ஒதுக்குகிறது. உலகின் முதல் பெரிய ராணுவத்தை வைத்திருக்கிற சீனா 13 சதவீதத்தையும், இரண்டாவது பெரிய ராணுவத்தை வைத்திருக்கிற இந்தியா 3.7 சதவீதம் நிதியையும், ஐந்தாவது பெரியராணுவத்தை வைத்திருக்கிற ரஷ்யா 3.8 சதவீதம் நிதியையும் ஒதுக்குகின்றன. இந்த பட்டியலில் வராத சவூதி அரேபியா 4 சதவீதம் நிதியை ராணுவத்துக்கு ஒதுக்குகிறது.

ஐ.நா.சபையில் உறுப்பினராக உள்ள 193 நாடுகளில் 137 நாடுகள் மட்டுமே ராணுவத்துக்கு தனியாக நிதி ஒதுக்குகின்றன. இவற்றில், இந்த ஐந்து நாடுகள் மட்டும் ராணுவத்துக்கு 59.5 சதவீதம் நிதியை செலவிடுகின்றன. மீதமுள்ள நாடுகள் அனைத்தும் சேர்ந்து ராணுவத்துக்கு செலவிடும் தொகை 40.5 சதவீதம் மட்டும்தான்.

உலகின் நான்காவது பெரிய ராணுவத்தை வைத்திருக்கிற வடகொரியா தனது ராணுவத்துக்காக செலவிடும் தொகை மிகவும் குறைவு என்பதை குறிப்பிட்டே ஆகவேண்டும். ராணுவ செலவினங்களில் வடகொரியா 26 ஆவது இடத்தில் இருக்கிறது என்பதே உண்மை. இந்த நாட்டைத்தான், ராணுவத்துக்காக மிக அதிகமாக செலவிடும் அமெரிக்கா தொடர்ந்து மிரட்டிப் பார்க்கிறது.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 17/04/2024 | Edited on 17/04/2024

America announced action against Iran to incident on Israel

இஸ்ரேல் - ஹமாஸ் அமைப்பினர் இடையே நடைபெற்று வரும் போர் நாளுக்கு நாள் மோசமாகிக் கொண்டே வருகிறது. கடந்த ஆண்டு அக்டோபர் 7 ஆம் தேதி காசாவிலிருந்து ஹமாஸ் அமைப்பு இஸ்ரேல் மீது நடத்திய தாக்குதலில் ஆயிரத்திற்கும் மேற்பட்டோர் உயிரிழந்தனர். இந்தப் போரில் அதிகளவில் பெண்களும், குழந்தைகளுமே உயிரிழந்துள்ளதாக ஐ.நா கவலை தெரிவித்துள்ளது. இதுவரை 30,000க்கும் அதிகமானோர் பலியாகி உள்ளதாகவும், 60,000க்கும் மேற்பட்டோர் படுகாயம் அடைந்துள்ளதாகவும் தெரிவிக்கப்பட்டுள்ளது. மேலும், போர் நிறுத்தத்தை முடிவுக்குக் கொண்டு வர, அமெரிக்கா உள்ளிட்ட நாடுகள் பல்வேறு முயற்சிகளை மேற்கொண்டு வருகின்றன.

இதனிடையே, சிரியா தலைநகர் டமாஸ்கஸ் நகரில் உள்ள ஈரானின் தூதரகம் மீது இஸ்ரேல் படைகள் கடந்த வாரம் அதிரடி தாக்குதல் நடத்தியது. இந்தத் தாக்குதலில், புரட்சிப்படையைச் சேர்ந்த மூத்த தளபதி உட்பட 13 பேர் உயிரிழந்தனர். இதனையடுத்து, ஹமாஸ் அமைப்புக்கு ஆயுதம் வழங்கி வருவதாகக் கூறப்படும் ஈரான், இஸ்ரேல் மீது தாக்குதல் நடத்தத் தயாராகி வருவதாக அமெரிக்க உளவுத்துறை எச்சரிக்கை விடுத்திருந்தது.

இதனையடுத்து, இஸ்ரேல் மீது ஈரான் வான்வெளி தாக்குதலைத் தொடங்கியுள்ளது. 200 க்கும் மேற்பட்ட ட்ரோன்கள் மற்றும் ராக்கெட்டுகளை ஏவி வான்வெளி தாக்குதலை நடத்தியிருக்கிறது. ஏற்கெனவே இஸ்ரேலிய சரக்கு கப்பலை ஈரான் சிறைபிடித்திருந்த நிலையில் தற்போது ஈரான் வான்வெளி தாக்குதலைத் தொடங்கியுள்ளது. ஆனால், ஈரான் தாக்குதலால் இஸ்ரேலியர்கள் யாரும் உயிரிழக்கவில்லை என்று தெரிவிக்கப்பட்டது. மேலும் சிரியா, லெபனான் எல்லைப் பகுதியில் வசிக்கும் இஸ்ரேல் மக்கள் பாதுகாப்பாக இருக்க வேண்டும் என்று அறிவுறுத்தப்பட்டுள்ளது. இதனால் மத்திய கிழக்கில் போர் பதற்றம் நிலவி வருகிறது.

ஈரான் தாக்குதலுக்கு எதிராகவும் இஸ்ரேலுக்கு ஆதரவாகவும் அமெரிக்கா களமிறங்கியுள்ளது. ஈரானின் ட்ரோன்களை இடைமறித்து அழித்து வருவதாக அமெரிக்க பாதுகாப்புத்துறை தெரிவித்துள்ளது. முன்னதாக, இஸ்ரேல் மீது தாக்குதல் நடத்தக்கூடாது என்றும், மீறி நடத்தினால் விளைவுகள் மோசமாக இருக்கும் என அமெரிக்கா, ஈரானுக்கு எச்சரிக்கை விடுத்திருந்தது.

அமெரிக்காவின் எச்சரிக்கையை மீறி ஈரான் தாக்குதல் நடத்தியதற்காக அமெரிக்கா, ஈரான் மீது பொருளாதாரத் தடையை அறிவித்துள்ளது. இந்த அறிவிப்பை, அமெரிக்காவோடு பிரிட்டனும் கைகோர்த்து அறிவித்துள்ளது என்பது குறிப்பிடத்தக்கது. இது குறித்து அமெரிக்க நிதித்துறை செயலாளர் ஜேனட் யெல்லன் கூறுகையில், “வரும் நாட்களில் ஈரானுக்கு எதிராகக் கூடுதல் பொருளாதாரத் தடைகள் நடவடிக்கை எடுப்போம். எந்த மாதிரியான தடைகள் விதிக்கப்படும் என்பது குறித்து விரைவில் விவரங்கள் வெளியிடப்படும்” என்று கூறினார்.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 14/04/2024 | Edited on 14/04/2024

இதற்கு பதிலடி கொடுக்கும் வகையில், இஸ்ரேல் அதிதீவிரமான தாக்குதலை தற்போது வரை நடத்தி வருகிறது. ஹமாஸ் அமைப்பை மையமாகக் கொண்டு காசா மீது நடத்தப்பட்ட தாக்குதலில் 30 ஆயிரம் பாலஸ்தீனியர்கள் கொல்லப்பட்டுள்ளதாகக் கூறப்படுகிறது. சமீபத்தில் போர் நிறுத்த ஒப்பந்தம் ஏற்பட்டபோது, பிணைக் கைதிகளாகப் பிடித்து வைக்கப்பட்டிருந்த இஸ்ரேலியர்கள் சிலர் விடுவிக்கப்பட்டனர். மீதமுள்ள பிணைக் கைதிகளில் 31 பேர் உயிரிழந்துள்ளதாக ஹமாஸ் அமைப்பு தெரிவித்திருந்தது.

இந்தப் போரில் அதிகளவில் பெண்களும், குழந்தைகளுமே உயிரிழந்துள்ளதாக ஐ.நா கவலை தெரிவித்துள்ளது. இதுவரை 30,000க்கும் அதிகமானோர் பலியாகி உள்ளதாகவும், 60,000க்கும் மேற்பட்டோர் படுகாயம் அடைந்துள்ளதாகவும் தெரிவிக்கப்பட்டுள்ளது. மேலும், போர் நிறுத்தத்தை முடிவுக்குக் கொண்டு வர, அமெரிக்கா உள்ளிட்ட நாடுகள் பல்வேறு முயற்சிகளை மேற்கொண்டு வருகின்றன.

இதனிடையே, சிரியா தலைநகர் டமாஸ்கஸ் நகரில் உள்ள ஈரானின் தூதரகம் மீது இஸ்ரேல் படைகள் கடந்த வாரம் அதிரடி தாக்குதல் நடத்தியது. இந்தத் தாக்குதலில், புரட்சிப்படை மூத்த தளபதி உள்பட 13 பேர் உயிரிழந்தனர். இதனால், இஸ்ரேல் - ஈரான் இடையே போர் ஏற்படும் சூழ்நிலை உருவாகியுள்ளது.

இதனையடுத்து, ஹமாஸ் அமைப்புக்கு ஆயுதம் வழங்கி வருவதாகக் கூறப்படும் ஈரான், இஸ்ரேல் மீது தாக்குதல் நடத்த தயாராகி வருவதாக அமெரிக்க உளவுத்துறை எச்சரிக்கை விடுத்திருந்தது. இந்த நிலையில் இஸ்ரேல் மீது ஈரான் வான்வெளி தாக்குதலை தொடங்கியுள்ளது. 200 க்கும் மேற்பட்ட ட்ரோன்கள் மற்றும் ராக்கெட்டுகளை ஏவி வான்வெளி தாக்குதலை நடத்தியிருக்கிறது. ஏற்கனவே இஸ்ரேலிய சரக்கு கப்பலை ஈரான் சிறைபிடித்திருந்த நிலையில் தற்போது ஈரான் வான்வெளி தாக்குதலை தொடங்கியுள்ளது. ஆனால் ஈரான் தாக்குதலால் இஸ்ரேலியர்கள் யாரும் உயிரிழக்கவில்லை என்று தெரிவிக்கப்பட்டுள்ளது. மேலும் சிரியா, லெபனான் எல்லை பகுதியில் வசிக்கும் இஸ்ரேல் மக்கள் பாதுகாப்பாக இருக்க வேண்டும் என்று அறிவுறுத்தப்பட்டுள்ளது. இதனால் மத்திய கிழக்கில் போர் பதற்றம் நிலவி வருகிறது.

இந்த நிலையில் ஈரான் தாக்குதலுக்கு எதிராக இஸ்ரேலுக்கு ஆதரவாக அமெரிக்கா களமிறங்கியுள்ளது. ஈரானின் ட்ரோன்களை இடைமறித்து அழித்து வருவதாக அமெரிக்க பாதுகாப்புதுறை தெரிவித்துள்ளது. இதனிடையே ஈரான் தாக்குதலை தொடர்ந்து அமெரிக்க அதிபர் ஜோ பைடன் வெள்ளை மாளிகையில் வெளியுறவுத்துறை பாதுகாப்பு அதிகாரிகளுடன் அவசர ஆலோசனையில் ஈடுபட்டுள்ளார்.