உலக அளவில் மிகவும் மாசடைந்த நகரங்கள் என பட்டியல் எடுக்கப்பட்டு 50 நகரங்கள் கண்டெடுக்கப்பட்ட நிலையில், அந்த 50 நகரங்களில் 39 நகரங்கள் இந்தியாவில் இருப்பது அதிர்ச்சியை ஏற்படுத்தியிருக்கிறது.
ஸ்விட்சர்லாந்தின் IQAIR என்ற நிறுவனம் உலகில் மிகவும் காற்று மாசடைந்த நகரங்களின் பட்டியலை ஆய்வு செய்து ‘உலக காற்று தர அறிக்கை’ என வெளியிட்டுள்ளது. உலக அளவில் 131 நாடுகளில் 30 ஆயிரத்திற்கும் மேற்பட்ட அரசு மற்றும் அரசு சாரா கண்காணிப்பு அமைப்புகளிடம் இருந்து பெற்ற தரவுகள் அடிப்படையில் 50 நகரங்களைக் கொண்ட பட்டியலை தயாரித்து வெளியிட்டுள்ளது. இதேபோல் கடந்த ஆண்டு வெளியிடப்பட்ட பட்டியலில் இந்தியா ஐந்தாவது இடத்தில் இருந்தது. இந்த ஆண்டு எட்டாவது இடத்திற்கு சென்றுள்ளது. அந்த ஆய்வு நிறுவனம் வெளியிட்டுள்ள பட்டியலில் முதல் 10 நகரங்களில் 6 நகரங்கள் இந்தியாவில் உள்ளன. முதல் இரண்டு இடங்களில் பாகிஸ்தானின் லாகூர், சீனாவின் ஹுடான் நகரம் இடம் பெற்றுள்ளது. மூன்றாவதாக ராஜஸ்தானின் விவாடி, டெல்லி ஆகிய நகரங்கள் இடம் பெற்றுள்ளது.
