இருசக்கர வாகனம் ஓட்டிக்கொண்டே குளித்த இளைஞர்கள்... மடக்கி பிடித்த போலிசார்!

ஹாலிவுட் படங்களில் மிஸ்டர் பீன் நடித்த படங்களில் சிரிப்பு காட்சிகள் அலாதியானது. ஒரு படத்தில் அவர் வேலைக்கு கிளம்புவதில் சிக்கல் ஏற்படவே அவசர அவசரமாக கிளம்பி அலுவலகம் செல்வார். அதற்காக அவர் வண்டியிலேயே குளிப்பார். இதே சம்பவம் தற்போது நிஜத்தில் நடைபெற்றுள்ளது.

சில தினங்களுக்கு முன்பு வியட்நாமின் ஹோமி பகுதியில் இரண்டு இளைஞர்கள் இதே போன்ற பாணியில் இருசக்கர வாகனத்தில் குளித்துக்கொண்டே வாகனத்தை இயக்கியுள்ளனர். இதை பார்த்த போக்குவரத்து காவலர்கள் அவர்களை மடக்கி ஆவணங்களை கேட்டுள்ளனர். ஆனால் அவர்களிடம் போதுமான ஆவணங்கள் இல்லை. இதனால் அவர்களை கைது செய்த போலிசார் அவர்களை சிறையில் அடைந்தனர்.