தொடங்கிய கனமழை; முகாமிட்டுள்ள தேசிய பேரிடர் மீட்புக் குழு!

டிட்வா புயலால் புதுக்கோட்டை, தஞ்சாவூர், திருவாரூர், நாகபட்டினம் உள்பட டெல்டா மாவட்டங்களில் அதிகனமழை பெய்ய வாய்ப்புள்ளதாக இந்திய வானிலை ஆய்வு மையம் சிவப்பு நிற எச்சரிக்கை கொடுத்துள்ளது. இதனால் இன்று புதுக்கோட்டை மாவட்டத்தில் மதியத்திற்கு பிறகு பள்ளிகள் விடுமுறை விடப்பட்டுள்ளது.

இதனிடையே, மாவட்ட நிர்வாகத்தின் சார்பில் மீட்பு பணிக்கான உபகரணங்களுடன் மீட்புக்குழு தயார் நிலையில் உள்ளது. கண்காணிப்பு குழுக்கள் அமைக்கப்பட்டுள்ளது, அவசர உதவி எண்கள் வெளியிடப்பட்டுள்ளது. மேலும் பொதுமக்கள் தங்கும் இடங்களும் தயாராக உள்ளது. எச்சரிக்கை விளம்பரங்களும் செய்யப்பட்டுள்ளது.

இந்த நிலையில், புதுக்கோட்டை மாவட்ட கடலோரப் பகுதியில் மதியத்தில் இருந்து மிதமான மழை பெய்யத் தொங்கி படிபடியாக மாவட்டம் முழுவதும் மழை தொடங்கி உள்ளது. அதனால், தேசிய பேரிடர் மீட்புக்குழு அரக்கோணத்தில் இருந்து 34 பேர் மீட்பு உபகரணங்கள், மோப்ப நாய்கள், வாகனங்களுடன் வந்து எந்தப் பகுதிக்கும் விரைந்து செல்லும் வகையில் அறந்தாங்கியில் ஒரு தனியார் திருமண மண்டபத்தில் தயார் நிலையில் உள்ளனர்.