Skip to main content

ஆற்றில் தவறிவிழுந்த இளைஞரைக் காப்பாற்றிய நண்பர்கள்... வைரலாகும் வீடியோ! 

Published on 18/12/2020 | Edited on 18/12/2020
Young man who fell into the river near Virudhachalam ... rescued colleagues ... viral video

 

கடலூர் மாவட்டம் விருத்தாசலம் அடுத்த நல்லூர் நகர் பகுதியைச் சேர்ந்தவர் பர்கத் அலி. கோமுகி அணையில் இருந்து, மணிமுக்தா ஆற்றில், தண்ணீர் திறந்து விடப்பட்டதால், தண்ணீர் வருவதைப் பார்ப்பதற்காக பர்கத் அலி  நண்பர்களுடன் ஆற்றிற்குச் சென்றுள்ளார். அப்பொழுது எதிர்பாராதவிதமாக பர்கத் அலி, தவறி ஆற்றுக்குள் விழுந்த நிலையில் இதைப் பார்த்த அவரது சக நண்பர்கள், மூங்கில் கழி கொண்டும், கயிறு மூலமாகவும் அவரைக் காப்பாற்றியுள்ளனர்.

 

சுமார் அரை மணி நேரப் போராட்டத்திற்குப் பின்பு, ஆற்றில் விழுந்த இளைஞரை அவரது நண்பர்கள் உயிருடன் மீட்டனர். 

 

நண்பர்கள் காப்பாற்றும் அந்த வீடியோ தற்போது சமூக வலைத்தளத்தில் வைரலாகப் பரவி வருகிறது. அதேசமயம் மணிமுக்தா ஆற்றின் இருகரையிலும் தண்ணீர் கரைபுரண்டு ஓடுவதால், செல்ஃபி எடுப்பதற்காகவும், குளிப்பதற்காகவும் யாரும் செல்ல வேண்டாம் என்று சமூக ஆர்வலர்கள் மற்றும் அதிகாரிகள் வேண்டுகோள் விடுத்துள்ளனர்.

 

 

 

சார்ந்த செய்திகள்

Next Story

கொள்ளிடம் ஆற்றில் மாயமான மாணவர்கள்; சடலமாக மீட்பு!

Published on 25/02/2024 | Edited on 25/02/2024
3 students missing who bathed in Kollidam river

கொள்ளிடம் ஆற்றில் குளித்த 3 மாணவர்கள் மாயமாகியுள்ளனர்.

சென்னை அம்பத்தூரைச் சேர்ந்த 8 மாணவர்கள் உள்ளிட்ட 9 பேர் சென்னையில் இருந்து தஞ்சாவூர் நிகழ்ச்சி ஒன்றுக்கு சென்றுள்ளனர். பின்னர் நிகழ்ச்சியை முடித்துக் கொண்டு மீண்டும் சென்னை திரும்பியுள்ளனர். அப்போது வழியில் அரியலூர் மாவட்டம் திருமானூர் கொள்ளிடம் ஆற்றில் மாணவர்கள் குளித்துள்ளனர். அச்சமயம் மாணவர்கள் பச்சையப்பன் என்பவர் ஆற்றில் சிக்கிக்கொண்டார்.

இதனையடுத்து மற்ற மாணவர்கள் பச்சையப்பனை காப்பற்ற முயன்று ஆற்றில் இறங்கியுள்ளனர். இதனால் பச்சையப்பனுடன் 8 மாணவர்களும் ஆற்றில் சிக்கிக் கொண்டனர். இதனைக் கவனித்த பொது மக்கள் மீட்பு பணியில் ஈடுபட்டனர். இதில் 6 பேர் உயிருடன் மீட்கப்பட்டனர். மீதமுள்ள 3 பேரை காப்பாற்ற முடியவில்லை. அவர்கள் தண்ணீர் அடித்துச் செல்லப்பட்டனர். அவர்களைத் தேடும் பணி நடைபெற்று வந்தது. இந்நிலையில் காணாமல் போன 3 மாணவர்கள் சடலமாக மீட்கப்பட்டனர்.  இச்சம்பவம் அப்பகுதி மக்களிடையே பெரும் பரபரப்பை ஏற்படுத்தியுள்ளது. 

Next Story

மது போதையில் ஆற்றில் இறங்கிய இளைஞர்கள்; ஒருவர் சடலமாக மீட்பு

Published on 07/01/2024 | Edited on 07/01/2024
 Youths who entered the river under the influence of alcohol; Rescue of a dead body

ஈரோடு மாவட்டம் அந்தியூர் அருகே ஆற்றில் குளிக்கச் சென்ற இளைஞர்கள் இருவர் நீரில் மூழ்கிய நிலையில் ஒருவர் சடலமாக மீட்கப்பட்ட சம்பவம் பரபரப்பை ஏற்படுத்தி இருக்கிறது.


ஈரோடு மாவட்டம் அந்தியூர் அருகே உள்ள மைக்கல்பாளையம் பகுதியை சேர்ந்தவர் லோகநாதன். அவருடைய நண்பன் ஸ்ரீராம், தேவேந்திரன் உள்ளிட்ட நான்கு பேர் இன்று காலையில் பவானி அத்தாணி பகுதியில் உள்ள ஆற்றில் குளிக்க சென்றுள்ளனர். நான்கு பேரும் மது போதையில் ஆற்றில் இறங்கியதாகக் கூறப்படுகிறது.

அப்போது ஸ்ரீதர் மற்றும் தேவேந்திரன் ஆகிய இருவரும் ஆழமான பகுதிக்கு சென்ற நிலையில் மூழ்கியுள்ளனர். இதை கவனித்த அவரது நண்பர்கள் உடனடியாக அக்கம் பக்கத்தில் இருந்தவர்களை கூச்சலிட்டு அழைத்துள்ளனர். உடனடியாக மீட்புப் படையினருக்கும் தகவல் கொடுக்கப்பட்டது. உடனடியாக மீட்புப் படையினர் மற்றும் அக்கம்பக்கத்தில் உள்ள மக்கள் அனைவரும் சேர்ந்து ஆற்றில் இறங்கி தேடினர். இதில் ஸ்ரீதர் உடல் சடலமாக மீட்கப்பட்டுள்ளது. அவரது உடல் பெருந்துறை மருத்துவக் கல்லூரி மருத்துவமனைக்கு அனுப்பி வைக்கப்பட்டுள்ளது. தேவேந்திரன் உடலை தற்போது வரை மீட்புப் படையினர் தேடி வருகின்றனர். அந்தியூர் அருகே ஆற்றில் ஒருவர் சடலமாக மீட்கப்பட்ட சம்பவம் பரபரப்பை ஏற்படுத்தி இருக்கிறது.