Skip to main content

4 நாட்களாக பூட்டிய வீட்டில் பெண் சடலத்துடன் உறவினர்கள்!

Published on 06/07/2018 | Edited on 06/07/2018
women


விழுப்புரம் மாவட்டம் உளுந்தூர்பேட்டையை சேர்ந்தவர் லாரி டிரைவர் செந்தில்நாதன்(40), இவரது மனைவி இளவரசி (29). திருமணம் முடிந்து 4 ஆண்டுகளான நிலையில் இவர்களுக்கு இவர்களுக்கு இரண்டு குழந்தைகள் உள்ளனர். திருமணத்தின் போது, செந்தில்நாதனுக்கு 45 பவுன் நகை, ரூ.1 லட்சம் பணம் மற்றும் வீட்டு உபயோக பொருட்களை வரதட்சனையாக இளவரசியின் பெற்றோர் கொடுத்துள்ளனர். திருமணத்திற்கு பிறகு செந்தில்நாதன் தனது மனைவியுடன் சென்னை பூந்தமல்லி நண்பர்கள் நகரில் வசித்தார்.

செந்தில்நாதன் அடிக்கடி இளவரசியிடம் வரதட்சணை கேட்டு கொடுமைப்படுத்தியதாக தெரிகிறது. இந்நிலையில் கடந்த 1ம்தேதி இளவரசி இறந்துவிட்டதாக உறவினர்களுக்கு செந்தில்நாதன் தகவல் தெரிவித்துள்ளார். இளவரசியின் பெற்றோர் மற்றும் உறவினர்கள் சென்னை வந்து சாவில் சந்தேகம் உள்ளதாக பூந்தமல்லி காவல்நிலையத்தில் புகார் கொடுத்தனர். போலீசார் வழக்குப்பதிந்து விசாரணை செய்யப்படும் நீங்கள் சடலத்தை அடக்கம் செய்யுங்கள் என கூறியுள்ளனர்.

 

 

இதையடுத்து, செந்தில்நாதன் சடலத்தை ஊருக்கு எடுத்துச்செல்லுங்கள், நான், உறவினர்களுடன் வருகிறேன் என்று கூறியுள்ளார். இதைத்தொடர்ந்து இளவரசியின் சடலத்தை எடுத்துக்கொண்டு அவரது உறவினர்கள் செந்தில்நாதன் ஊரான ஒல்லியாம்பாளையத்திற்கு கொண்டு சென்றனர்.

கடந்த 4 நாட்கள் ஆகியும் செந்தில்நாதன் மற்றும் அவரது உறவினர்கள் யாரும் ஊருக்கு வராததால் இளவரசியின் இறப்புக்கு செந்தில்நாதன் மற்றும் அவரது தாய், தங்கை உள்ளிட்டவர்கள் தான் காரணம். அவர்களை கைது செய்யும் வரை சடலத்தை எடுக்க மாட்டோம் என்று கூறி, வீட்டிலேயே சடலத்தை கடந்த 4 நாட்களாக பூட்டி வைத்துள்ளனர். இதில் சடலம் துர்நாற்றம் வீச துவங்கி உள்ளது. இதனால் உடனடியாக போலீசார் நடவடிக்கை எடுக்கவேண்டும் என இளவரசியின் உறவினர்கள் கோரிக்கை வைத்துள்ளனர்.

சார்ந்த செய்திகள்

 

Next Story

வீட்டில் தனியாக இருந்த பெண் அதிகாரி படுகொலை; சிசிடிவி காட்சியில் சிக்கிய கொலையாளி

Published on 06/11/2023 | Edited on 06/11/2023

 

A woman officer lost her life who was alone at home in bangalore

 

கர்நாடகா மாநிலம் சிவமொக்கா மாவட்டத்தைச் சேர்ந்தவர் பிரதிமா (37). இவர் கர்நாடகா ஆட்சி பணி அதிகாரியாக பொறுப்பு வகித்து வந்தார். அதில் பெங்களூரில் உள்ள கனிமவளம் மற்றும் நில அறிவியல் துணை இணை இயக்குநராக பணியாற்றி வந்தார். இவருக்கும் இவரது கணவருக்கும் இடையே ஏற்பட்ட பிரச்சனை காரணமாக அவரை பிரிந்து 5 ஆண்டுகளாக பெங்களூரில் தனியாக வசித்து வந்தார். பிரதிமாவின் சகோதரர் பிரதீஷ் பெங்களூர் மாநகராட்சி காண்டிராக்டராக இருந்து வருகிறார். பிரதீஷ் தன்னுடைய சகோதரியான பிரதிமா வீட்டிற்கு அடிக்கடி வந்து செல்வது வழக்கம்.

 

இந்த நிலையில், நேற்று முன் தினம் (04-11-23) இரவில் வழக்கம் போல் சகோதரி பிரதிமாவுக்கு பிரதீஷ் செல்போனில் அழைத்து பேச முயன்றார். 3 முறைக்கு மேல் பிரதிமாவின் செல்போனுக்கு அழைத்தும் அவர் எடுத்து பேசவில்லை. இதையடுத்து, பிரதீஷ் அடுத்த நாள் காலையிலும் தனது சகோதரியை தொடர்பு கொண்ட போது அவர் அழைப்பை எடுக்கவில்லை. இதனால், சந்தேகமடைந்த பிரதீஷ், பிரதிமாவின் வீட்டிற்கு சென்று பார்த்துள்ளார். அங்கு ஒரு அறையில் பிரதிமா ரத்த வெள்ளத்தில் கொலை செய்யப்பட்டு கிடப்பதை பார்த்த பிரதீஷ் அதிர்ச்சியடைந்து காவல்துறையினருக்கு தகவல் கொடுத்தார். 

 

தகவல் அறிந்த காவல்துறையினர் விரைந்து வந்து சடலத்தை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். இதையடுத்து, இந்த சம்பவம் குறித்து காவல்துறையினர் வழக்குப்பதிவு செய்து தீவிர விசாரணை நடத்தி வந்தனர். மேலும், பிரதிமா வசித்து  வந்த அடுக்குமாடி குடியிருப்பை சுற்றியுள்ள கண்காணிப்பு கேமரா காட்சிகளை கைப்பற்றி ஆய்வு செய்து வந்தனர். அந்த காட்சிகளில் சந்தேகத்தில் இடமான மர்ம ஒருவர் வருவதை பார்த்த காவல்துறையினர்  அவரை பற்றி தகவலை சேகரித்தனர். 

 

மேலும், அவர் மீது வழக்குப்பதிவு செய்து தலைமறைவாக இருந்த அந்த நபரை தேடிப் பிடித்து கைது செய்தனர். அவரிடம் காவல்துறையினர் நடத்திய விசாரணையில், அவர் பெயர் கிரண் என்பதும் அவர் சுரங்கங்கள் மற்றும் புவியியல் துறையின் ஒப்பந்த அடிப்படையில் கார் ஓட்டுநராக பணிபுரிந்து வந்துள்ளார் என்பதும் தெரியவந்தது. மேலும், சம்பவ இடத்தில் கைப்பற்றிய தடயங்களை வைத்து பெண் அதிகாரி பிரதிமாவை கொலை செய்தது கிரண் தான் என்பதை காவல்துறையினர் கண்டுபிடித்தனர்.

 

இதையடுத்து, கிரணிடம் காவல்துறையினர் கிடுக்குப்பிடி விசாரணை நடத்தினர். அந்த விசாரணையில், கிரண் மீது பல புகார் இருந்ததால் அவரை பிரதிமா பணிநீக்கம் செய்து உத்தரவு பிறப்பித்துள்ளார். இதனால், ஆத்திரமடைந்த கிரண், பிரதிமாவை கொலை செய்ய திட்டமிட்டு நோட்டமிட்டுள்ளார். இதையடுத்து, பிரதிமா நேற்று முன் தினம் இரவு தனது பணியை முடித்து வீட்டிற்கு செல்வதை பார்த்த கிரண், பிரதிமாவின் வீட்டிற்கு சென்று கொலை செய்துள்ளார் என்பது தெரியவந்தது. பெண் அதிகாரியை அவரது வீட்டில் வைத்து கொலை செய்த சம்பவம் அந்த பகுதியில் பரபரப்பை ஏற்படுத்தியுள்ளது.