Skip to main content

தம்பியைக் கொன்று நாடகமாடிய அக்கா கைது! தகாத உறவால் வந்த வினை! 

Published on 01/11/2021 | Edited on 01/11/2021

 

woman arrested by police in cuddalore on youth case

 

கடலூர் மாவட்டம், வேப்பூரை அடுத்துள்ள கழுதூர் கிராமத்தைச் சேர்ந்த பெரியசாமி என்பவருக்கு இரண்டு மனைவிகள். முதல் மனைவி செல்வி என்பவருக்கு குமுதா என்ற பெண்ணும், இரண்டாவது மனைவி மலர் என்பவருக்கு மூன்று பெண் பிள்ளைகளும், வேல்முகன் (27) என்ற மகனும் உள்ளனர். கடந்த 2 வருடங்களுக்கு முன்பு பெரியசாமி இறந்துவிட்ட நிலையில், பெரியாசாமியின் இரண்டாவது மனைவிக்குப் பிறந்த வேல்முருகனுக்கும், முதல் மனைவிக்குப் பிறந்த குமுதாவின் மகளான பவித்ராவுக்கும் இடையே காதல் மலர்ந்துள்ளது. வெளிநாட்டில் வேலை செய்துவந்த வேல்முருகன், கடந்த வருடம் தனது சொந்த ஊரான கழுதூர் வந்தவர், பெரியசாமியின் முதல் தாரத்திற்குப் பிறந்த குமுதாவின் சம்மதத்துடன், அவரது மகள் பவித்ராவை கோயிலுக்கு அழைத்துச் சென்று திருமணம் செய்துகொண்டார். உறவு முறைப்படி அக்கா மகளான பவித்ராவை திருமணம் செய்துகொண்டார். 

 

திருமணம் முடிந்து வேப்பூரில் இருவரும் வசித்துவந்த நிலையில், கடந்த சில மாதங்களாக கணவன் மனைவிக்கு இடையே அடிக்கடி தகராறு ஏற்பட்டுவந்ததாக கூறப்படுகிறது. இதனால் ஏற்பட்ட மன உளைச்சலில் பவித்ரா, கழுதூர் கிராமத்தில் உள்ள தனது தாய் வீட்டிற்குச் சென்று தங்கியுள்ளார். இதனிடையே தனது மனைவியைப் பார்ப்பதற்காக வேல்முருகன் கடந்த 28ஆம் தேதி வேப்பூரிலிருந்து கழுதூர் சென்றுள்ளார். அதனைத் தொடர்ந்து அன்று இரவு 11.30 மணியளவில் வேல்முருகனின் தாயார் மலர்க்கொடிக்கு தொலைப்பேசி வாயிலாக வேல்முருகன் இறந்துவிட்டதாகவும், அவரது உடலை வேப்பூர் மருத்துவமனையில் வைத்திருப்பதாகவும் தகவல் தெரிவிக்கப்பட்டது. 

 

இதனால் அதிர்ச்சியடைந்த அவரது தாய் மற்றும் உறவினர்கள், மருத்துவமனைக்குச் சென்று பார்த்துக் கதறி அழுதனர். அப்போது வேல்முருகனின் உடலில் ஆங்காங்கே குங்குமம் பூசி இருந்ததைக் கண்டு சந்தேகமடைந்த அவரது தாய் மற்றும் உறவினர்கள், ‘வேல்முருகனை அடித்துக் கொன்றுவிட்டு அதனை மறைப்பதற்காக முகம் மற்றும் மார்பு பகுதிகளில் நெற்றியில் வைக்கப்படும் குங்குமத்தைப் பூசியுள்ளதாகவும், உடலில் பல்வேறு இடங்களில் காயங்கள் இருப்பதாகவும் கூறி வேப்பூர் காவல் நிலையத்தில் புகார் அளித்தனர். 

 

புகாரின் பேரில் வேப்பூர் போலீசார், சந்தேக மரணம் என வழக்குப் பதிவுசெய்து, வேல்முருகன் உடலை உடற்கூறாய்விற்காக முண்டியம்பாக்கம் அரசு மருத்துவமனைக்குக் கொண்டு சென்றதுடன், விசாரணை நடத்தினர். இதனிடையே காவல்துறையினர் முறையாக விசாரணை மேற்கொள்ள வேண்டும் என்று வலியுறுத்தி வேல்முருகன் உறவினர்கள் போராட்டத்திலும் ஈடுபட்டனர்.

 

பிரேதப் பரிசோதனையில் வேல்முருகன், கழுத்து நெறித்து கொலை செய்யப்பட்டுள்ளதாக மருத்துவர்கள் கூறியுள்ளனர். அதனைத் தொடர்ந்து திட்டக்குடி டி.எஸ்.பி. சிவா ஆலோசனையின் பேரில், வேப்பூர் இன்ஸ்பெக்டர் ரமேஷ்பாபு, உதவி ஆய்வாளர் சந்திரா ஆகியோர் வேல்முருகன் மனைவி பவித்ரா, மாமியார் குமுதா ஆகியோரிடம் தனித்தனியே விசாரணை செய்தனர்.

 

woman arrested by police in cuddalore on youth case

 

அப்போது மாமியார் குமுதா அளித்த வாக்குமூலத்தில், “மருமகன் வேல்முருகனுக்கும், எனக்கும் தொடர்பு இருந்துவந்தது. சம்பவத்தன்று மதுபோதையில் வந்து உறவுகொள்ள அழைத்தார். மகள் பவித்ரா பக்கத்து அறையில் படுத்திருப்பதால் வேண்டாமென தடுத்தேன். ஆனால், அதையும் மீறி மருமகன் வற்புறுத்தியதால் கழுத்தில் கை வைத்து அழுத்தி தள்ளியதில் இறந்துவிட்டார். பின்னர் புடவை துணியை அவர் கழுத்தில் கட்டி தூக்கில் மாட்டிவிட்டு, தூங்கிய மகளை எழுப்பி, ‘உன் கணவர் தூக்குமாட்டி தொங்குகிறார்’ என கூறினேன்” என்று தெரிவித்துள்ளார். அதையடுத்து வேப்பூர் போலீசார் மருமகனை கொலை செய்த மாமியார் குமுதாவை கைது செய்தனர்.

 

 

சார்ந்த செய்திகள்

 

Next Story

சிறுவன் கடத்தல் சம்பவம்; ஐ.ஏ.எஸ் அதிகாரியின் முன்னாள் மனைவி தற்கொலை

Published on 21/07/2024 | Edited on 21/07/2024
Kidnapping incident; Ex-wife of IAS

சிறுவன் கடத்தப்பட்ட வழக்கில் ஐஏஎஸ் அதிகாரியின் முன்னாள் மனைவி தற்கொலை செய்து கொண்ட சம்பவம் பரபரப்பை ஏற்படுத்தி இருக்கிறது.

மதுரை மாவட்டம் எஸ்.எஸ் காலனி, விவேகானந்தர் தெரு பகுதியைச் சேர்ந்தவர் மைதிலி ராஜேந்திரன். இவருடைய 14 வயது மகன் மர்ம கும்பலால் கடத்தப்பட்டார். கடத்தலில் ஈடுபட்ட நபர்கள் இரண்டு கோடி ரூபாய் கொடுத்தால் தான் சிறுவனை விடுவோம். இல்லையெனில் கண்டம் துண்டமாக வெட்டி கொலை செய்து விடுவோம் என மிரட்டல் விட்டனர்.

உடனடியாக இது குறித்து காவல் துறையில் புகார் அளிக்கப்பட்டது. எஸ்.எஸ் காலனி காவல் துறையினர் நடத்திய தீவிர விசாரணையின் அடிப்படையில் பணி நீக்கம் செய்யப்பட்ட காவலர் செந்தில்குமார், ரவுடி அப்துல் காதர், காளிராஜ், வீரமணி ஆகிய நான்கு பேரை போலீசார் கைது செய்தனர். விசாரணையில் பணம் கொடுக்கல் வாங்கல் தகராறில் இந்த கடத்தல் நடைபெற்றது தெரியவந்தது. மேலும் இந்த சம்பவத்தை நிகழ்த்திய முக்கிய நபர்களான ஹைகோர்ட் மகாராஜன் மற்றும் சூர்யா என்ற ஐஏஎஸ் அதிகாரியின் முன்னாள் மனைவியையும் போலீசார் தேடி வந்தனர்.

இருவரும் போலீஸ் பிடியில் சிக்காமல் இருக்க தப்பி பெங்களூரில் பதுங்கி வந்ததாக கூறப்படுகிறது. இந்நிலையில் பெங்களூரில் இருந்து குஜராத் சென்ற நிலையில் சூர்யா குஜராத்தில் தூக்கிட்டு தற்கொலை செய்து கொண்டதாக அவர்களுடைய பெற்றோர் போலீசாருக்கு தகவல் தெரிவித்துள்ளனர். சூர்யாவின் மரணம் குறித்து விசாரிக்கத் தனிப்படை போலீசார் தற்போது குஜராத்துக்கு விரைந்துள்ளனர். சிறுவன் கடத்தப்பட்ட வழக்கில் ஐஏஎஸ் அதிகாரியின் முன்னாள் மனைவி தூக்கிட்டு தற்கொலை செய்து கொண்டது பரபரப்பை ஏற்படுத்தி இருக்கிறது

Next Story

'ஒரு மாதத்திற்குள் பிரச்சினைகளைக் தீர்க்க வேண்டும்'- ஓய்வு பெற்ற நியாயவிலை கடை பணியாளர் சங்கம் கோரிக்கை

Published on 21/07/2024 | Edited on 21/07/2024
'Problems should be resolved within a month'- Retired Fair Price Shop Workers Association demands

சிதம்பரத்தில் தமிழ்நாடு அரசு ஓய்வு பெற்ற நியாயவிலை கடை பணியாளர் சங்கத்தின் மாநில அமைப்பு கூட்டம் நடைபெற்றது. சங்கத்தில் மாநில அமைப்பாளர் துரை. சேகர் தலைமை தாங்கினார். மாவட்டச் செயலாளர் தங்கராசு அனைவரையும் வரவேற்றார்.  

இதில் சங்கத்தின் சிறப்பு தலைவர் கு.பாலசுப்பிரமணியன் கலந்து கொண்டு சிறப்புரையாற்றி சங்க நடவடிக்கைகள் குறித்து பேசினார்.  தமிழ்நாடு நியாயவிலைக்கடை பணியாளர் சங்கத்தின் மாநிலத் தலைவர் கோ.ஜெயச்சந்திர ராஜா, மாநில இணை பொதுச் செயலாளர் சிவக்குமார், சுவாமிநாதன், விஸ்வநாதன் உள்ளிட்டவர்கள் கலந்து கொண்டு வாழ்த்துரை வழங்கினார்கள்.  ஓய்வு பெற்ற நியாயவிலை கடை பணியாளர் சங்கத்தின் மாவட்ட அமைப்பாளர் ராதாகிருஷ்ணன் அனைவருக்கும் நன்றி கூறினார்.

இதனைத் தொடர்ந்து சங்கத்தின் சிறப்பு தலைவர் கு. பாலசுப்பிரமணியன் செய்தியாளர்களிடம் பேசுகையில், 'கூட்டுறவுச் சங்கங்களில் ஏற்படும் லாப நட்ட கணக்குகளை வைத்துக்கொண்டு கூட்டுறவும் ஊழியர்களுக்கு வழங்கப்படும் பணப்பயன்களை தடுப்பது கண்டிக்கத்தக்கது.  கூட்டுறவுத்துறை நியாய விலை கடை பணியாளர் ஓய்வுக் கால சலுகைகள் குறித்து கூட்டுறவுத் துறை ஆய்வு செய்ய வேண்டும்.

கடந்த காலங்களில் மேற்கொள்ளப்பட்ட நடவடிக்கைகளால் எந்த பலனும் ஊழியர்களுக்கு ஏற்படவில்லை.  ஒரு குறிப்பிட்ட காலத்திற்குள் பண பலன்கள் அவர்களுக்கு சென்றடையாவிட்டால் தமிழகம் முழுவதும் ஓய்வு பெற்ற நியாய விலை கடை பணியாளர்களை ஒருங்கிணைத்து மிகப்பெரிய போராட்டம் நடத்துவது என தீர்மானம் நிறைவேற்றப்பட்டுள்ளது.

ஒரு மாதத்திற்குள் கூட்டுறவுத் துறையில் ஓய்வு பெற்ற நியாயவிலை கடை பணியாளர் சங்கத்தின் பிரச்சினைகளை கூட்டுறவுத்துறை தீர்க்க வேண்டும் இல்லையென்றால் செப்டம்பர் முதல் வாரத்தில் நடைபெறும் மாநில பொதுக்குழுக் கூட்டத்தில் இது குறித்து போராட்ட அறிவிப்பு வெளியிடப்படும்'' எனக் கூறினார்.