Skip to main content

திருமணத்தை மீறிய உறவை வைத்துக் கொண்டு மிரட்டும் கணவர்; மனைவி பரபரப்பு புகார்

Published on 30/05/2024 | Edited on 30/05/2024
Wife complains about husband threatening her by marrying another woman

வேலூர் மாவட்ட காவல் கண்காணிப்பாளர் அலுவலகத்தில் வேலூர் அடுத்த கணியம்பாடி பாரதி நகர் பகுதியைச் சேர்ந்த ராதா ஒரு புகார் மனு அளித்தார்.

அந்த மனுவில், எனக்கு ஒரு மகனும், மகளும் உள்ளனர் எனது கணவர் ரமேஷ் டைல்ஸ் ஓட்டும் வேலை செய்து வருகிறார். எனது கணவருக்கும், பெருமாள் கோயில் தெரு, வேலப்பாடி பகுதியில் வசிக்கும் சித்ரா என்பவருக்கும் திருமணத்தை மீறிய உறவு இருந்தது. இவர்களுக்கு உடந்தையாக செயல்பட்டு திருமணம் செய்து வைத்த எனது மாமியார் மீனாட்சி என்பவரிடமும் எனது கணவர் ரமேஷ் மற்றும் சித்ரா ஆகியோரிடம் தட்டிக் கேட்ட போது மூன்று பேரும் சேர்ந்து என்னை அசிங்கமாக திட்டியும், அடித்தும், கொலை மிரட்டல் விடுத்ததோடு, எனது 2 பிள்ளைகளயும் பிடுங்கி வைத்துக் கொண்டு வெளியே துரத்தினார்கள்.

இது சம்பந்தமாக நான் கடந்த 8.5.22024 அன்று தங்களிடம் மனு அளித்தேன். இந்த மனு அனைத்து மகளிர் காவல்நிலையத்துக்கு அனுப்பப்பட்டது. மனு மீது கடந்த 17.5.2024 அன்று வேலூர் அனைத்து மகளிர் காவல் நிலையத்தில் விசாரணை மேற்கொண்டு எனது 2 பிள்ளைகளை எனது கணவர் ரமேஷ், சித்ரா, மீனாட்சி ஆகியோரிடம் இருந்து மீட்டு என்னிடம் ஒப்படைத்தனர். அன்றைய தேதியிலிருந்து அதன்பின் மகளிர் காவல் நிலையத்தில் அவர்களை அழைத்து எந்தவித விசாரணையும் மேற்கொள்ளவில்லை.

இது சம்மந்தமாக வேலூர் காவல் துணை கண்காணிப்பாளர் அலுவலகத்தில் மனு கொடுத்தும், அவர்கள் அனைத்து மகளிர் காவல் நிலையத்திற்கு அனுப்பினர். அந்த மனு மீதும் எந்தவித விசாரணை மேற்கொள்ளாமல் நிலுவையில் உள்ளது.

மேலும், வேலூர் அனைத்து மகளிர் காவல் நிலையத்தில் பணிபுரியும் அதிகாரி இந்த மனு விசாரணை மேற்கொள்ளாத அளவிற்கு ஒரு தலைபட்சமாக மேற்சொன்ன நபர்களைக் காப்பாற்றும் நோக்கத்தோடு செயல்பட்டு வருகிறார். எதிர் மனுதார்களுக்கு சாதகமாக செயல்படுகிறார்.

மேலும், எனது கணவர் போன் மூலம் என்னைத் தொடர்பு கொண்டு நான் அளித்த புகாரை வாபஸ் வாங்குமாறு மிரட்டுகிறார். எனவே எனக்கு ஏதாவது என்றால் எனது கணவர் மற்றும் அவரது தாய் மீனாட்சி மற்றும் சித்ரா தான் காரணம் என்பதை தெரிவித்துக் கொள்கிறேன் எனக் குறிப்பிட்டுள்ளார்.

மனுவினை பெற்றுக் கொண்ட அதிகாரிகள் மனு மீது உரிய விசாரணை மேற்கொண்டு உரிய நடவடிக்கை எடுப்பதாகத் தெரிவித்தனர்.

சார்ந்த செய்திகள்

 

Next Story

‘மேலும் ஒரு வழக்கில் எம்.ஆர். விஜயபாஸ்கர் கைது’ - போலீசார் அதிரடி!

Published on 18/07/2024 | Edited on 18/07/2024
In another case MR. Vijayabaskar Arrested Police Action

கரூர் மாவட்டம் வாங்கல் குப்பிச்சிபாளையத்தைச் சேர்ந்த பிரகாஷ் என்பவர் கரூர் காவல் நிலையம் மற்றும் எஸ்.பி. அலுவலகத்தில் புகார் ஒன்றை அளித்திருந்தார். அதில், தோரணக்கல்பட்டி மற்றும் குன்னம்பட்டியில் தனக்குச் சொந்தமான ரூ.100 கோடி மதிப்புள்ள 22 ஏக்கர் நிலத்தை அதிமுக முன்னாள் அமைச்சர் எம்.ஆர். விஜயபாஸ்கர் மற்றும் அவரது ஆதரவாளர்கள் தனது மனைவி மற்றும் மகளை மிரட்டி மோசடியாகப் பத்திரப்பதிவு செய்து உள்ளனர் என்று கூறியிருந்தார்.  மேலும் இது தொடர்பாக மேலக்கரூர் பொறுப்பு சார்பதிவாளரும் கரூர் நகர காவல் நிலையத்தில் புகார் அளித்திருந்தார். அதனைத் தொடர்ந்து இந்த வழக்கு சிபிசிஐடிக்கு மாற்றப்பட்டது.

அதே சமயம் இந்த வழக்கில் தனது பெயர் சேர்க்கப்படலாம் என்று கருதி முன்னாள் அமைச்சர் எம்.ஆர். விஜயபாஸ்கர் முன்ஜாமீன் கேட்டு கரூர் மாவட்ட முதன்மை அமர்வு நீதிமன்றத்தில் மனுத்தாக்கல் செய்திருந்தார். இதனையடுத்து நில அபகரிப்பு வழக்கில் எம்.ஆர். விஜயபாஸ்கரின் முன் ஜாமீன் மனுக்களை நீதிபதி தள்ளுபடி செய்து உத்தரவிட்டிருந்தார். அதனைத் தொடர்ந்து முன்ஜாமீன் கோரி எம்.ஆர். விஜயபாஸ்கர் சென்னை உயர்நீதிமன்றத்தின் மதுரைக் கிளையில் மனுத்தாக்கல் செய்திருந்தார். இத்தகைய சூழலில் தலைமறைவாக கேரளாவில் பதுங்கி இருந்த எம்.ஆர். விஜயபாஸ்கர் தனிப்படை போலீசாரால் கைது செய்யப்பட்டார்.

இதனையடுத்து எம்.ஆர். விஜயபாஸ்கருக்கு வரும் 31ஆம் தேதி வரை என 15 நாட்கள் நீதிமன்ற காவல் விதிக்கப்பட்டு திருச்சி மத்தியச் சிறையில் அடைக்கப்பட்டுள்ளார். இதற்கிடையே பிரகாஷ் வாங்கல் காவல் நிலையத்தில் ஏற்கனவே  எம்.ஆர். விஜயபாஸ்கர் உள்ளிட்ட 13 பேர்  மீது அளித்த புகாரின் பேரில் கொலை முயற்சி, ஆள் கடத்தல் உள்ளிட்ட 7 சட்டப்பிரிவின் கீழ் வழக்குப் பதிவு செய்யப்பட்டிருந்தது. இந்நிலையில் இந்தப் புகாரின் பேரில் எம்.ஆர். விஜயபாஸ்கர் மீண்டும் கைது செய்யப்பட்டுள்ளார். இதையடுத்து எம்.ஆர். விஜயபாஸ்கரிடம் இத்தகவலை தெரிவிப்பதற்காக நீதிமன்றத்தில் வாங்கல் காவல் துறையினர் பெற உள்ளனர். 

Next Story

“இப்படி இருந்தா எப்படி ஓட்டுக்கேட்க முடியும்?” - கவுன்சிலரை லெஃப்ட் ரைட் வாங்கிய எம்.எல்.ஏ

Published on 18/07/2024 | Edited on 18/07/2024
MLA advised the councillors to do the panchayat work properly

வேலூர் மாவட்டம் அணைக்கட்டு சட்டமன்றத் தொகுதிக்கு உட்பட்ட பள்ளிகொண்ட அடுத்த வெட்டுவானம் பகுதியில் எம்.எல்.ஏ நந்தகுமார் இன்று (18.7.2024) திடீரென ஆய்வு மேற்கொண்டார். அப்போது அனைவருக்கும் குடிநீர் வழங்கும் அம்ரித் திட்டப் பணிகளில் தோண்டப்பட்ட குழிகளில் சரியான முறையில் ஒப்பந்ததாரர் சிமெண்ட் பேட்ச் ஒர்க் சரிவரச் செய்யாததால் பள்ளமாக இருந்தது.

உடனடியாக இதை அனைத்தையும் கொத்தி எடுத்து விட்டு மீண்டும் சிமெண்ட் சாலை தரமான முறையில் அமைக்க வேண்டும் எனவும் டிசம்பரில் உள்ளாட்சித் தேர்தல் நடைபெறவுள்ளது. அதற்குள் பணிகளை ஒழுங்காகச் செய்யவில்லை என்றால் மக்களிடம் ஓட்டு கேட்க முடியாது எனக் கவுன்சிலர்களைக் கடிந்து கொண்டார்.

தொடர்ந்து வெட்டுவானம் சென்னை பெங்களூர் தேசிய நெடுஞ்சாலையில் பொது மக்களின் நீண்ட நாள் கோரிக்கையான சுமார் 43 கோடி மதிப்பீட்டில் நடைபெற உள்ள மேம்பாலம் அமைக்கும் பணியினை நேரில் ஆய்வு செய்தார். பின்னர் பணிகளை விரைந்து முடித்து பொதுமக்கள் பயன்பாட்டிற்குத் தரவேண்டும் என அதிகாரிகள் இடத்தில் அறிவுரை வழங்கினார்.