Skip to main content

நாங்குநேரி நாற்காலி யாருக்கு? திங்கள் கிழமை இடைத்தேர்தல்!

Published on 20/10/2019 | Edited on 20/10/2019

 

பரபரவென்றிருக்கிறது நாங்குநேரித் தொகுதி. 2,51886 வாக்காளர்களைக் கொண்ட நாங்குநேரி தொகுதியின் வாக்காளர் வரிசையிலிருப்பவர்கள் இந்து நாடார், தாழ்த்தப்பட்ட சமூகத்தவர்கள் தேவர் பிரிவினர் யாதவர்கள், கிறிஸ்தவ நாடார், முஸ்லிம் மதத்தினர் என்று போகிறது.

ஏரியாவின் சமூக மக்களுக்கு ஏற்ப அதிமுகவும், காங்கிரசும் அதன் கூட்டணியான திமுக, மதிமுக, கம்யூனிஸ்ட் கட்சி, வி்சிக என கட்சியின் அந்தப் பிரதிநிதிகளின் தலைமையில் களப் பணியிலிருக்கிறார்கள். தொகுதி முன்னேற்றமின்மை, வேலைவாய்ப்பு, தொழில் வாய்ப்பின்றிருக்கும் நாங்குநேரியின் பிரச்சனைகளை எதிர்கொள்ள வேண்டிய கட்டாயத்திலிருக்கிறது. ஆளும் அ.தி.மு.க. அதனை எதிர்கொள்ள பல வியூகங்களை எடுத்து வருகிறது. அய்யா வழி பக்தர்களான இந்து நாடார் வாக்குகள் சாதகமாக இருக்கும் என்று நம்புகிறது இலைத்தரப்பு. ஆனால் அய்யாவழி பக்தர்கள் அனைத்தும் சமூகத்திலும் இருக்கிறார்கள். பல்வேறு மனநிலைப்பாட்டைக் கொண்டவர்கள். மேலும், மைனாரிட்டி சமூகத்தவர்களின் வாக்குகளை வளைக்க இலைத்தரப்பு அதனை வெளிப்படுத்தும் வகையில் பா.ஜ.க. வைப் புறக்கணிப்பதால், கோபத்திலிருக்கிறார் அண்டை மாவட்டத்தின் பா.ஜ.க.வின் எக்ஸ் அமைச்சர் பொன்னார் என்கிறார்கள். நாடார் சமூகத்தின் இளைஞர்களின் வாக்குகள் காங்கரசின் பக்கம் சாய்வதைத் தடுக்க, இலை ஆதரவில் களமிறக்கப்பட்டவர் பனங்காட்டுப் படையின் வேட்பாளர் ஹரி நாடார் ஆனால் அதில் ஏற்பட்ட பின்னடைவும் இலைக்கு வசமில்லையாம். காரணம் அந்த சமூகத்தின் முக்கியப் புள்ளியான சுபாஷ் பண்ணையாரை , காங்கிரஸ், தன் ஆதரவுப் பக்கம் கொண்டு வந்ததாகச் சொல்லப்படுகிறது. தொகுதியின் நூறுக்கும் மேற்பட்ட கிராமங்களிலிருக்கும் பருத்திக் கோட்டை நாட்டார் அமைப்பு பட்டியலின மக்களை இணைத்து தேவேந்திரகுல வேளாளர் என்று அரசாணை பிறப்பிக்க வேண்டும் என்று ஆளுந் தரப்பின் மீதான அதிருப்தியில் கருப்பு கொடி ஏற்றி தேர்தல் புறக்கணிப்பை அறிவித்திருக்கிறார்கள்.

இதே போன்ற இலைத் தரப்பின் பலவீனங்களை, தங்களுக்கான பலமாகத் திருப்பியிருக்கிறது காங்கிரஸ் கூட்டணியான தி்.மு.க.வும் துணை நிற்கும் கட்சிகளும் பக்கா பிளானுடன் ஸ்கெட்ச் போட்டு கூட்டணிக் கட்சியினரை உள்ளடக்கிய பல கமிட்டிகளை அமைத்து களப் பணியிலிருக்கிறார்கள். களப்பணிக்குச் செலவுகளுக்கு பணமில்லை என்ற பேச்சுக்கு வழி வைக்கவில்லை கைத் தரப்பு வேட்பாளர். எதிரணியின் அதிருப்தியாளர்களான கிப்ட்காரரின் தரப்புகளையும் அரவணைத்துக் கொண்ட காங்கிரசிற்கு மதசார்பற்ற மைனாரிட்டிப் பிரிவினர், இஸ்லாமியர் சமூகம், வி.சி.கட்சித் தரப்பினர் கம்யூனிஸ்ட் கட்சிகளின் ம.தி.மு.க. உள்ளிட்ட கட்சிகளின் வாக்குகள கை கொடுக்கின்றன. ஆனாலும் கரன்சியே பிரதான ஆயுதமாகத் தென்படுவதால், ஊசிக்கு ஊசி பாயுமா என்கிற நிலையில், கைத்தரப்பும், இலைத்தரப்பும் வாக்காளர் பட்டுவாடாவையும் நடத்தி முடித்துவிட்டது. நாற்காலி யாருக்கு என்ற பரபரப்பு இருதரப்பிலும் பற்றியிருக்கும் நேரத்தில் வைட்டமின் ”ப” போக்கை மாற்றலாம் என்பதே நிலை என்கிறார்கள்.

 

 

சார்ந்த செய்திகள்

 

Next Story

தொடங்கிய இடத்திலேயே 'பிக்பாக்கெட்'; சசிகலா கூட்டத்தில் அதிர்ச்சி

Published on 17/07/2024 | Edited on 17/07/2024
Pickpocket right where the tour starts; shocked the Sasikala crowd

அதிமுகவில் எடப்பாடி பழனிசாமி, ஓபிஎஸ், டி.டி.வி.தினகரன், சசிகலா எனப் பல தரப்புகளும் பிரிந்து கிடக்கும் நிலையில் அதிமுகவை ஒருங்கிணைக்க வேண்டும் என ஓபிஎஸ் தரப்பும், அதேபோல் சசிகலா தரப்பும் தொடர்ந்து குரல் எழுப்பி வருகிறது.

இந்நிலையில் அதிமுகவை ஒன்றிணைக்கும் முயற்சியாக இரண்டாவது முறையாக 'அம்மா வழியில் மக்கள் பயணம்' என்ற பெயரில் மீண்டும் சுற்றுப் பயணத்தை சசிகலா தொடங்கியுள்ளார். தென்காசி அடுத்த காசிமேசபுரத்தில் இருந்து சசிகலா தனது சுற்றுப்பயணத்தைத் தொடங்கியுள்ளார். இந்நிலையில் சுற்றுப் பயணம் தொடங்கிய இடத்திலேயே பொதுமக்கள் மற்றும் செய்தியாளர்கள் 5 பேரிடம் மர்மநபர் ஒருவர் பிக்பாக்கெட் அடித்த சம்பவத்தால் பரபரப்பு ஏற்பட்டுள்ளது.

திறந்தவெளி பிரச்சார வாகனத்தில் வந்த சசிகலாவுக்கு அவருடைய ஆதரவாளர்கள் வரவேற்பு அளித்தனர். பின்னர் பொதுமக்கள் மத்தியில் சசிகலா உரையாற்றினார். இதனால் அங்கு பொதுமக்கள் கூடியதோடு செய்தி நிறுவனங்களின் ஒளிப்பதிவாளர்கள் மற்றும் செய்தியாளர்கள் கூடியிருந்தனர். இந்நிலையில் செய்தியாளர்கள் மற்றும் மக்களிடமிருந்து மர்ம நபரால் பணம், நகை, பர்ஸ் ஆகியவை பிக்பாக்கெட் அடிக்கப்பட்டது அதிர்ச்சியை ஏற்படுத்தி இருக்கிறது. பிக்பாக்கெட்டில் ஈடுபட்ட மர்ம நபரை தொடர்ந்து போலீசார் தேடி வருகின்றனர்.

Next Story

ஜாஃபர் சாதிக் வழக்கு; துணை நடிகருக்கு இ.டி சம்மன்   

Published on 17/07/2024 | Edited on 17/07/2024
N

டெல்லியில் போதைப் பொருள் தடுப்பு காவல்துறை மற்றும் டெல்லி சிறப்பு காவல்துறை சார்பில் நடைபெற்ற சோதனையில் கடந்த பிப்ரவரி மாதம் 24 ஆம் தேதி 50 கிலோ ரசாயன வகை போதைப்பொருள் பறிமுதல் செய்யப்பட்டது. இந்தச் சம்பவத்தில் ஈடுபட்ட 3 பேரை போலீசார் கைது செய்திருந்தனர். அவர்களிடம் மேற்கொண்ட விசாரணையில், கடந்த 3 ஆண்டுகளில் 3 ஆயிரத்து 500 கிலோ போதைப் பொருட்கள் கடத்தப்பட்டுள்ளதாகவும் இதன் மொத்த மதிப்பு ரூ.2 ஆயிரம் கோடி எனவும் தெரிய வந்தது.

தொடர்ந்து அவர்களிடம் நடத்தப்பட்ட விசாரணையில், இந்தப் போதைப்பொருள் கடத்தலில் ஈடுபட்டது திரைப்படத் தயாரிப்பாளரும் தி.மு.கவின் சென்னை மேற்கு மாவட்ட அயலக அணி துணை அமைப்பாளராக இருந்த ஜாஃபர் சாதிக்தான் என்பது தெரியவந்தது. மேலும் கடத்தல் கும்பலுக்கு தலைவனாக ஜாஃபர் சாதிக் செயல்பட்டதும் உறுதியாகி கைது செய்யப்பட்டிருந்தார்.

இந்த வழக்கில் ஜாமீனில் வெளியே வந்த ஜாஃபர் சாதிக்கை சட்டவிரோத பணப் பரிமாற்ற தடை சட்ட வழக்கில் அமலாக்கத்துறை அதிகாரிகள் மீண்டும் கைது செய்து மூன்று நாட்கள் காவல் கஸ்டடியில் வைத்து விசாரணை செய்து வருகின்றனர். தொடர்ந்து ஜாஃபர் சாதிக்கின் பினாமி என்று கூறப்பட்ட ஆவடியைச் சேர்ந்த ஒருவர் வீட்டில் எட்டு மணி நேரமாக சோதனை நடைபெற்றது. இந்நிலையில் ஜாஃபர் சாதிக்கின் சகோதரரும், துணை நடிகருமான மைதீன் என்பவருக்கு அமலாக்கத்துறை சம்மன் அனுப்பியுள்ளது.

ஜாஃபர் சாதிக் தயாரித்து அமீர் இயக்கத்தில் உருவாகியுள்ள 'இறைவன் மிகப்பெரியவன்' படத்தில் மைதீன் துணை நடிகராக பணியாற்றியுள்ளது தெரிய வந்துள்ளது. நேற்று ஜாஃபர் சாதிக்கின் மனைவியிடம் விசாரணை நடத்தப்பட்ட நிலையில் இன்று ஜாஃபர் சாதிக்கின் சகோதரருக்கு சம்மன் அனுப்பியுள்ளது அமலாக்கத்துறை.