தற்போது அறிவியல் யுகத்தில் அனைத்து வசதிகளையும் ஆன்லைன் மூலமாகவே அனைத்தும் செய்து கொள்ளும் நிலையில் இருக்கிறோம். அதேபோல தமிழக அரசின் திட்டங்களை தமிழ்நாடு அரசின் இணையதளத்தில் உடனுக்குடன் பதிவேற்றுகிறோம் என்று சொல்லிக்கொண்டு இருக்கிறார்கள்.
நடந்து முடிந்த எம்.பி. தேர்தல் முடிவுகள் வெளியாகி இரண்டு மாதங்கள் ஆகிவிட்டன. தேர்ந்தெடுக்கப்பட்ட எம்.பி.களும் பாரளுமன்றத்தில் பதவி ஏற்று முதல் பட்ஜெட் கூட்டத்தொடரில் கலந்துகொண்டு தமிழகத்திற்கான பிரச்சனைகளை முழுவேகத்தோடு பேசிக்கொண்டு வருகிறார்.
குறிப்பாக ரயில்வேயில் இந்தி கட்டாயம் ஆக்கப்படும் என்கிற அறிவிப்பு மற்றும் தபால்துறையில் மாநில மொழிகளில் தேர்வு கிடையாது ஆகிய உத்தரவுகளை எதிர்த்து உடனடியாக பாரளுமன்றத்தில் குரல் கொடுத்து அந்த திட்டங்களை ரத்து செய்ய வைத்தனர் தங்கள் கடமைகளை ஆற்றிவருகிறார்கள்.
ஆனால் அவர்கள் பற்றிய குறிப்புகளை தமிழக அரசின் இணைதள பக்கத்தில் இன்னும் மாற்றம் செய்ய முடியமல் பழைய எம்.பிகளின் பட்டியலை வைத்திருக்கிறார்கள். 2019 மக்களவை உறுப்பினர்கள் பட்டியல் புதிப்பிக்கப்படவில்லை.ஏன் இன்னும் புதிய எம்பிக்கள் பட்டியல் வெளியிடவில்லை என கேள்வி எழுப்புகின்றனர்சமூக ஆர்வலர்கள்.
