Skip to main content

தீண்டாமைச் சுவர்? - மாவட்ட ஆட்சியர் நடவடிக்கை

Published on 10/02/2024 | Edited on 10/02/2024
A wall of untouchability? in tiruppur and Action by the District Collector

திருப்பூர் மாவட்டம், அவினாசி அருகே தேவூர் கைகாட்டி புதூர் பகுதியை அடுத்த தேவேந்திரன் நகரில் பட்டியலின மக்கள் வசிக்கின்றனர். இந்த நகருக்கு அருகே வி.ஐ.பி கார்டன் பகுதியில் வேறு ஒரு சமூகத்தினர் வசித்து வருகின்றனர்.

தேவேந்திரன் நகரில் வசிக்கும் மக்கள், ரேஷன் கடை, இ-சேவை மையம், பள்ளி மற்றும் மற்ற தேவைகளுக்கு வி.ஐ.பி நகர் வழியே தான் செல்ல முடியும். ஆனால், தேவேந்திரன் நகரில் வாழும் மக்கள் அத்தியாவசிய தேவைக்காக அந்த வழியே செல்ல முடியாத வகையில் வி.ஐ.பி நகர் பகுதியில் திண்டாமை சுவர் எனப்படும் சுவர் எழுப்பி இருந்ததாக கூறப்படுகிறது. 

மேலும், இந்த சுவர் 20 ஆண்டுகளுக்கு முன்பாக கட்டப்பட்டது என்று கூறப்படுகிறது. இதனால், அப்பகுதியில் வாழும் மக்கள் அரசு சாலையை பயன்படுத்த முடியாமல் அதிக தொலைவு நடக்க வேண்டிய நிலைக்கு தள்ளப்பட்டனர்.

இதனைத் தொடர்ந்து, தீண்டாமை சுவர் எனப்படும் இந்த சுவரை இடித்து வழி ஏற்படுத்த வேண்டும் என தேவேந்திரன் நகர் மக்கள் அரசு அதிகாரிகளிடம் பல நாட்களாக மனு அளித்து இருந்தனர். ஆனால், இந்த விவகாரம் தொடர்பாக எந்தவித நடவடிக்கையும் எடுக்கப்படவில்லை என்று கூறப்படுகிறது. இந்த நிலையில், திமுகவின் தேர்தல் அறிக்கை குழு தயாரிப்பு குழு கூட்டத்திற்காக திருப்பூர் மாவட்டத்திற்கு வந்த கனிமொழி எம்.பியிடம் தேவேந்திரன் நகரில் வாழும் பெண்கள் சந்தித்து புகார் மனு அளித்தனர். இதனையடுத்து, மாவட்ட ஆட்சியரின் ஆணைப்படி இந்த சுவரின் ஒரு பகுதியை இடித்து அகற்றப்பட்டுள்ளது. 

சார்ந்த செய்திகள்

 

Next Story

ஆன்லைனில் கடன் தருவதாகக் கூறி மோசடி; 6 வயது சிறுமிக்கு நேர்ந்த சோகம்!

Published on 31/05/2024 | Edited on 31/05/2024
Online loan Tragedy happened to a 6-year-old girl

திருப்பூர் மாவட்டம் பல்லடம் அருகே உள்ள ஆறாக்குளம் என்ற கிராமத்தில் ராஜு என்பவர் வசித்து வந்துள்ளார். நூல் மில் ஒன்றில் பணியாற்றி வரும் இவருக்கு விஜி என்ற மனைவியும் 6 வயதில் மகள் ஒருவரும் இருந்துள்ளனர். இத்தகைய சூழலில்தான் கடந்த ஒரு வாரத்திற்கு முன்பு சமூக வலைத்தளத்தில் ஆன்லைன் செயலி மூலம் கடன் கொடுக்கப்படும் என்ற விளம்பரத்தை பார்த்துள்ளார். இதனை நம்பி ராஜு அந்தக் கடன் கொடுப்பதாகக் கூறப்பட்ட நபர்களைத் தொடர்பு கொண்டுள்ளார்.

அப்போது இரண்டு லட்ச ரூபாய் கடன் வேண்டும் என்று ராஜூ கூறியுள்ளார். அதற்கு எதிர் முனையில் இருந்தவர்கள் இணையத்தில் சேவை கட்டணமாக 40 ஆயிரம் ரூபாய் செலுத்த கூறியிருக்கிறார்கள். அதனை நம்பி ராஜீவும் 40 ஆயிரம் ரூபாயை தன் நண்பர்களிடன் கடனாக பெற்று செலுத்தியுள்ளார். ஆனால் அவருக்கு கடன் தருவதாக உறுதி அளித்தபடி 2 லட்சம் ரூபாய் ஆன்லைன் செயலியில் கூறியவர்கள் கொடுக்கவில்லை என்று கூறப்படுகிறது. 

Online loan Tragedy happened to a 6-year-old girl

இதனையடுத்து நேற்று (30.05.2024) இரவு ராஜீவ் தனது குடும்பத்தினருடன் பல்லடம் பேருந்து நிலையத்தில் இருந்துள்ளார். அப்போது அவரது 6 வயது குழந்தை வாந்தி எடுத்துள்ளது. அதே சமயத்தில் அவரின் பெற்றோருக்கும் மயக்கம் ஏற்பட்டுள்ளதாக சொல்லப்படுகிறது. இதனைக் கவனித்த அக்கம்பக்கத்தினர் 3 பேரையும் பல்லடம் அரசு மருத்துவமனைக்கு சிகிச்சைக்காக கொண்டுசென்றனர். அப்போது மூவரும் எலி மருந்தை உண்டு தற்கொலைக்கு முயன்றது தெரியவந்தது. இதனையடுத்து அவர்கள் மூவரும், மேல் சிகிச்சைக்காக திருப்பூர் அரசு மருத்துவக் கல்லூரி மருத்துவமனையில் அனுமதிக்கபட்டனர்.

இந்நிலையில் இன்று (31.05.2024) காலை 6 வயது சிறுமி சிகிச்சை பலனின்றி உயிரிழந்தார். அதே சமயம் ராஜு மற்றும் அவரது மனைவி விஜி அகிய இருவருக்கும் தொடர்ந்து தீவிர சிகிச்சை அளிக்கப்பட்டு வருகிறது. காவல்துறையினர் இது குறித்து தீவிர விசாரணை மேற்கொண்டு வருகின்றனர். போலீசாரின் முதற்கட்ட விசாரணையில் ஆன்லைனில் கடன் தருவதாகக்கூறி ஏமாற்றியதால் குடும்பத்துடன் தற்கொலை முயற்சி செய்ததது தெரியவந்துள்ளது. இந்தச் சம்பவத்தில் 6 வயது சிறுமி உயிரிழந்தது திருப்பூரில் பெரும் பரபரப்பை ஏற்படுத்தியுள்ளது. 

Online loan Tragedy happened to a 6-year-old girl

மேலும் போலீசாரின் தொடர் விசாரணையில் சமூக வலைத்தளம் மூலம் தொடர்பு கொண்ட நபர் கடன் தராததால் ராஜீவ் மன உளைச்சல் ஆகியுள்ளார். அதே சமயம் கடன் வாங்க முன்பணமாக கடன் கொடுத்த நண்பர்களும் ரூ.40 ஆயிரத்தைக் கேட்டதால் வேறு வழியின்றி குடும்பத்தோடு ராஜீவ் தற்கொலைக்கு முயற்சி செய்துள்ளார் எனத் தெரியவந்துள்ளது. 

Next Story

போக்சோ வழக்கில் கைதான சிறுவன் எடுத்த விபரீத முடிவு!

Published on 14/05/2024 | Edited on 14/05/2024
The tragic decision taken by the boy arrested in the POCSO case

திருப்பூர் மாவட்டம் உடுமலைப் பேட்டை அருகே உள்ள ஒரு கிராமத்தில் 17 வயது சிறுமி ஒருவர் தனது தாத்தா மற்றும் பாட்டியுடன் வசித்து வந்துள்ளார். இத்தகைய சூழலில் தான் சிறுமியின் உடல் நிலையில் மாற்றம் எற்பட்டுள்ளது. இதனையடுத்து சிறுமியை அருகில் உள்ள் மருத்துவமனைக்கு அழைத்துச் சென்று பரிசோதனை மேற்கொள்ளப்பட்டது. அப்போது சிறுமி 4 மாதம் கருவுற்று இருப்பது தெரியவந்தது. இது குறித்து தகவல் அறிந்த சிறுமியின் உறவினர்கள் சிறுமிடம் விசாரித்துள்ளனர். அப்போது 3 சிறுவர்கள் உட்பட 9 பேர் தன்னை கூட்டு பாலியல் வன்கொடுமை செய்ததாக பகீர் தகவலை தெரிவித்தார்.

இதனைக் கேட்டு அதிர்ச்சியடைந்த சிறுமியின் உறவினர்கள் இந்த சம்பவம் குறித்து உடுமலைப்பேட்டை அனைத்து மகளிர் காவல் நிலையத்தில் புகார் அளித்தனர். இந்த புகாரின் பேரில் போலீசார் வழக்குப்பதிவு செய்து தீவிர விசாரணை மேற்கொண்டனர். அதன் பின்னர் இந்த சம்பவத்தில் தொடர்புடைய 3 சிறுவர்கள் உட்பட ஜெய காளீஸ்வரன் (வயது 19), மதன்குமார் (வயது 19), பரணி குமார் (வயது 21), பிரகாஷ் (வயது 24), நந்தகோபால் (வயது 19) மற்றும் பவா பாரதி (வயது 22) என 9 பேர் போக்சோ சட்டத்தின் கீழ் கைது செய்யப்பட்டனர். அதில் 6 பேர் சிறையில் அடைக்கப்பட்டனர். 3 சிறுவர்கள் கூர்நோக்கு இல்லத்தில் சேர்க்கப்பட்டனர். கூர்நோக்கு இல்லத்தில் அடைக்கப்பட்ட 3 சிறுவர்களின் வயதுகள் முறையே 14, 15 மற்றும் 16 என்பது குறிப்பிடத்தக்கது. இந்த கொடூர சம்பவம் மக்கள் மத்தியில் அதிர்ச்சியை ஏற்படுத்தி இருந்தது. 

The tragic decision taken by the boy arrested in the POCSO case

இந்த பாலியல் வன்கொடுமை சம்பவம் கடந்த ஜனவரி மாதம் முதல் நடந்துவந்துள்ளதாகவும் கூறப்படுகிறது. இதனையடுத்து 17 வயது சிறுமி கூட்டுப் பாலியல் வன்கொடுமைக்கு உள்ளாக்கிய சிறுவர்கள் உள்ளிட்ட கைது செய்யப்பட்ட நபர்கள் மேலும் ஒரு சிறுமியை பாலியல் வன்கொடுமைக்கு உள்ளாக்கியது தெரியவந்தது. இந்தச் சம்பவம் குறித்து பாதிக்கப்பட்ட சிறுமியிடம் விசாரிக்கப்பட்டதில் 13 வயதுடைய மற்றொரு சிறுமியும் பாலியல் வன்கொடுமைக்கு உள்ளாக்கப்பட்டது தெரியவந்தது குறிப்பிடத்தக்கது. இந்நிலையில் சிறுமியை கூட்டு பாலியல் வன்கொடுமை செய்த வழக்கில் கைதான சிறுவன் ஒருவன் தற்கொலைக்கு முயன்றுள்ளார். கோவை சிறுவர்கள் கூர்நோக்கு இல்லத்தில் சோப் ஆயில் குடித்து தற்கொலைக்கு முயன்றதாக தகவல் வெளியாகியுள்ளது.