Skip to main content

கர்ப்பமானதால் நடத்தப்பட்ட குழந்தைத் திருமணம்! -கணவன் மீது பாய்ந்தது போக்சோ சட்டம்!

Published on 30/12/2020 | Edited on 30/12/2020

 

viruthunagar district, aruppukottai womens police station


 
விருதுநகர் மாவட்டம், அருப்புக்கோட்டை – மடத்துப்பட்டியைச் சேர்ந்த சின்னராசுவும், சித்ராவும் (பெயர் மாற்றப்பட்டுள்ளது) காதலித்தபடியே பழகினார்கள். சித்ரா கர்ப்பமானாள். சின்னராசு ‘சொந்தம்’ என்பதால், உறவினர்கள் கலந்துபேசி, இருவருக்கும் மணம் முடித்து வைத்தனர்.

 

கர்ப்பமான சித்ராவை, பிரசவத்துக்காக அருப்புக்கோட்டை அரசு மருத்துவனையில் சேர்த்தனர். அதனைத் தொடர்ந்து, அந்த மருத்துவமனை அளித்த புகாரின் பேரில், அருப்புக்கோட்டை அனைத்து மகளிர் காவல்நிலைய போலீசாரால் சின்னராசு கைது செய்யப்பட்டு, விசாரணைக்கு ஆளாகியிருக்கிறார். ‘அதுதான் கணவன்- மனைவி உறவாகிவிட்டதே! பிறகு எதற்காக சின்னராசு மீது கைது நடவடிக்கை?’என்று கேட்டால், சித்ரா 14 வயது சிறுமி என்பதே,   காவல்துறையின் பதிலாக இருக்கிறது. 

 

16 வயதுக்கும் குறைவான சிறுமியுடன், அவரது அனுமதி பெற்று உறவு கொண்டாலும், அனுமதி பெறாமல் உறவு கொண்டாலும், அதுவும் பாலியல் வன்கொடுமை எனச் சொல்கிறது சட்டம். ‘18 வயதுக்குக் கீழ் உள்ள சிறுமியைத் திருமணம் செய்து பாலுறவு கொண்டால், அதுவும் பாலியல் வன்கொடுமையே’என்று தீர்ப்பளித்துள்ளது, உச்சநீதிமன்றம். அருப்புக்கோட்டை, மடத்துப்பட்டி சித்ராவோ, 14 வயதில் பிரசவத்துக்காக அனுமதிக்கப்பட்டிருக்கிறாள். அதற்கு முன்பாகவே, அவளுடன் ‘உறவு’ வைத்திருந்தார், சின்னராசு. இருவருக்கும் உறவினர்கள் நடத்தி வைத்ததோ, குழந்தைத் திருமணம். சின்னராசு மீது பாய்ந்திருக்கிறது, போக்சோ சட்டம்!

 

சார்ந்த செய்திகள்

Next Story

சாத்தூர் பட்டாசு ஆலை விபத்து; ஒருவர் கைது!

Published on 18/02/2024 | Edited on 18/02/2024
sattur Fireworks Factory incident One person involved

விருதுநகர் அருகே உள்ள முத்துசாமிபுரத்தில் விஜய் என்பவருக்குச் சொந்தமான பட்டாசு ஆலை இயங்கி வந்துள்ளது. இந்த ஆலையில் நேற்று (17.02.2024) வழக்கம் போல பட்டாசு ஆலையில் பணிகள் நடந்து வந்தன. இத்தகைய சூழலில் மதியம் 12 மணியளவில் திடீரென பட்டாசு ஆலையில் வெடி விபத்து ஏற்பட்டது. விபத்து நிகழ்ந்த சமயம் சுமார் 30 பேர் அங்கு பணியாற்றியதாகக் கூறப்பட்டது. இந்த விபத்தில் 10 பேர் உயிரிழந்துள்ளதாகவும், அதில் 7 பேரின் உடல் அடையாளம் காணப்பட்டதாகவும், பலர் படுகாயம் அடைந்துள்ளதாகவும் தெரிவிக்கப்பட்டது. தகவலின் பேரில் சம்பவ இடத்திற்கு வந்த மீட்புப் படையினர் தீயை அணைத்து மீட்பு நடவடிக்கையில் ஈடுபட்டனர். பட்டாசுக்கு மருந்து கலக்கும்போது ஏற்பட்ட உராய்வின் மூலம் இந்த விபத்து நடந்திருக்கலாம் என்று முதற்கட்ட விசாரணையில் தெரியவந்தது.

இதனையடுத்து உயிரிழந்தவர்களின் குடும்பத்திற்குத் தமிழக முதல்வர் மு.க. ஸ்டாலின் ஆறுதல் தெரிவித்து உயிரிழந்தவர்களின் குடும்பத்தினருக்குத் தலா ரூ. 10 லட்சம் என்றும் படுகாயமடைந்தவர்களின் குடும்பத்திற்கு ரூ. 1 லட்சம் நிவாரணம் வழங்க உத்தரவிட்டிருந்தார். மேலும் இந்த விபத்தில் உயிரிழந்த 10 பேரின் குடும்பத்துக்கு பிரதமர் மோடி நிவாரணம் அறிவித்துள்ளார். அதன்படி இந்த விபத்தில் உயிரிழந்த குடும்பத்துக்கு தலா ரூ.2 லட்சம், காயமடைந்தவர்களுக்கு தலா ரூ.50 ஆயிரம் பிரதமர் நிதியில் இருந்து நிவாரணம் வழங்கப்படும் என்று அறிவித்திருந்தார்.

இந்நிலையில் வெடிவிபத்து சம்பவம் தொடர்பாக பட்டாசு ஆலை உரிமையாளர் விக்னேஷ், மேலாளர் ஜெயபால் மற்றும் போர்மேன் சுரேஷ்குமார் ஆகியோர் மீது 4 பிரிவுகளின் கீழ் வழக்குப்பதிவு செய்யப்பட்டு போலீசார் தீவிர விசாரணை நடத்தி வந்தனர். இதனையடுத்து பட்டாசு ஆலையின் போர்மேன் சுரேஷ்குமார் கைது செய்யப்பட்டுள்ளார். மேலும் தலைமறைவாக உள்ள விக்னேஷ், ஜெயபால் ஆகிய இருவரையும் போலீசார் வலைவீசி தீவிரமாகத் தேடி வருகின்றனர். 

Next Story

‘3 மாவட்டங்களில் மழைக்கு வாய்ப்பு’ - வானிலை ஆய்வு மையம் தகவல்

Published on 01/02/2024 | Edited on 01/02/2024
'Chance of rain in 3 districts' - Meteorological Department information

வடகிழக்கு பருவமழையின் தொடர்ச்சியாக தமிழ்நாடு, கேரளா, புதுச்சேரி ஆகிய மாநிலங்களில் சில பகுதிகளில் அவ்வப்போது மழை பொழிந்து வருகிறது. அதன்படி தமிழகத்தில் 3 மாவட்டங்களில் மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது.

இது குறித்து சென்னை வானிலை ஆய்வு மையம் வெளியிட்டுள்ள அறிவிப்பில், “தமிழகத்தின் தென் மாவட்டங்களான மதுரை, விருதுநகர் மற்றும் தென்காசி ஆகிய 3 மாவட்டங்களில் அடுத்த 3 மணி நேரத்தில் அதாவது காலை 10 மணி வரை லேசானது முதல் மிதமான, இடியுடன் கூடிய மழை பெய்ய வாய்ப்பு உள்ளது” எனத் தெரிவிக்கப்பட்டுள்ளது.

இந்நிலையில், விருதுநகர் மாவட்டம் ராஜபாளையம் மற்றும் அதன் சுற்றுவட்டாரப் பகுதிகளில் இடி மற்றும் மின்னலுடன் கூடிய கனமழையும், தூத்துக்குடியின் மாநகர பகுதிகளில் சாரல் மழையும் பெய்து வருகிறது. பிப்ரவரி மாதத்தில் பெய்யும் பருவம் தவறிய மழையால் தூத்துக்குடியில் உப்பள தொழில்களை பாதித்துள்ளது குறிப்பிடத்தக்கது.