Skip to main content

பிரியமான பிள்ளையார்! -குழந்தைகள் குதூகலம்!

Published on 10/09/2021 | Edited on 10/09/2021

 

vinayagar chadhurti-Children are excited!

 

இன்று தேசம் முழுவதும் விநாயகர் சதுர்த்தி கொண்டாடப்பட்டு வருகிறது. கரோனா பரவலைத் தடுக்கும் விதத்தில், இவ்விழாவைக் கொண்டாட, தமிழக அரசு சில கட்டுப்பாடுகளை விதித்துள்ளது. அதனால், பொது இடங்களில் சதுர்த்தி விழா கொண்டாடுவதற்கும், சிலைகளை வைத்து வழிபடுவதற்கும், சிலைகளை ஊர்வலமாக எடுத்துச் செல்வதற்கும் அனுமதி இல்லை. அதேநேரத்தில், அவரவர் வீடுகளில் விநாயகர் சிலைகளை வைத்து வழிபடுவதற்கோ, அருகிலுள்ள நீர்நிலைகளில், தனிநபராகச் சென்று சிலையைக் கரைப்பதற்கோ தடையில்லை.

 

உயர்நீதிமன்றமும்கூட, பொது இடங்களில் விநாயகர் சிலைகளை வைத்து வழிபட அனுமதிக்கக்கோரிய வழக்கை தள்ளுபடி செய்துள்ளது. இந்நிலையில், மதுரை மாநகராட்சி பூங்கா ஒன்றில் நடைப்பயிற்சி மேற்கொள்ளும் பொதுமக்களுக்கு திருநீறு வழங்கி, காணிக்கையும் பெற்றார்கள் சிறுவர்கள் சிலர். மிகச்சிறு அளவிலான விநாயகர் சிலையை, திறந்த அட்டைப்பெட்டியில் வைத்து, நான்கு பக்கமும் கம்பைப் பிடித்தவாறு, ஒவ்வொரு இடமாகச் சுமந்து சென்றனர். பூங்காவில் பாதுகாப்புக்காக நின்ற போலீசாருக்கும் சிறுவர்கள் திருநீறு வழங்க, ஷூவைக் கழற்றி வைத்துவிட்டு, பிள்ளையார் சிலையை வணங்கி, நெற்றியில் பூசிக்கொண்டனர்.  

 

vinayagar chadhurti-Children are excited!

 

அரசியலுக்கெல்லாம் அப்பாற்பட்டு, விநாயகர் சதுர்த்தியை சிறுவர்கள் கொண்டாடிய வேளையில், 9-ஆம் வகுப்பு மாணவனான அசோக்குமாரிடம் ‘காணிக்கையெல்லாம் வாங்குகின்றீர்களே?’ என்று பேச்சு கொடுத்தோம். “பிள்ளையாரை எங்களுக்கு ரொம்ப பிடிக்கும். முக்குல இருக்கிற பிள்ளையாரை கும்பிட்டுட்டுத்தான் ஸ்கூலுக்கே போவேன். காலைல இருந்து நாங்க அஞ்சு பேரும் நடையா நடக்கோம். காணிக்கையை பிரிச்சு எங்க செலவுக்கு வச்சுக்குவோம்.” என்று கள்ளம்கபடம் இல்லாமல் சொன்னான்.

 

அனைத்துச் சாதியினரும் அர்ச்சகராக முடியும் என்ற சட்டத்திற்கும், உழைப்புக்கேற்ற கூலி என்பது தனிமனிதனின் உரிமை என்பதற்கும், அச்சிறுவர்கள் செயல் வடிவம் தந்தது, பளிச்சென்று தெரிந்தது. அதற்காக, அவர்களை குழந்தைத் தொழிலாளர்கள் என்றெல்லாம் கொச்சைப்படுத்திவிட முடியாது. இது அவர்களின் கொண்டாட்டம்.. அவ்வளவுதான்!

 

vinayagar chadhurti-Children are excited!


‘என்ன சார்? இந்தச் சிறுவர்களின் பக்தியை எப்படி பார்க்கின்றீர்கள்?’ என்று திருநீறு பூசிய போலீஸ்காரரிடம் கேட்டோம். தன்னுடைய பெயர் அடையாளத்தைக் காட்டிக்கொள்ள விரும்பாத அவர் “எனக்கு பிள்ளையாரையும் பிடிக்கும்; அல்லா, ஏசு, புத்தர்ன்னு எல்லா சாமியவும் பிடிக்கும். பாண்டிமுனியவும் பிடிக்கும். நான் போட்ருக்க காக்கிச்சட்டையும் எனக்கு சாமிதான். தினமும் தொட்டுக் கும்பிட்டுத்தான் யூனிபார்மை போடுவேன். எதுக்குங்க யாரையும் வெறுக்கணும்? என்னை ஒருத்தன் வெறுத்தாலும் அவனை நான் விரும்புவேன். ஏன்னா.. எங்களப் பொறுத்தமட்டிலும் ஒவ்வொருத்தரும் பப்ளிக். அவங்கள பாதுகாக்கிறதுதான் எங்க வேலையே. எல்லாரும் எல்லாரையும் விரும்புற காலம் ஒண்ணு இருந்துச்சு. அது திரும்பவும் வரும்.” என்றார் நம்பிக்கையுடன்.

 

மதச்சார்பற்ற நாடு என்பதும், வேற்றுமையில் ஒற்றுமை காண்பதும், இந்திய தேசத்தின் பலம்! 

 

 

 

 

 

சார்ந்த செய்திகள்

Next Story

மத்திய அமைச்சர் அமித் ஷா தமிழகம் வருகை!

Published on 28/03/2024 | Edited on 28/03/2024
Union Minister Amit Shah visits Tamil Nadu

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

அதே சமயம் தேர்தலுக்கான வேட்புமனு தாக்கல் நேற்று (27.03.2024) முடிவடைந்தது. அந்த வகையில் 39 மக்களவை தொகுதிகளுக்கு 1749 வேட்பு மனுக்கள் பெறப்பட்டன. அதிகபட்சமாக கரூர் தொகுதியில் 62 வேட்பாளர்கள் வேட்பு மனுவைத் தாக்கல் செய்திருந்தனர். அதனைத் தொடர்ந்து இன்று (28.03.2024) வேட்புமனு பரிசீலனை நடைபெற்றது. அதாவது 39 மக்களவைத் தொகுதிகளில் தாக்கலான வேட்புமனுக்கள் மீதான பரிசீலனை நிறைவடைந்துள்ளது. வேட்புமனுக்களை திருப்பப் பெற மார்ச் 30 ஆம் தேதி கடைசி நாள் ஆகும்.

இந்நிலையில் மக்களவைத் தேர்தல் பரப்புரைக்காக ஏப்ரல் 4 ஆம் தேதி மத்திய உள்துறை அமைச்சர் அமித் ஷா தமிழகம் வருகிறார். அதன்படி ஏப்ரல் 4 ஆம் தேதி மதுரை மற்றும் சிவகங்கை மக்களவைத் தொகுதிகளில் தேர்தல் பரப்புரை மேற்கொள்கிறார். அதனைத் தோடர்ந்து ஏப்ரல் 5 ஆம் தேதி சென்னையில் அமித் ஷா பிரச்சாரம் மேற்கொள்ள உள்ளார். 

Next Story

“ஜெயிச்ச கையோட வேற கட்சிக்கு போயிடாதீங்க...” - செல்லூர் ராஜு கிண்டல்

Published on 28/03/2024 | Edited on 28/03/2024
'Don't go to another party after winning'- Sellur Raju teased

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

அரசியல் கட்சிகள் சார்பில் தேர்தல் பிரச்சாரங்கள் மற்றும் வேட்பாளர்கள் அறிமுகம் நடைபெற்று வரும் நிலையில், மதுரையில் அதிமுக வேட்பாளராக நிறுத்தப்பட்டுள்ள மருத்துவர் சரவணனை ஆதரித்து  மதுரை ஜெய்ஹிந்த் புரத்தில் முன்னாள் அமைச்சர் செல்லூர் ராஜு பிரச்சாரம் மேற்கொண்டார். இந்த கூட்டத்தில் அமைச்சர் செல்லூர் ராஜு பேசிக்கொண்டிருந்தபோது வேட்பாளர் சரவணன் கைகூப்பியபடி சிரித்தார். அதைப் பார்த்த செல்லூர் ராஜு,  'வலிக்கிற மாதிரி ஊசி போட்டுடாதீங்க. வலிக்காமல் ஊசி போடுங்க. தலைமை சொல்லிவிட்டால் அந்த கட்டளை தான் எல்லாமே. வேறு எதுவும் கிடையாது. இது சாமி என்றால் சாமி. சாமி இல்லை இது சாணி என்றால் சாணி. நம்மைப் பொறுத்தவரை மதித்தால் மதிப்பு, மரியாதை கிடைக்கும். மரியாதை கொடுக்கவில்லை என்றால் மிதிப்போம்' எனப் பேசியவர், வேட்பாளர் சரவணன் பல்வேறு கட்சிகளுக்கு சென்று வந்தவர் எனக் குறிப்பிட்டு பேசியதோடு 'ஜெயித்த பிறகு வேறு கட்சிக்கு போய் விடக்கூடாது' என கிண்டலாகப் பேசினார்.