Breaking

“வழக்கைப் பார்த்துக்கொள்ளலாம் மீன் கிடைத்ததே பெரிய சந்தோஷம்”- கலைந்து சென்ற கிராம மக்கள்!

Photographer

Published on 16/09/2021 | Edited on 16/09/2021

the villagers who dispersed with murmurs

கள்ளக்குறிச்சி மாவட்டம் சூளாங்குறிச்சி கிராமத்தின் அருகே மணிமுத்தாறு அணை உள்ளது. பொதுப்பணித்துறைக்குச் சொந்தமான இந்த அணைப் பகுதியில் மீன் வளர்ப்பதற்கு ஏலம் விடப்பட்டு 40 லட்சம் மதிப்பில் ஏலம் எடுத்து மீன் வளர்த்து வந்தனர். இந்த ஆண்டுக்காக அணையிலிருந்து பாசனத்துக்குத் தண்ணீர் விடப்பட்டு அறுவடைக் காலம் முடிந்த நிலையில் அதேபோல் மீன் வளர்ப்புக் குத்தகை காலம் முடிந்து அதன் அறுவடைக் காலமும் வந்தது.

டேமை மீன் குத்தகைக்கு எடுத்தவர்கள் கடைசி நேரம் என்பதால் பொதுமக்களை மீன்பிடிக்க அனுமதித்துள்ளனர். இதை அறிந்த அப்பகுதியைச் சேர்ந்த சூளாங்குறிச்சி, அகரக்கோட்டாலம், வாணியேந்தல், ரங்கநாதபுரம், பழைய சிறுவங்கூர், ஆலத்தூர், பாலப்பட்டி அணைக்கரை உட்பட 20க்கும் மேற்பட்ட கிராம மக்கள் திரண்டு வந்து சூளாங்குறிச்சி டேம் பகுதியில் மீன்பிடி திருவிழா நடத்தினர். இதில் கொடுமை என்னவென்றால் சமூக இடைவெளி எதுவும் இல்லாமல் ஆயிரத்திற்கும் மேற்பட்டவர்கள் ஒரே நேரத்தில் கூட்டமாகத் திரண்டு டேமுக்குள் இறங்கி மீன்பிடித்தனர். இதுகுறித்து தகவல் அறிந்த தியாகதுருகம் போலீஸ் சப் இன்ஸ்பெக்டர் குணசேகரன் தலைமையிலான போலீசார் அப்பகுதிக்கு விரைந்து வந்தனர். மீன்பிடிக்க இறங்கிய மக்கள் சேறும் சகதியுமாக உள்ள தண்ணீரில் மூழ்கிச் சிக்கி விபரீதம் ஏதும் நிகழாத வண்ணம் அனைவரையும் கலைந்து செல்லுமாறு எச்சரித்தனர்.

இதையெல்லாம் பொருட்படுத்தாமல் கிராம மக்கள் தொடர்ந்து மீன் பிடிக்கும் பணியில் தீவிரமாக ஈடுபட்டு வந்தனர். டேம் பகுதியில் விரால் மீன், கெண்டை மீன், ஜிலேபி என ஏராளமான மீன்கள் மக்களுக்குக் கிடைத்தன. அந்த ஆர்வத்தில் போலீசார் எச்சரிக்கையும் மீறி சுமார் 3000 கிலோ அளவிற்கு மீன்களை பொது மக்கள் ஆர்வமாகப் பிடித்துச் சென்றனர். செய்வதறியாது திகைத்த போலீசார் அனுமதியின்றி கூட்டத்தைக் கூட்டியதாக அப்பகுதி கிராம நிர்வாக அலுவலர் தியாகதுருகம் போலீசில் புகார் அளித்தார். அதையடுத்து சங்கராபுரம் மீனவர் சங்கத் தலைவர் மணி, அகரக்கோட்டாலம் கிராமத்தைச் சேர்ந்த பிச்சை, முருகன், ரோடு மாமந்தூர் பாண்டியன், ரங்கநாதன், அந்தோணி, உட்பட, சுமார் 15-க்கும் மேற்பட்டவர்கள் மீது போலீசார் வழக்குப்பதிவு செய்துள்ளனர். போலீஸ் போட்ட வழக்கைப் பார்த்துக்கொள்ளலாம் மீன் கிடைத்ததே பெரிய சந்தோஷம் என்று கூறிய படி மக்கள் கலைந்து சென்றனர்.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 20/04/2024 | Edited on 20/04/2024

Bus window breaking in drunkenness; Police investigation

உளுந்தூர்பேட்டை அருகே மது போதையில் சாலையில் சென்று கொண்டிருந்த அரசு பேருந்தின் கண்ணாடியை இரண்டு இளைஞர்கள் உடைத்த சம்பவம் பெரும் பரபரப்பை ஏற்படுத்தி இருக்கிறது.

கள்ளக்குறிச்சி மாவட்டம் உளுந்தூர்பேட்டை அருகே உள்ள ஒலையனூர், குணமங்கலம் ஆகிய கிராமங்களைச் சேர்ந்த இரண்டு இளைஞர்கள் உளுந்தூர்பேட்டை சாலையில் இரு சக்கர வாகனத்தில் சென்றுள்ளனர். அப்போது வாகனத்தில் யார் முந்தி செல்வது என்பதில் போட்டி ஏற்பட்டுள்ளது. மது போதையில் இருந்த இரண்டு இளைஞர்களும் ஒருவரை ஒருவர் முந்திக்கொண்டு சென்றனர். அப்போது அவர்கள் இருவரும் ஒலையனூர் பேருந்து நிலையம் அருகே சென்ற போது, போதை ஆசாமி இருவருக்கும் வாக்கு வாதம் முற்றியுள்ளது. இதனால் இளைஞர்கள் இருவரும் மோதிக்கொண்டுள்ளனர். அப்போது அந்த வழியாக வந்த எஸ்சிடிசி பேருந்தை தடுத்து நிறுத்திவிட்டு மோதலில் ஈடுபட்டனர்.

இதனால் ஆத்திரமடைந்த பேருந்து ஓட்டுனர் அந்தப் பேருந்தை அங்கிருந்து எடுத்துச் செல்ல முயன்றுள்ளார். உடனே அந்தப் போதை ஆசாமிகள் இருவரும் அங்கிருந்த கற்களை எடுத்து பேருந்தின் முன் கண்ணாடியை உடைத்தனர். மேலும் அவர்களுக்குள் சரமாரியாக தாக்கி கொண்டனர். இதில் மூன்று இளைஞர்களுக்கு காயம் ஏற்பட்டுள்ளது. கோயம்புத்தூரில் இருந்து 40க்கும் மேற்பட்ட பயணிகளை ஏற்றி வந்த அந்தப் பேருந்து கண்ணாடி உடைக்கப்பட்டதால் பேருந்து அங்கேயே நிறுத்தப்பட்டது.

இது தொடர்பாக குணமங்கலம், ஒலையனூர் பகுதிகளில் போலீசார் விசாரணை மேற்கொண்டு வருகின்றனர். மது போதையில் சாலையில் சென்ற பேருந்தை வழிமறித்து கண்ணாடியை உடைத்த சம்பவம் அங்கு பெரும் பரபரப்பை ஏற்படுத்தியுள்ளது.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 19/04/2024 | Edited on 19/04/2024

'Which district was the first?'- the information released by the Chief Electoral Officer

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்ற தேர்தல் நாடு முழுவதும் களைகட்டி வருகிறது. அதன்படி முதற்கட்டமாக இன்று தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது. முதற்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு இன்று வாக்குப்பதிவு நடைபெற்றது.

தமிழகத்தில் உள்ள 39 நாடாளுமன்ற தொகுதிக்கும், புதுச்சேரியில் உள்ள ஒரு நாடாளுமன்ற தொகுதிக்கும் இன்று வாக்குப்பதிவு நடைபெற்றது. பதற்றமான வாக்குச்சாவடிகளில் பல அடுக்கு பாதுகாப்பு ஏற்பாடுகள் செய்யப்பட்டது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெற்று தற்போது முடிந்துள்ளது. மாலை 6:00 மணிக்குள் வாக்குச்சாவடிகளுக்கு வாக்களிக்க வந்தவர்களுக்கு டோக்கன் வழங்கி வாக்களிக்க ஏற்பாடு செய்யப்பட்டுள்ளது. மேலும் அரசியல் கட்சியினர் முன்னிலையில் வாக்கு இயந்திரங்கள் சீல் வைக்கும் பணி நடைபெற்று வருகிறது.

தமிழகத்தில் இறுதி நிலவரப்படி 72.09 சதவீத வாக்குகள் பதிவாகியுள்ளது. சென்னையில் செய்தியாளர்களை சந்தித்த மாநில தேர்தல் ஆணையர் சத்யபிரதா சாஹு பேசுகையில், ''தமிழகத்தில் ஏழு மணி நிலவரப்படி 72.09 சதவீத வாக்குகள் பதிவாகியுள்ளது. வாக்குப் பெட்டிகளுக்கு சீல் வைத்து வாக்கு எண்ணும் மையத்திற்கு எடுத்துச் செல்லும் பணி தொடர்ந்து நடைபெற்று வருகிறது. தமிழகத்தில் அதிகபட்சமாக கள்ளக்குறிச்சியில் 75.67 சதவீத வாக்குகள் பதிவாகியுள்ளது. மத்திய சென்னையில் 67.37 சதவீதம், தென்சென்னையில் 67.82 சதவீதம், வட சென்னையில் 69.26 சதவீதம், தர்மபுரி மக்களவைத் தொகுதியில் 75.44 சதவீதம் வாக்குகள் பதிவாகியுள்ளது. சில வாக்குச்சாவடிகளில் டோக்கன்கள் கொடுக்கப்பட்டு வாக்குப்பதிவு நடைபெற்று வருகிறது. மாலை 3 மணிக்கு மேல் ஏராளமான மக்கள் அதிக அளவில் தங்கள் வாக்குகளை செலுத்தியுள்ளனர். தமிழகத்தில் மக்களவைத் தேர்தல் சட்ட ஒழுங்கு பிரச்சினை இன்றி அமைதியான முறையில் நடந்துள்ளது'' என்றார்.

திருவள்ளூர்-71.87 சதவீதம், வடசென்னை-69.26 சதவீதம், தென் சென்னை-67.82 சதவீதம், ஸ்ரீபெரும்புதூர்-69.79 சதவீதம், காஞ்சிபுரம்-72.99 சதவீதம், அரக்கோணம்-73.92 சதவீதம், வேலூர்-73.04 சதவீதம், கிருஷ்ணகிரி-72.96 சதவீதம், தர்மபுரி-75.44 சதவீதம், திருவண்ணாமலை-73. 35 சதவீதம், ஆரணி-73.77 சதவீதம், விழுப்புரம்-73.49 சதவீதம், சேலம்-73.55 சதவீதம், நாமக்கல்74.29 சதவீதம், ஈரோடு-71.42 சதவீதம், திருப்பூர் -72.02 சதவீதம், நீலகிரி-71.07 சதவீதம், கோவை-71.17 சதவீதம் வாக்குகள் பதிவாகியள்ளது.