Skip to main content

"ரயில்ல தள்ளி விட்டு தண்டிக்கும் படி சத்யாவின் சார்பாக கேட்கிறேன்.."- விஜய் ஆண்டனி ஆவேசம்

Published on 14/10/2022 | Edited on 14/10/2022

 

vijay antony tweet about sathya issue

 

சென்னை கிண்டி ஆதம்பாக்கத்தில் உள்ள ராஜா தெருவை சேர்ந்தவர் கல்லூரி மாணவி சத்யா. தனியார் கல்லூரி ஒன்றில், பி.காம் இரண்டாம் ஆண்டு படித்து வந்த சத்தியாவுக்கு, 20 வயது ஆகிறது. சத்தியாவின் தந்தை மாணிக்கம். இவர், கார் ட்ராவல்ஸ் வைத்து நடத்தி வந்துள்ளார். தாய் ராஜலட்சுமி ஆதம்பாக்கம் போலீஸ் ஸ்டேஷனில் தலைமைக் காவலராக பணியாற்றி வருகிறார். மாணவி சத்தியாவின் சித்தி உள்ளிட்ட குடும்பத்தார் பலரும், சென்னை மாநகர காவல்துறையில் பணியாற்றி வந்துள்ளனர்.


 

இந்நிலையில், சத்யா குடியிருக்கும் அதே பகுதியில் வசித்து வந்துள்ளார், ஓய்வுபெற்ற SI தயாளன். இவரது மகன் 23 வயதான சதீஷ். முழுதாக எட்டாம் வகுப்பை கூட தாண்டாத சதீஷுக்கு, சத்யா மீது காதல் வந்துள்ளது. பள்ளிப் பருவத்தில் இருவரும் பழகி வந்ததாக கூறப்படுகிறது. ஆனால், நாளடைவில் சதீஷின் பழக்கவழக்கம் பிடிக்காத சத்யா, தன்னை தொந்தரவு செய்யவேண்டாம் எனக் கூறி, சதீஷிடம் இருந்து விலகியுள்ளார். ஆனால், இதை ஏற்றுக்கொள்ள முடியாத, பள்ளி காலத்துக் காதலை நினைத்துக்கொண்டு, சத்யாவை டார்ச்சர் செய்துள்ளார். சத்யா போகும் வரும் இடமெல்லாம் நின்றுகொண்டு, தன்னை காதலிக்குமாறு தொந்தரவு செய்துள்ளார்.

 

ஒரு கட்டத்தில், மிகுந்த மன உளைச்சலுக்கு ஆளான சத்தியா, சதீஷின் டார்ச்சர் குறித்து தனது குடும்பத்தாரிடம் சொல்லியுள்ளார். இதனால் சத்யாவின் பெற்றோர், சதீஷின் பெற்றோரிடம் நடந்ததை சொல்லி கண்டித்துள்ளதாக கூறப்படுகிறது. ஆனாலும், திருந்தாத சதீஷ் மீண்டும் மீண்டும் சத்யாவை தொந்தரவு செய்துள்ளார். இதனால் அதிருப்தியடைந்த சந்தியாவின் பெற்றோர், மாம்பலம் காவல் நிலையத்தில், சதீஷ் மீது இரண்டு முறை புகார் அளித்துள்ளனர். இந்நிலையில், மாணவி சத்யாவுக்கு ஒரு மாதத்திற்கு முன்பு நிச்சயதார்த்தம் நடந்துள்ளது.


 

காதலித்த பெண் வேண்டாம் என சொன்ன விரக்தியில் போதை பழக்கத்திற்கு அடிமையான சதீஷின் நடவடிக்கை நாளுக்கு நாள் வீரியமடைந்துள்ளது. போலீஸ் கம்ப்ளைன்ட்க்கு கூட அஞ்சாத அளவுக்கு, சதீஷின் வறட்டு பிடிவாதம் கண்ணை மறைத்துள்ளது. இந்நிலையில், கடந்த வியாழக்கிழமை வழக்கம்போல கல்லூரிக்குச் செல்வதற்காக, மாணவி சத்யா மதியம் 12.45 மணி அளவில், தோழிகளுடன் பரங்கிமலை ரயில் நிலையத்துக்கு வந்துள்ளார்.

 

அப்போது அவரைப் பின்தொடர்ந்து வந்த சதீஷ், பிளாட்பாரம் எண் ஒன்றில் ரயிலுக்காக காத்திருந்த சத்தியாவிடம் வாக்குவாதத்தில் ஈடுபட்டுள்ளார்.. இதனால் இருவருக்கும் இடையே பலத்த தகராறு நடந்துள்ளது. இந்த சமயத்தில், தாம்பரத்திலிருந்து சென்னை கடற்கரை நோக்கி வந்த மின்சார ரயில், பரங்கிமலை ரயில் நிலையத்துக்கு வந்து கொண்டிருந்தது. அப்போது திடீரென மாணவியை பிடித்த சதீஷ், கண்ணிமைக்கும் நேரத்தில் ரயில் முன் தள்ளியதாக சொல்லப்படுகிறது. இதனைக் கண்ட ரயில் பயணிகள் பலரும், அதிர்ச்சியில் அலறியுள்ளனர்.

 

நடைமேடையில் உயிருடன் பேசிக்கொண்டிருந்த மாணவி, ஒரு நொடிப்பொழுதில் தலை துண்டாகிக் கிடந்த காட்சி, பயணிகள் அனைவரையும் உறையவைத்துள்ளது. இதையடுத்து, உடனடியாக அங்கிருந்து சதீஷ் தப்பிச் சென்றுவிட்டார். இதுகுறித்து தகவலறிந்த ரயில்வே போலீசார், பரங்கிமலை ரயில் நிலையம் விரைந்து வந்து, அங்கிருந்த சிசிடிவி காட்சிகளை ஆய்வு செய்தனர். அதனடிப்படையில், கொலையாளி சதீஷை, அன்று இரவுக்குள் துரைப்பாக்கத்துக்கு அருகில் வைத்து கைது செய்தனர். இதற்கிடையில், மகள் இறந்த தகவலறிந்த சத்யாவின் தந்தை அதிர்ச்சியில் ஏற்பட்ட மாரடைப்பால் உயிரிழந்ததாகக் கூறப்பட்டது. இதைத்தொடர்ந்து நடைபெற்ற விசாரணைக்குப்பின், திடீர் திருப்பமாக, அவர் மகள் இறந்த துக்கத்தால் மதுவில் விஷம் கலந்து அருந்தியதும், அதனால் அவர் உயிரிழந்ததும் தெரியவந்துள்ளது.  காவலர்கள் இதுகுறித்த விசாரணையில் ஈடுபட்டு வருகின்றனர்.
 

 

இந்த நிலையில், இசையமைப்பாளரும் நடிகருமான விஜய் ஆண்டனியின் ட்விட்டர் பக்கத்தில், "சத்யாவை கொன்று சத்யாவின் அப்பாவின் தற்கொலைக்கு காரணமான சதிஷை, பொறுமையாக விசாரித்து 10 வருஷத்துக்கு அப்புறம் தூக்குல போடாமல், தயவுசெய்து, உடனே விசாரித்து, ரயில்ல தள்ளி விட்டு தண்டிக்கும்படி, சத்யாவின் சார்பாக பொது மக்களில் ஒருவனாக, கனம் நீதிபதி அவர்களை கெஞ்சி கேட்டுக்கொள்கிறேன்" எனக் குறிப்பிட்டுள்ளார். தற்போது இந்த பதிவு இணையத்தில் வைரலாகி வருகிறது. 

 

 

 

 

 

சார்ந்த செய்திகள்

 

Next Story

'நான் ஆர்ப்பாட்டத்துக்கே வரலங்க; விட்ருங்க' - கதறிய முதியவர்

Published on 23/06/2024 | Edited on 23/06/2024
'I am not concerned about the demonstration; -the wailing old man

கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்து 4 பெண்கள் உட்பட 50க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. அதே சமயம் கள்ளச்சாராயம் குடித்து பாதிக்கப்பட்டவர்களுக்கு கள்ளக்குறிச்சி, சேலம் மற்றும் விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் தொடர்ந்து தீவிர சிகிச்சை அளிக்கப்பட்டு வருகிறது.

இந்த சம்பவத்தை கண்டித்தும். இதற்கு தமிழக அரசு பொறுப்பேற்று முதல்வர் பதவி விலக வேண்டும் என்றும், உண்மை குற்றவாளிகளைக் கைது செய்ய கோரியும் வேலூர் மாவட்ட பாரதிய ஜனதா கட்சி சார்பில் வேலூர் அண்ணா கலையரங்கம் அருகே ஆர்ப்பாட்டம் நடைபெற இருந்தது. இதற்கு காவல்துறை அனுமதி வழங்காததால் போராட்டத்தில் ஈடுபட வந்த பாஜகவினரை காவல்துறையினர் தடுத்து நிறுத்தி கைது செய்தனர். இந்த ஆர்ப்பாட்டத்திற்கு கரை வேட்டியுடன் வந்தவரை போலீசார் தடுத்து நிறுத்தி கைது செய்ய அழைத்தபோது, 'நான் இல்லை என்னை விடுங்க.. நான் போறேன்...' என வாகனத்தில் ஏறாமல் ஒருவர் அடம் பிடித்தார். வேட்டியுடன் ஆர்ப்பாட்டத்திற்கு வந்தவர் கைது எனக் காவல்துறை அழைத்தவுடன் கூச்சலிட்டு கதறிய முதியவரால் சிறிது நேரம் பரபரப்பு ஏற்பட்டது.

Next Story

கள்ளச்சாராய வியாபாரி கொடுத்த வாக்குமூலம்; மீண்டும் தோண்டி எடுக்கப்பட்ட உடல்

Published on 23/06/2024 | Edited on 23/06/2024
Confession given by liquor dealer; The body was exhumed again


கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்து 4 பெண்கள் உட்பட 50க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. அதே சமயம் கள்ளச்சாராயம் குடித்து பாதிக்கப்பட்டவர்களுக்கு கள்ளக்குறிச்சி, சேலம் மற்றும் விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் தொடர்ந்து தீவிர சிகிச்சை அளிக்கப்பட்டு வருகிறது.

இந்தநிலையில் கள்ளக்குறிச்சி மாவட்டம் சின்னசேலம் பகுதியைச் சேர்ந்த ஜெயமுருகன் என்பவர் கடந்த 18 ஆம் தேதி அதே பகுதியைச் சேர்ந்த ராமர் என்பவர் விற்பனை செய்த சாராயத்தை வாங்கி குடித்துள்ளார். பின்னர் உடல்நலக்குறைவு ஏற்பட்டு மருத்துவமனைக்கு செல்லும் வழியிலேயே அவர் உயிரிழந்தார். இதனால் மீண்டும் உடலை வீட்டுக்கு எடுத்து வந்த ஜெயமுருகனின் உறவினர்கள் அவரது உடலை மறுநாள் அடக்கம் செய்தனர். ஆனால் ஜெயமுருகன் கள்ளச்சாராயம் குடித்து உயிரிழந்தது அவருடைய வீட்டாருக்கு தெரியவில்லை என்று கூறப்படுகிறது. இந்த நிலையில் கள்ளக்குறிச்சியில் கள்ளச்சாராயம் உயிரிழப்பு பரபரப்பை ஏற்படுத்தியது.

போலீசார் தொடர்ந்து கள்ளச்சாராய வியாபாரிகளை கைது செய்த நிலையில் ராமர் என்பவரையு விசாரித்த போது அதே ஊரில் உயிரிழந்த ஜெயராமன், ஜெயமுருகன் உட்பட பலர் தன்னிடம் சாராயம் வாங்கிக் குடித்ததாக வாக்குமூலத்தில் தெரிவித்தார். இதனையடுத்து ஜெயராமன், ஜெயமுருகன் ஆகியோர் வீட்டிற்குச் சென்ற போலீசார் இது குறித்து விசாரணை நடத்தினர். விசாரணையில் அவர்கள் கள்ளச்சாராயம் அருந்தியதால்தான் உயிரிழந்தார்களா என்பதை உறுதிசெய்ய உடல்கள் தோண்டி எடுக்க முடிவு செய்யப்பட்டது. அதன்படி இன்று மதியம் வருவாய் வட்டாட்சியர் கமலக்கண்ணன், காவல் ஆய்வாளர் கந்தகுமார் ஆகியோர் முன்னிலையில் தோண்டி எடுக்கப்பட்ட உடல் விழுப்புரம் முண்டியம்பாக்கம் அரசு மருத்துவக் கல்லூரி மருத்துவமனைக்கு பிரேதப் பரிசோதனைக்காக அனுப்பி வைக்கப்பட்டுள்ளது.