Skip to main content

விபத்தில் சிக்கியவரை மீட்டு சிகிச்சைக்கு ஏற்பாடு செய்த வைகோ

Published on 07/06/2018 | Edited on 07/06/2018

கோவை அருகே நடந்த வாகன விபத்தில் சிக்கிய இளைஞரை மீட்டு மருத்துவமனையில் சேர்த்துள்ளார் வைகோ.

மதுக்கரை அருகே கார் விபத்தில் படுகாயம் அடைந்த கேரள வாலிபருக்கு சிகிச்சை அளிக்க மதிமுக பொதுச் செயலாளர் வைகோ உதவி செய்த செய்த சம்பவம் அந்த பகுதி மக்களால் பாராட்டப்பட்டு வருகிறது. கோவை மதுக்கரை அருகில் இன்று மதியம் சுமார் 2 மணியளவில், பாலக்காடு நெடுஞ்சாலையில் கேரளத்தில் இருந்து வந்த ஒரு கார் லாரியில் மோதி விபத்து ஏற்பட்டது. காரை ஓட்டி வந்த இளைஞரை, அப்பகுதி இளைஞர்கள், காரில் இருந்து வெளியே எடுத்து, 108 ஆம்புலன்ஸைத் தொடர்பு கொண்டு வரவழைத்து மனிதாபிமானத்துடன் செயல்பட்டனர். அதேநேரத்தில் அந்த வழியாக வந்த மதிமுக பொதுச் செயலாளர் வைகோ அந்த இளைஞரை ஆம்புலன்ஸில் ஏற்றுவதற்கு உதவினார்.

 

vaiko

 

அந்த இளைஞர் படுகாயம் அடைந்ததால், ரத்தக்கசிவு அதிகமாக இருந்தது. அவருடன் வைகோ பேச முயன்றார். அந்த இளைஞர் லேசாகத் தலையை மட்டும் அசைத்தார். உடனே கோவை அரசு மருத்துவமனை இயக்குநரிடம் வைகோ செல்பேசியில் தொடர்பு கொண்டு பேசி, விபத்து குறித்த தகவலைக் கூறி, அந்த இளைஞருக்குத் தகுந்த சிகிச்சை அளிக்க வேண்டுமெனக் கேட்டுக் கொண்டார். அதற்கு உடனடியாக ஏற்பாடு செய்கிறேன் என இயக்குநர் தெரிவித்தார். படுகாயமடைந்த இளைஞருக்கு மருத்துவமனையில் தற்போது சிகிச்சை அளிக்கப்பட்டு வருகின்றது

சார்ந்த செய்திகள்

 

Next Story

டிராக்டரில் சிக்கிய 8 வயது சிறுவன்; தந்தை கண் முன்னே நிகழ்ந்த சோகம் 

Published on 30/06/2024 | Edited on 30/06/2024
8-year-old boy trapped in tractor; The tragedy that happened before the eyes of the father

விவசாய நிலத்தை உழுத பொழுது தந்தையின் கண் முன்னே டிராக்டரில் சிக்கி எட்டு வயது சிறுவன் உயிரிழந்தது வேலூரில் சோகத்தை ஏற்படுத்தியிருக்கிறது.

வேலூர் மாவட்டம் காட்பாடி அடுத்துள்ள குக்கலப்பள்ளி பகுதியில் வசித்து வருபவர்கள் தாமோதரன்-கவிதா தம்பதி. இவர்களுக்கு இரண்டு மகன்கள் உள்ளனர். மூன்றாம் வகுப்பு படித்து வந்த இளைய மகன் பரத்குமார் (8 வயது) இன்று விடுமுறை தினம் என்பதால் தந்தையுடன் விவசாய நிலத்திற்கு சென்றுள்ளார். அப்பொழுது தாமோதரனுக்கு சொந்தமான நிலத்தில் வேர்க்கடலை பயிரிடுவதற்காக ஆதிகேசவன் என்பவர் டிராக்டர் மூலம் நிலத்தை உழுது கொண்டிருந்தார்.

திடீரென எதிர்பாராத விதமாக டிராக்டரி பின்புற பகுதியில் சிறுவன் பரத்குமார் எறியுள்ளார். அதனை பார்க்காமல் டிராக்டர் இயக்கப்பட்டதில் சிறுவன் டிராக்டரில் சிக்கி சிறுவன் பரத்குமார் சம்பவ இடத்திலேயே உயிரிழந்துள்ளார். தந்தையின் கண் முன்னே எட்டு வயது சிறுவன் உயிரிழந்தது அந்த பகுதியில் பெரும் சோகத்தை ஏற்படுத்தி இருக்கிறது. இந்த சம்பவம் குறித்து இலத்தேரி போலீசார் வழக்குப்பதிவு செய்து விசாரணை மேற்கொண்டு வருகின்றனர்.

Next Story

தனியார் பேருந்து தலைகீழாகக் கவிழ்ந்து விபத்து; 20 பேர் காயம்

Published on 25/06/2024 | Edited on 25/06/2024
Private bus overturned accident; 20 people were injured

புதுக்கோட்டையில் தனியார் பேருந்து கவிழ்ந்து 20க்கும் மேற்பட்டோர் படுகாயத்துடன் மீட்கப்பட்ட சம்பவம் பரபரப்பை ஏற்படுத்தி இருக்கிறது.

புதுக்கோட்டையில் இருந்து புறப்பட்டு மணப்பாறை நோக்கிச் சென்று கொண்டிருந்த தனியார் பேருந்து அன்னவாசல் பகுதிக்கு முன்பாக உள்ள ஒன்றிய அலுவலக பகுதியில் சென்று கொண்டிருந்த பொழுது பேருந்தின் முன்பக்கம் டயர் வெடித்ததாகக் கூறப்படுகிறது. அப்போது கட்டுப்பாட்டை இழந்த பேருந்து சாலையின் நடுவில் குறுக்காக தலைகுப்புற கவிழ்ந்தது. அந்தப் பேருந்தில் 50க்கும் மேற்பட்டோர் பயணித்த நிலையில் இருபதுக்கும் மேற்பட்டோர் காயங்களுடன் மீட்கப்பட்டுள்ளனர்.

அலறியடித்தபடி உள்ளே சிக்கியுள்ள பயணிகளை மீட்கும் வீடியோ காட்சிகள் தற்போது வைரலாகி வருகிறது. காயங்களுடன் மீட்கப்பட்ட பயணிகள் அனைவரும் 108 ஆம்புலன்ஸ் மூலமாக அன்னவாசல், இலுப்பூர், மணப்பாறை உள்ளிட்ட அரசு மருத்துவமனைகளுக்கு அனுப்பி வைக்கப்பட்டுள்ளனர். சிலருக்கு தீவிர சிகிச்சை அளிக்கப்பட்டு வருவதாக தகவல்கள் வெளியாகி உள்ளது. விபத்து குறித்து தகவல் கொடுத்தும் சம்பவ இடத்திற்கு காவல்துறை வரவில்லை என அந்தப் பகுதி மக்கள் குற்றச்சாட்டு தெரிவித்துள்ளனர். அதேபோல் பேருந்து அதிவேகமாக வந்ததால்தான் இந்த விபத்து நடந்தது என அங்குள்ள ஒரு சாரார் குற்றச்சாட்டுகளை வைத்துள்ளனர்.