Skip to main content

கிராமத்தையே மிரட்டும் காசநோய்; முகாமிட்டுள்ள மருத்துவர்கள்!

Published on 09/01/2024 | Edited on 09/01/2024
Tuberculosis disease is on the rise in a village in Tenkasi district

தென்காசி மாவட்டத்தின் கடையநல்லூர் அருகிலுள்ள குமந்தாபுரம் கிராமத்தில் காசநோயால் பாதிக்கப்பட்டவர்கள் மற்றும் அதன் அறிகுறிகள் தென்படுவது உள்ளிட்ட தகவலையறிந்த கடையநல்லூர் அரசு மருத்துவமனை மருத்துவர்களின் காசநோய் கண்டறியும் முகாம் மாவட்ட துணை இயக்குநர் வி.பி.துரை அவர்களின் அறிவுறுத்தலின்படி நடந்தது. கடையநல்லூர் சேர்மனும் பங்கேற்றார். 100 பேர்கள் முகாமிற்கு வந்ததில் சோதனை மேற்கொள்ளப்பட்டு அவர்களில் 38 பேர்களுக்கு எக்ஸ்ரேயும் எடுக்கப்பட்டு சோதனை நடத்தப்பட்டது.

“இங்குள்ள காளியம்மன் கோவில் தெருவில் நான்கு முதல் 5 பேருக்கு காசநோய் உள்ளது. பிள்ளையார் கோவில் தெருவில் ஒருவர் என இந்த சுற்றுவட்டாரப் பகுதியில் காசநோய் இருக்கிறது. மெயின் ரோட்டுக்கு அந்தப் பக்கம் தெரியவில்லை. 3வது வார்டில் ஒரு கேஸ். அவர்கள் முறையான மருத்துவ சிகிச்சையில் இருக்கிறார்கள். மாத்திரை மருந்துகள் வழங்கப்படுகின்றன” என்கிறார் மருத்துவர் சதீஷ்குமாரி.

Tuberculosis disease is on the rise in a village in Tenkasi district

குமந்தாபுரத்தின் வார்டு கவுன்சிலர், இந்த ஏரியாவுல ஐந்தாயிரம் மக்களிருக்காங்க. அத்தனை பேரும் விவசாய மக்கள். சுகாதார கட்டமைப்புமில்லை. சுகாதாரமின்மையினால் தான் காசநோய் போன்றவைகள் வருகின்றன. அதனால் அவர்களுக்கு சுகாதாரம் பற்றிய விழிப்புணர்வு ஏற்படுத்தனும். பாதிக்கப்பட்டவர்களுக்கு சரியான சிகிச்சை மாத்திரை ஊட்டச்சத்து மாத்திரை, நிவாரணமா ஐநூறு ரூபாய் மாதம் வழங்க வேண்டும். ஏனென்றால் காச நோயாளிகளை மட்டும் நூறு பேருக்கு மேல் சிகிச்சையில் இருக்கிறார்கள். ஏழை, எளிய மக்களுக்காக இங்கே ஆரம்ப சுகாதார நிலையம் ஆரம்பித்து சிகிச்சை மேற்கொள்ள வேண்டும். நோய் வராமலிருக்க தடுப்பூசி போடவேண்டும். அரசு முழுக் கவனம் செலுத்த வேண்டும்” என்றார் அழுத்தமாக.

“மழைக்காலத்தில் தான் காசநோய் பரவுகிறது; நோயாளிகளும் சிரமப்படுகிறார்கள். அவர்களுக்கு போதிய மருத்துவ சிகிச்சையை அளிக்க இங்கேயே ஏற்பாடு செய்ய வேண்டும். அப்போதுதான் நோயின் வீரியம் குறையும்” என்கிறார் குமந்தாபுரத்தின் குமார். முகாமில் காசநோய் மேற்பார்வையாளர்களான  செல்வகுமார், சிபி சக்கரவர்த்தி மற்றும் எக்ஸ்ரே நிபுணர்கள் பங்கேற்றனர்.

 

சார்ந்த செய்திகள்

 

Next Story

குற்றாலத்தில் மதுபோதையில் அட்டகாசம்; வைரலாகும் வீடியோ

Published on 09/07/2024 | Edited on 09/07/2024
Drunkenness in kutralam; A viral video

தமிழகத்தில் அண்மையில் தென்மேற்கு பருவமழை தொடங்கியது. இதன் காரணமாக மேற்குத் தொடர்ச்சி மலை மாவட்டங்கள் மற்றும் வட மாவட்டங்களில் பரவலாக மழை பெய்து வருகிறது.  குற்றாலம் உள்ளிட்ட அருவிகளில் நீர்வரத்து திடீர் திடீரென அதிகரிப்பதும் வாடிக்கையாகி வருகிறது. அந்தந்த வானிலை நேரங்களை கணக்கிட்டு நீர்வரத்தை பொறுத்து குற்றால அருவியில் குளிப்பதற்கு தடையும் அனுமதியும் அவ்வப்போது வழங்கப்பட்டு வருகிறது. போலீசார் மற்றும் வனத்துறை அதிகாரிகள் பாதுகாப்பில் குற்றால அருவியில் குளிக்க அனுமதிக்கப்பட்டு வருகிறது.

தென்காசி குற்றால அருவியில் தற்போது சீசன் தொடங்கியுள்ளது. இந்நிலையில் அருவியில் குளிக்க வந்த இடத்தில் மது குடித்துவிட்டு சிலர் மது போதையில் அங்கிருந்த காவலர்களிடம் வம்பிழுத்த நிலையில் போதை இளைஞர்களை காவல்துறையினர் குளித்துக் கொண்டிருந்த மேனியோடு அழைத்துச் சென்ற சம்பவம் தொடர்பான வீடியோ காட்சிகள் வெளியாகியுள்ளது. அந்த வீடியோ காட்சியில் ''குளிக்க வந்தா குளிக்க தானே செய்யணும் எதற்கு இவ்வளவு போதை உனக்கு. நான் போலீஸ்னு சொல்கிறேன் சட்டை புடிச்சு இழுக்குறீங்க. என்ன பண்ணிட்டிருக்க'' என போலீசார் கேட்க, 'நான் மாடு மேய்க்கிறேன்' என போதை இளைஞர் பதில் சொல்லும் இந்த காட்சிகள் தற்போது இணையத்தில் வைரல் ஆகி வருகிறது.

Next Story

'காமராஜர் திறந்து வைத்த பள்ளி வளாகத்தில் மதுபாட்டில்கள்'-சமூக ஆர்வலர்கள் கோரிக்கை

Published on 09/06/2024 | Edited on 09/06/2024
nn

கோடை விடுமுறை முடிந்து தமிழகத்தில் பள்ளிகள் நாளை (10/06/2024) திறக்கப்பட இருக்கின்றன. இதற்கு முன்பாகவே, பள்ளிகளை திறப்பதற்கு முன்பு பள்ளி வளாகத்தை தூய்மைப்படுத்தவேண்டும்; பள்ளியில் தூய்மையான குடிநீரை உறுதி செய்ய வேண்டும் உள்ளிட்ட பல்வேறு வழிகாட்டு நெறிமுறைகளை தமிழக பள்ளிக்கல்வி துறை வழங்கியுள்ளது.

nn


இந்நிலையில் தென்காசி மாவட்டம் பாவூர்சத்திரத்தில் முன்னாள் முதல்வர் காமராஜரால் திறந்து வைக்கப்பட்ட பள்ளியில் கட்டடங்கள் சேதமடைந்திருக்கும் நிலையில் சமூக விரோதிகள் நடமாட்டத்தால் மது பாட்டில்கள் ஆங்காகே கிடப்பது அதிர்ச்சியைக் கொடுத்துள்ளது. தென்காசி மாவட்டம் பாவூர்சத்திரத்தில் உள்ள அரசினர் மேல்நிலைப்பள்ளி 1966 ஆம் ஆண்டு முன்னாள் முதல்வர் காமராஜரால் திறந்து வைக்கப்பட்டது. தற்போது அப்பள்ளி கட்டடங்கள் பராமரிப்பின்றி பாழடைந்து கிடக்கிறது. மேஜைகள் உள்ளிட்டவை முழுவதுமாக சேதமடைந்து பள்ளிக்கூட வளாகத்தின் ஒரு அறையில் கொட்டப்பட்டுள்ளது. அதேபோல் சமூக விரோதிகள் நடமாட்டம் அதிகரித்ததால் ஆங்காங்கே காலி மது பாட்டில்களும் கிடக்கிறது. உடனடியாக பள்ளி கட்டடத்தை சீரமைக்க வேண்டும், சமூக விரோதிகள் பள்ளி வளாகத்தில் நுழைவதை தடுக்க வேண்டும் என சமூக ஆர்வலர்கள் மற்றும் பொதுமக்கள் கோரிக்கை விடுத்துள்ளனர்.